4
Timoti Godɨn akam akunsɨ bar gavgavigh
1  Ap 10:42, Ro 14:9-10, 1 Ti 5:21, 6:13Aposel 10:42; Rom 14:9-10; 1 Timoti 5:21; 6:13Krais Iesus uamategh izɨ atrivimɨn ikiamin dughiam, a en araziba kotiamɨn da tuisɨgham, gumazamizir ikiavɨra itiba ko ariaghireziba uakan. Kamaghɨn kɨ Godɨn damazim ko Krais Iesusɨn damazimɨn mɨghɨghavɨra kamaghɨn nɨ mɨgɨa ghaze, 2  Ap 20:20, 20:31, 1 Ti 4:13, 5:20, Ta 1:13, 2:15Aposel 20:20; 20:31; 1 Timoti 4:13; 5:20; Taitus 1:13; 2:15nɨ Godɨn akam akunsɨ bar gavgafigh. Gumazamiziba akam baraghasa ifonge, o a baraghan aghua, nɨ zurara Kraisɨn akam akunsɨ pamtem ingar. Egh nɨ men navibagh inivsɨ akar gavgavibar me mɨkɨm, egh me uan arazir kuraba akɨrsɨ me mɨkɨmɨva, me Godɨn Arazibar gɨn mangɨsɨ me mɨkɨm. Egh nɨ asughvɨra me damuva deravɨra God ifongezir arazibar men sure damu. 3  1 Ti 1:10, 4:1, 2 Ti 1:13, 3:1, 3:61 Timoti 1:10; 4:1; 2 Timoti 1:13; 3:1; 3:6E fo, dughiam izɨtɨma, gumazamiziba ua guizɨn akam baraghsɨ ifueghan kogham. Men kuariba akar igharaziba baraghsɨ bar ikuvigham. Egh me uari bagh tisan avɨriba inightɨ, me akar me oraghasa ifongezibar men sure damuam. 4  1 Ti 1:4, 4:7, Ta 1:141 Timoti 1:4; 4:7; Taitus 1:14Kamaghɨn me guizɨn akam akɨrim ragh a gasaragham. Egh me pura eghaghanir kɨnir igharaziba baragham. 5  Ap 21:8, Ef 4:11, 2 Ti 1:8, 2:3Aposel 21:8; Efesus 4:11; 2 Timoti 1:8; 2:3Eghtɨ nɨ uabɨ, nɨ zurara deravɨra nɨghnɨgh ikɨva osɨmtɨziba ko mɨzaziba ater. Egh Akar Aghuim akurir ingangarim damu. God gumazamizibar akurvaghamin ingangarim nɨ ganɨngi. Kamaghɨn amizɨ nɨ ingangarir kam deravɨram a damu.
Pol ovengamin dughiam roghɨra ize
6  Fl 1:23, 2:17, 2 Pi 1:14Filipai 1:23; 2:17; 2 Pita 1:14Ezɨ kɨ uabɨ, nan ovevemɨn dughiam roghɨra ize. Eghtɨ nan ghuzim mati wainɨn dɨpar me God ganɨdimɨn mɨn, abuan irasava ami. Nan dughiar kɨ mangamim a roghɨra izegha gɨfa. 7  1 Ko 9:24-25, Fl 3:14, 1 Ti 6:12, Hi 12:11 Korin 9:24-25; Filipai 3:14; 1 Timoti 6:12; Hibru 12:1Kɨ pamtem ingara Akar Aghuim deravɨram anekuri, mati ivemarir gumazim pamtem ivemari. Egha ingangarir God na ganɨngizim kɨ anegɨfa, mati ivemarir gumazim uan ivemarim anegɨfa. Egha kɨ nɨghnɨzir gavgavir Godɨn itim, kɨ pamtem an suiragha mamaghɨra iti. 8  1 Ko 9:24-25, 2 Ti 1:12, Je 1:12, 1 Pi 5:4, MAA 2:101 Korin 9:24-25; 2 Timoti 1:12; Jems 1:12; 1 Pita 5:4; Akar Mogomem 2:10Ezɨ ivezir aghuim na mɨzuai iti, mati ivemarir gumazim an ivezir aghuim a mɨzuai. Ezɨ ivezir aghuir kam a kamakɨn, God na mɨkɨm suam, nɨ nan damazimɨn dera. Ekiam arazir aghuimra gɨn mangɨva gumazamizibar araziba tuisɨgham. Egh Dughiar Krais Otoghamim, a ivezir aghuir kam na danɨngam. Egh a narara danɨngan kogham. Puvatɨ. A ivezir aghuir kam isɨ, gumazamizir a mɨzua a uamategh izamin dughiam gifongeziba, a bar me danɨngam.
Timoti zuamɨra Pol bagh izɨ
