Iesus uan gavgavir bar ekiam akakagha mirakelɨn arazibagh ami
2
(Sapta 2--4)
Iesus dɨpam gɨrazɨma a wainɨn dɨpamɨn oto
1 Dughiar pumuning gɨvazɨma, gumazir mam Kanan nguibamɨn ikia amizimɨn ikiasa, ezɨ amuimɨn ikiamin isam oto. Kanan nguibam a Galilin Distrighɨn aven iti. Dughiar kam Iesusɨn amebam uaghan iti.*Iesus amizir mirakelɨn avɨribar akaba, da Jonɨn akɨnafarimɨn aven iti. Arazir kabar, an akagha ghaze, a guizbangɨra Godra. Nɨ vezɨn kabar gan: Luk 2:11, 2:18-19, 2:23, 3:2, 4:54, 6:2, 6:14, 6:26, 9:16, 11:45, 12:18, ko 12:37. 2 Ezɨ me uaghan Iesus uan suren gumaziba ko men diazɨma me uaghan amuimɨn ikiamin isar kamɨn ghuegha iti.
3 Ezɨ wainɨn dɨpam gɨvazɨma, Iesusɨn amebam kamaghɨn a mɨgei, “Me ua wainɨn dɨpaba puvatɨ.”
4 Mt 12:48, Jo 7:6, 7:30, 8:20Matyu 12:48; Jon 7:6; 7:30; 8:20Ezɨ Iesus kamaghɨn a mɨgei, “Amebam, kar nɨn bizim, nan bizim puvatɨ. Nan dughiam a tɨghar izam.”
5 Ezɨ an amebam ingangarir gumazibav gei, “A bizitam damusɨ ia mɨkɨmtɨ, ia a damu.”
6 Mk 7:3-4Mak 7:3-4Ezɨ dɨpenir kamɨn 6plan dagɨar mɨner ekiaba iti, da ekevegha egha vaghvagha 100 litan dɨpaba dar iti. Judaba uan rurir arazibar gɨn ghua dɨpar kabagh rue.
7 Ezɨ Iesus kamaghɨn ingangarir gumazibav gei, “Ia mɨner kabar dɨpaba tuigh.” Ezɨ me da tuizɨma da bar izevegha akabagh imara.
8 Ezɨ a kamaghɨn me mɨgei, “Ia datɨrɨghɨn mɨner dozitam inigh dɨpatam tuighɨva a inigh gumazir isamɨn faragha zuim bagh mangɨ.” Ezɨ ingangarir gumaziba maba inigha zui. 9 Ezɨ dɨpar kam wainɨn dɨpamɨn otogha gɨfa, ezɨ gumazir isamɨn faragha zuim anepava a barasi, egha a fozir puvatɨ, me managh wainɨn dɨpar kam ini. Ezɨ ingangarir gumazir dɨpam tuiziba, merara fo.
Kamaghɨn amizɨ, isamɨn faragha zuir gumazim a gumazir amuimɨn ikiasava amim, an diagha, 10 kamaghɨn a mɨgei, “Gumazamiziba bar wainɨn dɨpar aghuim faragha me ganɨdi. Ezɨ gumazamiziba wainɨn avɨrim amegha gɨvazɨma, me gɨn wainɨn dɨpar mong afangizim anɨdi. Ezɨ no, nɨ wainɨn dɨpar aghuimɨn anogoregha, egha datɨrɨghɨra nɨ a inigha izi!”
11 Lu 9:32, Jo 1:14, 4:54, 11:40Luk 9:32; Jon 1:14; 4:54; 11:40Kar mirakelɨn arazir Iesus faragham amizim. A Galilin Distrighɨn aven itir nguibam Kanan, mirakelɨn arazir kam gami. Ezɨ mirakelɨn kamɨn, Iesus bar uan gavgavir ekiam aka. Ezɨ an suren gumaziba an ganigha egha nɨghnɨzir gavgavim an iti.
