5
Ananaias ko Safaira God gifari
1 Gumazir mam Ananaias, an amuim Safaira, aning uaghara fuegha uan nguazir mam amadagha an ivezim ini. 2 Ap 4:34-37Aposel 4:34-37Egha aning uaghara bar fogha, Ananaias dagɨar maba ua bagha dar suira. Egha naba inigha aposelbagh ifaragha me ganɨngi.
3 Lo 23:21, Lu 22:3, Jo 13:2Godɨn Araziba 23:21Ezɨ Pita kamaghɨn Ananaias mɨgei, “Nɨ manmaghsua, Satan ataghizɨma a nɨn navim gizɨvazɨ, nɨ Godɨn Duam gifari? Egha nguazir ivezimɨn dagɨar maba nɨ ua bagha dar suira? 4 Kar nɨn nguazim, nɨ uabɨ ifuegha anemada. An ivezimɨn dagɨaba uaghan nɨn dagɨabara. Nɨ manmaghɨn nɨghnigha uan dagɨar kabar e gifari? Nɨ gumazamizibagh ifari puvatɨ, nɨ God gifari.”
5 Ezɨ Ananaias kamaghɨn oregha degiaghirɨgha maghɨram areme. Ezɨ gumazamiziba bizir kam baregha atiatir ekiam me ini. 6 Ezɨ gumazir igiaba izava an kuam nomkegha a inigha azenan ghuava a mozim gatɨ.
7 Ezɨ auan pumuning ko mɨkezim gɨvazɨ, an amuim fozir puvatɨgha aven izi. 8 Ezɨ Pita an azara, “Nɨ na mɨkɨm, kar nguazir ivezim, nɨ Ananaias ko gua a ini?”
Ezɨ a kamaghɨn mɨgɨa ghaze, “Are, bar an ivezimra.”
9 Ezɨ Pita kamaghɨn a mɨgei, “Gua manmaghsua vɨrara fuegha Godɨn Duam gifari? Nɨ gan! Gumazir nɨn pam mozim gatɨziba, me tiar akamɨn iti. Egh me uaghan nɨn kuam inigh azenan mangam.”
10 Pita mɨgɨavɨra itima, Safaira maghɨram an suemningɨn irɨghava areme. Ezɨ gumazir igiaba aven iza garima an aremezɨ me a inigha azenan ghugha an pamɨn mozimɨn mɨriamɨn anefa. 11 Ezɨ atiatir ekiam Kraisɨn adarazi bar me batozɨ, gumazir bizir kaba baraghiziba bar uaghan bar atiatingi.
Mirakelɨn avɨravɨriba otifi
12 Ap 2:43, 4:32, 14:3, Ro 15:19, 2 Ko 12:12Aposel 2:43; 14:3; Rom 15:19; 2 Korin 12:12Aposelba mirakelɨn avɨriba ko dɨgavir kuram gamir bizir avɨriba, gumazamizibar tongɨn dagh ami. Ezɨ nɨghnɨzir gavgavim Iesusɨn itir gumazamiziba, me Solomonɨn Azuarimɨn zurara uari akufi. 13 Gumazir igharaziba, me ko poghasa tong nɨghnɨzir puvatɨ. Me men ziaba fa egha fo, me arazir aghuim gami. 14 Ap 2:41, 21:20Aposel 2:41; 21:20Marazi me ko poghan aghua, ezɨ avɨrim nɨghnɨzir gavgavim Ekiamɨn ikia men aven zuima, men dɨbobonim bar ghuavanabo. 15 Mt 9:21, 14:36, Ap 19:12Matyu 9:21; 14:36; Aposel 19:12Kamaghɨn, gumaziba arɨmariar gumazamiziba inigha men mɨsiaba ko akuriaba sara me atera iza tuavir mɨriamɨn me arɨsi. Me kamaghɨn nɨghnɨzir gavgavim iti, Pitan nedazim me gisɨn mangɨtɨ me ua ghuamagham.*Gumazamizir kaba nɨghnɨzir gavgavim kamaghɨn iti, aruem Pita gisiraghtɨ an nedazim arɨmariar gumazamizibagh isɨn ikɨtɨ, me ua deragham. 16 Mk 6:56, Ap 19:11-12Mak 6:56; Aposel 19:11-12Ezɨ uaghan Jerusalem torim gatɨzir nguibar dozibar gumazir avɨrim, me uan arɨmariar gumazamiziba inigha ize. Egha uaghan uan gumazamizir duar kuraba apazaziba inigha izezɨma, me bar moghɨra ghuamaghegha dera.