9  2 Ti 1:42 Timoti 1:4Nɨ zuamɨra na bagh izɨsɨ damu. 10  2 Ko 8:23, Ga 2:3, Kl 4:14, Fm 24, Ta 1:4, 1 Jo 2:152 Korin 8:23; Galesia 2:3; Kolosi 4:14; Taitus 1:4; Filemon 1:24; 1 Jon 2:15Nɨ oragh! Demas, a nguazir kamɨn biziba bagha bar ifonge, kamaghɨn amizɨ a na ategha gɨvagha Tesalonikan nguibar ekiamɨn ghu. Ezɨ Kresens Galesian Provinsɨn ghu, ezɨ Taitus Dalmesian Distrighɨn ghu. 11  Ap 12:12, 12:25, 13:13, 15:37-39, Kl 4:10, 4:14, Fm 24Aposel 12:12; 12:25; 13:13; 15:37-39; Kolosi 4:10; 4:14; Filemon 1:24Luk uabɨra na ko iti. Kamaghɨn amizɨma nɨ Mak batoghɨva a inighɨva a ko izɨ. A gumazir aghuir ingangaribar nan akurvazim. 12  Ap 20:4, Ef 6:21-22, Kl 4:7-8Aposel 20:4; Efesus 6:21-22; Kolosi 4:7-8Nɨ fo, kɨ Tikikus amadazɨma an Efesusɨn nguibamɨn ghu. 13  Ap 20:6Aposel 20:6Nɨ izɨsɨ, nan azenan azuir korotiar ruarim inigh izɨ. Kɨ Troasɨn nguibamɨn ikia Karpusɨn dɨpenimɨn anetaki. Egh akɨnafarir rɨghiziba sara inigh. Bar bizir ekiam, nɨ akɨnafarir me asɨzir inibar ingariziba inigh izɨ.
14  Sng 28:4, 62:12, Snd 24:12, Ap 19:33, Ro 2:6, 1 Ti 1:20, MAA 18:6Onger Akaba 28:4; 62:12; Aghuzir Akaba 24:12; Aposel 19:33; Rom 2:6; 1 Timoti 1:20; Akar Mogomem 18:6Aleksander, gumazir ainɨn bizibar ingarim, a bar paza na gami. Ekiam gɨn arazir kurar an amizir kam ikaragham. 15 Eghtɨ nɨ uaghan gumazir kam bagh gan. A bar guizbangɨra en akabar apanim gami.
16  Ap 7:60, 2 Ti 1:15Aposel 7:60; 2 Timoti 1:15Kɨ faragha Kotɨn tugha akaba ikarvazima, gumazitam na ko tugha nan akamɨn akurazir puvatɨ. Gumaziba bar na ataki. Kɨ God ko mɨkɨmtɨma, a men arazir kurar kam gɨnɨghnɨghan kogham. 17  Sng 22:21, Dan 6:22, Ap 23:11, 27:23, 2 Pi 2:9Onger Akaba 22:21; Daniel 6:22; Aposel 23:11; 27:23; 2 Pita 2:9Ezɨ Ekiam uabɨ nan boroghɨn ikia gavgavim na ganɨdi. Kamaghɨn amizɨ kɨ Akar Aghuim bar anekurima, Kantrin Igharazibar Gumazamiziba, me bar a barasi. Ezɨ kɨ ovengasava amima God nan akura, mati a laionɨn akamɨn ua na ini. 18  Sng 121:7, Ro 11:36, Ga 1:5, Hi 13:21Onger Akaba 121:7; Rom 11:36; Galesia 1:5; Hibru 13:21Ezɨ Ekiam me na damuamin arazir kuraba, a nan akuragham. Egh a deravɨra na damuva nan aku uan Nguibar a ikiava atrivimɨn itimɨn mangam. Eghtɨ e zurazurara ziar ekiam a danɨng mamaghɨra ikiam. Bar guizbangɨra.
19  Ap 18:2, 2 Ti 1:16-17Aposel 18:2; 2 Timoti 1:16-17Nɨ nan akam isɨ, Prisila ko Akwila, ko Onesiforusɨn amuiroghboribar anɨng suam, Afeziam ia ko ikɨ. 20  Ap 19:22, 20:4, 21:29, Ro 16:23Aposel 19:22; 20:4; 21:29; Rom 16:23Erastus Korinɨn nguibamɨn ikiavɨra iti. Ezɨ Trofimus areima kɨ anetaghizɨma a Miletusɨn nguibamɨn iti. 21 Nɨ damu, zuamɨra na bagh izɨ. Nɨ suighsuightɨma, amozim ko amɨnir orangtɨzimɨn dughiam otogham.
Yubulus ko Pudens ko Linus ko Klodia ko Romɨn nguibamɨn itir Kraisɨn adarasi, me akam amaga ghaze, Afeziam nɨ ko ikɨ.
22 Ekiam nɨn duam ko ikɨ. Egh an apangkuvim bar moghɨra ia ko ikɨ.

