6
Me 7pla gumazir maba aposelbar akurvaghasa me amɨsefe
1 Ap 2:41, 4:35, 5:14, 9:29Aposel 2:41; 4:35; 5:14; 9:29Dughiar kabar Iesusɨn suren gumazamizibar dɨbobonim bar ghuavanadi. Ezɨ suren gumazamizir maba Grighɨn akamɨn mɨgei, ezɨ marazi Aramɨn akam mɨgei. Ezɨ Grighba ghaze, “Dughiar avɨriba ia zurara gumazamizir dagheba puvatɨzibar akurvasi, egha ia en amuir odiaribar akurvazir puvatɨ.” Bizir kam bagha me uarir atari.*Aramɨn akam, a Judia ko Galilin Distrighɨn gumazibar akam. A Hibrun akamɨn mɨn ghu.
2 Ezɨ aposelɨn 12pla, suren gumazamiziba bar men diazɨ me iza uari akuvazɨma, me kamaghɨn me mɨgei, “E Godɨn akam akurir ingangarim ateghɨva dagher ingangarim damuam, kamaghɨn derazir puvatɨ. 3 Lo 1:13, Ap 1:21, 16:2, 1 Ti 3:7Godɨn Araziba 1:13; Aposel 16:2; 1 Timoti 3:7Kamaghɨn amizɨ, en adarasi, ia uarir tongɨn 7plan gumaziba mɨsefegh. Men araziba gumazamizibar damazibar bar deragh, Godɨn Duam me gizɨvaghtɨ, me uaghan fofozir aghuarim ikɨ. Eghtɨ e me isɨ ingangarir kam datɨghtɨ, me an ganam. 4 Eghtɨ e uari ingangarir kamning damuam, e God ko mɨkɨmɨva, Godɨn Akar Aghuim gumazamizibar sure damuam.”
5 Ap 8:5Aposel 8:5Ezɨ gumazamiziba akar kam baregha bar a gifonge. Egha me Stiven amɨsefe, a gumazir bar nɨghnɨzir gavgavim itim, ezɨ Godɨn Duam bar a gizɨfa. Egha me uaghan Filip, ko Prokorus, ko Nikanor, ko Timon, Parmenas, ko Nikolas me amɨsefe. Nikolas an Antioghɨn gumazim, a Judan gumazim puvatɨ, a faragha Judan Arazibagh amuava dar gɨn zui. Egha a datɨrɨghɨn Kraisɨn gɨn zui. 6 Ap 13:3, 14:23Aposel 13:3; 14:23Ezɨ me gumazir kaba inigha aposelbar damazimɨn ghuzɨ, me dafariba men dapanibagh isɨn arɨgha me bagha God ko mɨgei.
7 Jo 12:42, Ap 2:41, 12:24, 16:5, Kl 1:6Jon 12:42; Aposel 2:41; 12:24; 16:5; Kolosi 1:6Ezɨ Godɨn akam bar moghɨra ekevegha bar nguibabar ghue. Ezɨ Jerusalemɨn itir suren gumazamizibar dɨbobonim zuamɨram ekefe. Ezɨ ofa gamir gumazir avɨrim Godɨn akam baregha nɨghnɨzir gavgavim an ikia uaghan an gɨn zui.
Judan gumaziba Stivenɨn suira
8 Ap 2:43Aposel 2:43Ezɨ God guizbangɨra Stivenɨn akuragha, apangkuvim ko gavgavim a ganɨngizɨma, a dɨgavir kuram gamir araziba ko mirakelɨn araziba gumazamizibar tongɨn dagh amima da otifi. 9 2 Ti 1:152 Timoti 1:15Ezɨ marazi dɨkavigha Stiven ko me mɨgɨrɨgɨabar uari adosi. Me Judan God ko mɨgeir dɨpenir mamɨn gumaziba, dɨpenir kamɨn ziam, Friman. Me Sairinin nguibamɨn gumaziba, ko Aleksandrian nguibamɨn gumaziba, ko Silisian Provins ko Esian Provinsɨn gumaziba. Me Stiven ko uari adosi.†Frimanɨn gumazir kaba, me fomɨra pura ingangarim gamir gumazir kɨniba. Egha datɨrɨghɨn me gumazitamɨn apengan ikia ingarir puvatɨ. 10 Ais 54:17, Lu 21:15, Ap 5:39Aisaia 54:17; Luk 21:15; Aposel 5:39Ezɨ Godɨn Duam fofozir aghuim isa Stiven ganɨngi. Kamaghɨn amizɨ, Judan gumaziba an akaba ko mɨkɨman ibura.
11 Mt 26:59-61Matyu 26:59-61Ezɨ me moga, gumazir mabagh ifara me abɨra ghaze, ia kamaghɨn mɨkɨm, “E orazima Stiven mɨgɨrɨgɨar kurabar Moses ko God gami.”
12 Ezɨ me arazir kamɨn gumazamiziba, ko men gumazir aruaba ko Judan Arazibagh fozir gumazibar navibagh inivima da dɨkafi. Ezɨ me Stiven bagha ghugha an suiragha a inigha Judan kotɨn aven itir gumazibar damazimɨn ghue.
13 Jer 26:11Jeremaia 26:11Egha me mɨgɨrɨgɨar ifavarir tabar a damuasa gumazir maba ini. Gumazir kaba kamaghɨn mɨgei, “Gumazir kam zurara akar kurabar Godɨn Dɨpenim ko Judan Arazibagh asi. 14 E orazima a kamaghɨn mɨgei, ‘Gumazir kam Nasaretɨn gumazim, Iesus, a Godɨn Dɨpenir kam apɨrigh a gasɨghasɨgh, egh arazir Moses fomɨra e ganɨngiziba otɨvkɨnigham.’ ”
15 Ezɨ Judan kotɨn aven itir gumaziba bar moghɨra apiaghav ikia dɨkɨravɨra Stivenɨn garima, an guam enselɨn guamɨn mɨn gara taghtasi.
6:1: Ap 2:41, 4:35, 5:14, 9:29
6:1: Aposel 2:41; 4:35; 5:14; 9:29
*6:1: Aramɨn akam, a Judia ko Galilin Distrighɨn gumazibar akam. A Hibrun akamɨn mɨn ghu.
6:3: Lo 1:13, Ap 1:21, 16:2, 1 Ti 3:7
6:3: Godɨn Araziba 1:13; Aposel 16:2; 1 Timoti 3:7
6:5: Ap 8:5
6:5: Aposel 8:5
6:6: Ap 13:3, 14:23
6:6: Aposel 13:3; 14:23
6:7: Jo 12:42, Ap 2:41, 12:24, 16:5, Kl 1:6
6:7: Jon 12:42; Aposel 2:41; 12:24; 16:5; Kolosi 1:6
6:8: Ap 2:43
6:8: Aposel 2:43
6:9: 2 Ti 1:15
6:9: 2 Timoti 1:15
†6:9: Frimanɨn gumazir kaba, me fomɨra pura ingangarim gamir gumazir kɨniba. Egha datɨrɨghɨn me gumazitamɨn apengan ikia ingarir puvatɨ.
6:10: Ais 54:17, Lu 21:15, Ap 5:39
6:10: Aisaia 54:17; Luk 21:15; Aposel 5:39
6:11: Mt 26:59-61
6:11: Matyu 26:59-61
6:13: Jer 26:11
6:13: Jeremaia 26:11