Ensel aposelbar akurazɨ,
me kalabus ataki
me kalabus ataki
17 Ap 4:1-2, 4:6Aposel 4:1-2; 4:6Ezɨ ofa gamir gumazibar dapanim ko an akurvazir adarasi, kar Sadyusibar aven itir gumaziba. Me aposelba amir biziba bagha navim ikufi. 18 Egha Sadyusiba men suiragha kalabuziar ekiam gatɨ. 19 Ap 12:7-10, 16:26Aposel 12:7-10; 16:26Me kalabusɨn itima, dɨmangan Ekiamɨn ensel tiaba kuigha me inigha azenan ize. 20 Egha ensel kamaghɨn mɨgei, “Ia mangɨ, Godɨn Dɨpenir mɨriamɨn avɨzibar tuiv ikɨrɨmɨrir igiar kamɨn mɨgɨrɨgɨaba bar, gumazamizibav kɨm.”
21 Ezɨ amɨnim itima aposelba, ensel me mɨkemezɨ moghɨn Godɨn Dɨpenir mɨriamɨn aven ghua, gumazamizibar sure gami.
Ezɨ ofa gamir gumazibar dapanim uan akurvaziba ko iza, Judan kotɨn aven itir gumazibar diazɨ, me ghua uari akufa. Israelɨn gumazir aruaba bar uari akufa. Egha me kalabusɨn dɨpenimɨn aposelba inigh izasa akam amada. 22 Ezɨ polisɨn maba ghua kalabusɨn dɨpenimɨn otogha garima, me itir puvatɨ, ezɨ me uamategha iza bizir kamɨn gun mɨgei, 23 “E kalabusɨn dɨpenimɨn garima me deravɨra an tiam asarazɨ kalabusɨn dɨpenimɨn garir gumaziba an tiar akamɨn tuivighav iti. Ezɨ e tiaba kuigha garima, tav aven itir puvatɨ.”
24 Ezɨ me ghua bizir kamɨn gun mɨkemezɨ, Godɨn Dɨpenimɨn garir gumazibar dapanim ko ofa gamir gumazir ekiaba pura nɨghnɨsi, bizir tizitam uam otogham?†Grighɨn akam, vezɨn kamɨn deragha bigha mɨkemezir puvatɨ. Gumazir maba akar kam giragha ghaze, “Me nɨghnɨgha egha ghaze, bizir tizim datɨrɨghɨn otogham?”
25 Ezɨ gumazir mam iza ghaze, “Ia oragh! Gumazir ia kalabus gatɨziba Godɨn Dɨpenir mɨriamɨn tughav ikia gumazamizibar sure gami.” 26 Mt 14:5, 21:26Matyu 14:5; 21:26Kamaghɨn amizɨ, Godɨn Dɨpenimɨn garir gumazibar gumazir dapanim, uan gumazir a ko ingariba ko ghua aposelba inigha izi. Me kamaghɨn atiati, gumazamiziba dagɨabar me ginivigham, egha me pura nɨmɨra me inigha izi.
Aposelba Judan kotɨn aven itir gumaziba akam me mɨkɨman atiatir puvatɨ
27 Ezɨ Godɨn Dɨpenimɨn garir gumaziba, me aposelba inigha izegha me mɨgeima, me Judan kotɨn aven itir gumazibar damazimɨn tuifi. Ezɨ ofa gamir gumazibar dapanim me kotɨn Itir bizim bagha men azangsɨsi. 28 Mt 27:25, Ap 2:23, 2:36, 4:18, 7:52Matyu 27:25; Aposel 2:23; 2:36; 4:18; 7:52Ezɨ ofa gamir gumazibar dapanim kamaghɨn me mɨgei, “E akar gavgavim ia ganɨga ghaze, ia Iesusɨn ziamɨn gumazamizibar sure damuan markɨ! Ezɨ ia orazir puvatɨgha men sure gamima ian suren mɨgɨrɨgɨaba Jerusalem bar a garui. Egha ia ghaze, e Iesus mɨsoghezɨ an areme.”