4:1: Ap 10:42, Ro 14:9-10, 1 Ti 5:21, 6:13

4:1: Aposel 10:42; Rom 14:9-10; 1 Timoti 5:21; 6:13

4:2: Ap 20:20, 20:31, 1 Ti 4:13, 5:20, Ta 1:13, 2:15

4:2: Aposel 20:20; 20:31; 1 Timoti 4:13; 5:20; Taitus 1:13; 2:15

4:3: 1 Ti 1:10, 4:1, 2 Ti 1:13, 3:1, 3:6

4:3: 1 Timoti 1:10; 4:1; 2 Timoti 1:13; 3:1; 3:6

4:4: 1 Ti 1:4, 4:7, Ta 1:14

4:4: 1 Timoti 1:4; 4:7; Taitus 1:14

4:5: Ap 21:8, Ef 4:11, 2 Ti 1:8, 2:3

4:5: Aposel 21:8; Efesus 4:11; 2 Timoti 1:8; 2:3

4:6: Fl 1:23, 2:17, 2 Pi 1:14

4:6: Filipai 1:23; 2:17; 2 Pita 1:14

4:7: 1 Ko 9:24-25, Fl 3:14, 1 Ti 6:12, Hi 12:1

4:7: 1 Korin 9:24-25; Filipai 3:14; 1 Timoti 6:12; Hibru 12:1

4:8: 1 Ko 9:24-25, 2 Ti 1:12, Je 1:12, 1 Pi 5:4, MAA 2:10

4:8: 1 Korin 9:24-25; 2 Timoti 1:12; Jems 1:12; 1 Pita 5:4; Akar Mogomem 2:10

4:9: 2 Ti 1:4

4:9: 2 Timoti 1:4

4:10: 2 Ko 8:23, Ga 2:3, Kl 4:14, Fm 24, Ta 1:4, 1 Jo 2:15

4:10: 2 Korin 8:23; Galesia 2:3; Kolosi 4:14; Taitus 1:4; Filemon 1:24; 1 Jon 2:15

4:11: Ap 12:12, 12:25, 13:13, 15:37-39, Kl 4:10, 4:14, Fm 24

4:11: Aposel 12:12; 12:25; 13:13; 15:37-39; Kolosi 4:10; 4:14; Filemon 1:24

4:12: Ap 20:4, Ef 6:21-22, Kl 4:7-8

4:12: Aposel 20:4; Efesus 6:21-22; Kolosi 4:7-8

4:13: Ap 20:6

4:13: Aposel 20:6

4:14: Sng 28:4, 62:12, Snd 24:12, Ap 19:33, Ro 2:6, 1 Ti 1:20, MAA 18:6

4:14: Onger Akaba 28:4; 62:12; Aghuzir Akaba 24:12; Aposel 19:33; Rom 2:6; 1 Timoti 1:20; Akar Mogomem 18:6

4:16: Ap 7:60, 2 Ti 1:15

4:16: Aposel 7:60; 2 Timoti 1:15

4:17: Sng 22:21, Dan 6:22, Ap 23:11, 27:23, 2 Pi 2:9

4:17: Onger Akaba 22:21; Daniel 6:22; Aposel 23:11; 27:23; 2 Pita 2:9

4:18: Sng 121:7, Ro 11:36, Ga 1:5, Hi 13:21

4:18: Onger Akaba 121:7; Rom 11:36; Galesia 1:5; Hibru 13:21

4:19: Ap 18:2, 2 Ti 1:16-17

4:19: Aposel 18:2; 2 Timoti 1:16-17

4:20: Ap 19:22, 20:4, 21:29, Ro 16:23

4:20: Aposel 19:22; 20:4; 21:29; Rom 16:23

© 2020 PBT