29 Ap 4:19Aposel 4:19Ezɨ Pita aposelɨn igharaziba ko, me kamaghɨn me mɨgei, “E God baragham, e gumazamiziba baraghan kogham. 30 Ap 3:15, 10:39, 13:29, Ga 3:13, 1 Pi 2:24Aposel 3:15; 10:39; 13:29; Galesia 3:13; 1 Pita 2:24Iarara Iesusɨn mɨsuegha ter ighuvimɨn anegurazɨma an areme. Ezɨ en ovavibar God Iesus fezɨ a ua dɨkafi. 31 Ap 2:33-34, 3:15, Ef 1:20, Fl 2:9, Hi 2:10, 12:2Aposel 2:33-34; 3:15; Efesus 1:20; Filipai 2:9; Hibru 2:10; 12:2Ezɨ God a isa uan agharir guvimɨn anetɨzɨ, an Atrivimɨn Otarim ko Gumazamizibar Akurvaghamin Gumazimɨn ikiam. Egh a Israelia damutɨ me navibagh iraghtɨ, God men arazir kuraba gɨn amangam. 32 Jo 15:26-27, Ap 1:8, 2:4, 10:44Jon 15:26-27; Aposel 1:8; 2:4; 10:44E God amizir bizir kaba uan damazibar dar ganigha dar gun mɨgei. Ezɨ Godɨn Duam uaghan bizir kabar gun mɨgei. God baragha an gɨn zui adarasi, a uan Duam me ganɨngi.”
Gamalielɨn fofozim
33 Ap 2:37, 7:54Aposel 7:54Judan kotɨn aven itir gumaziba kamaghɨn aposelbar akam baregha, men naviba me bagha bar ikufi. Egha me mɨsueghtɨ me aremeghasa nɨghnɨsi. 34 Ezɨ Farisin gumazir mam Gamaliel, Judan Arazibar sure gamizir gumazir me bar ifongezim. A Judan kotɨn aven tugha ghaze, aposelba tong azenan ikegh.‡Dughiar Pol tɨghar Kraisɨn adarazir mavɨn otivam, gumazir kam Gamaliel an sure gami. Nɨ akar Aposel 22:3ɨn itimɨn gan. 35 Egha a mɨgɨrɨgɨar kabagh ami, “Israelɨn gumaziba, ia arazitam gumazir kabar amusɨ deravɨra nɨghnɨgh. 36 Ap 21:38Aposel 21:38Boghɨmra Teudas otogha kamaghɨn uabɨ mɨgɨa ghaze, kɨ gumazir dapanir mam, ezɨ 400ɨn boroghɨra ghuzir gumaziba an gɨn ghue. Ezɨ gavman a mɨsoghezɨ, an areme. Ezɨ an gɨn zuir darazi bar uari aghamsɨki. Ezɨ me amizir bizir kam dagheba puvatɨ. 37 Lu 2:1-2Ezɨ an gɨn, gavman gumazamiziba dɨborir dughiam, Galilin gumazir mam Judas oto. Egha, a gumazir bɨzir mamɨn faragha ghuava me gavman ko mɨsosi. A uaghan aremezɨ an gɨn zuir darasi, me uari aghamsɨki. 38 Ais 8:10, Mt 15:13Kamaghɨn amizɨ, kɨ datɨrɨghɨn kamaghɨn ia mɨkɨmasa. Ia bizitamɨn gumazir kabar amuan markɨ! Me ateghtɨ me mar mangɨ! Ia pura gan, men ingangarim gumazitam gisɨn tughɨva, degeghirɨgham. 39 Lu 21:15, Ap 7:51, 9:5, 1 Ko 1:25Luk 21:15; Aposel 7:51; 9:5; 1 Korin 1:25Egh me Godɨn tugh bizim damutɨ, ia men anogoroghan kogham. Ia fogh suam, ia God ko mɨsosi.”
40 Ap 4:18Aposel 4:18Ezɨ me Gamalielɨn nɨghnɨzimɨn gɨn ghugha aposelbar diazɨ, me aven ghuezɨ me pura me fozoroke. Egha Iesusɨn ziamɨn bizibav kɨman men anogoregha me ataghizɨ me ghue.
41 Mt 5:10-12, 1 Pi 4:13Matyu 5:10-12; 1 Pita 4:13Egha me ghaze, God e bagha bar akongegha en amamangatɨzɨ, e Iesusɨn ziamɨn osɨmtɨziba ini. Egha kamaghɨn me Judan kotɨn aven itir gumaziba ataghɨragha bar akonge. 42 Ap 9:22, 17:3Aposel 9:22; 17:3Egha dughiaba zurara me Godɨn Dɨpenimɨn mɨriaba ko dɨpenibar Akar Aghuim gumazamiziba sure gamuavɨra iti. Egha akam me mɨkɨra ghaze, Iesus a Krais, God Uam E Iniasa Mɨsevezir Gumazim.
5:2: Ap 4:34-37
5:2: Aposel 4:34-37
5:3: Lo 23:21, Lu 22:3, Jo 13:2
5:3: Godɨn Araziba 23:21
5:12: Ap 2:43, 4:32, 14:3, Ro 15:19, 2 Ko 12:12
5:12: Aposel 2:43; 14:3; Rom 15:19; 2 Korin 12:12
5:14: Ap 2:41, 21:20
5:14: Aposel 2:41; 21:20
5:15: Mt 9:21, 14:36, Ap 19:12
5:15: Matyu 9:21; 14:36; Aposel 19:12
*5:15: Gumazamizir kaba nɨghnɨzir gavgavim kamaghɨn iti, aruem Pita gisiraghtɨ an nedazim arɨmariar gumazamizibagh isɨn ikɨtɨ, me ua deragham.
5:16: Mk 6:56, Ap 19:11-12
5:16: Mak 6:56; Aposel 19:11-12
5:17: Ap 4:1-2, 4:6
5:17: Aposel 4:1-2; 4:6
5:19: Ap 12:7-10, 16:26
5:19: Aposel 12:7-10; 16:26
†5:24: Grighɨn akam, vezɨn kamɨn deragha bigha mɨkemezir puvatɨ. Gumazir maba akar kam giragha ghaze, “Me nɨghnɨgha egha ghaze, bizir tizim datɨrɨghɨn otogham?”
5:26: Mt 14:5, 21:26
5:26: Matyu 14:5; 21:26
5:28: Mt 27:25, Ap 2:23, 2:36, 4:18, 7:52
5:28: Matyu 27:25; Aposel 2:23; 2:36; 4:18; 7:52
5:29: Ap 4:19
5:29: Aposel 4:19
5:30: Ap 3:15, 10:39, 13:29, Ga 3:13, 1 Pi 2:24
5:30: Aposel 3:15; 10:39; 13:29; Galesia 3:13; 1 Pita 2:24
5:31: Ap 2:33-34, 3:15, Ef 1:20, Fl 2:9, Hi 2:10, 12:2
5:31: Aposel 2:33-34; 3:15; Efesus 1:20; Filipai 2:9; Hibru 2:10; 12:2
5:32: Jo 15:26-27, Ap 1:8, 2:4, 10:44
5:32: Jon 15:26-27; Aposel 1:8; 2:4; 10:44
5:33: Ap 2:37, 7:54
5:33: Aposel 7:54
‡5:34: Dughiar Pol tɨghar Kraisɨn adarazir mavɨn otivam, gumazir kam Gamaliel an sure gami. Nɨ akar Aposel 22:3ɨn itimɨn gan.
5:36: Ap 21:38
5:36: Aposel 21:38
5:37: Lu 2:1-2
5:38: Ais 8:10, Mt 15:13
5:39: Lu 21:15, Ap 7:51, 9:5, 1 Ko 1:25
5:39: Luk 21:15; Aposel 7:51; 9:5; 1 Korin 1:25
5:40: Ap 4:18
5:40: Aposel 4:18
5:41: Mt 5:10-12, 1 Pi 4:13
5:41: Matyu 5:10-12; 1 Pita 4:13
5:42: Ap 9:22, 17:3
5:42: Aposel 9:22; 17:3