12 Mt 4:13Matyu 4:13Ezɨ bizir kabar gɨn, Iesus uan amebam ko aveghbuaba ko an suren gumaziba, me Kanan ategha Kaperneamɨn nguibamɨn ghuaghiri. Egha me dughiar mabar nguibar kamɨn iti.
Iesus Godɨn Dɨpenimɨn aven dagɨaba bagha ingarir gumazamiziba batosi
(Matyu 21:12-13; Mak 11:15-17; Luk 19:45-46)
13 Kis 12:1-27, Jo 6:4, 11:55Ua Me Ini 12:1-27; Jon 6:4; 11:55Ezɨ God Israelia Gitazir Dughiamɨn Isam otivasa roghɨra izima, bizir kam bagha, Iesus Jerusalemɨn nguibar ekiamɨn ghu. 14 Egha a Godɨn Dɨpenim avɨnizir dɨvazimɨn aven ghua bizibar garima, gumazamiziba dagɨaba iniasa bulmakauba ko sipsipba ko kuaraziba amadi. Ezɨ a garima dagɨaba uari ikarvazir gumazamiziba apiaghav iti. 15 Ezɨ Iesus beniba inigha bɨzimɨn mɨn a da ike. Egha a gumazamiziba ko men sipsipba ko bulmakauba bar me batoke, ezɨ me Godɨn Dɨpenimɨn avɨzim ategha zui. Ezɨ a dagɨaba uari ikarvazir gumazamizibar dakoziba akuri da ira dagɨaba akɨzɨrɨgha tintinibar zui. 16 Lu 2:49Luk 2:49Ezɨ a kamaghɨn gumazir dagɨaba bagha kuaraziba amadiba pamten me mɨgei, “Ia kuaraziba inigh mangɨ! Ia nan Afeziamɨn Dɨpenim biziba amadir danganimɨn mɨn a damuan markɨ.”
17 Sng 69:9Onger Akaba 69:9Ezɨ an suren gumaziba an amizir arazir kamɨn ganigha, egha me Godɨn Akɨnafarimɨn itir akar mam ginɨrɨ. Akar kam a kamakɨn, “Nan navir averiam bar nɨn Dɨpenim gifuegha egha a baghavɨra iti.”
18 Mt 12:38, 21:23, Jo 6:30Matyu 12:38; 21:23; Jon 6:30Ezɨ Judan gumazir aruaba Iesus amizir arazir kamɨn ganigha, kamaghɨn an azara, “Nɨ mirakelɨn arazir manam damigh en akagh suam, nɨ gavgavim ikia datɨrɨghɨn arazir kam gami?”
19 Mt 26:61, 27:40, Mk 14:58, 15:29, Ap 6:14Matyu 26:61; 27:40; Mak 14:58; 15:29; Aposel 6:14Ezɨ Iesus kamaghɨn men akam ikaragha ghaze, “Ia Godɨn Dɨpenir kam apɨrightɨ, eghtɨ kɨ dughiar pumuning ko mɨkezimɨn uam an ingarightɨma a tugham.”
20 Ezɨ Judaba kamaghɨn mɨgei, “Me 46plan azenibar Godɨn Dɨpenir kamɨn ingari. Eghtɨ nɨ ti dughiar pumuning ko mɨkezimɨn a ingarightɨ a tugham, o?”
21 2 Ko 6:16, Kl 2:9, 2 Pi 1:142 Korin 6:16; Kolosi 2:9Ezɨ Iesus mɨgeir Godɨn Dɨpenir kam, an mɨkarzimra. 22 Lu 24:6-8, Jo 12:16, 14:26Luk 24:6-8; Jon 12:16; 14:26Ezɨ God gɨn mozimɨn a gamizɨma a ua dɨkafi, ezɨ an suren gumaziba ua akar a fomɨra mɨkemezir kam ginɨrɨ. Egha akar Godɨn Akɨnafarimɨn itim ko akar Iesus mɨkemezir kam nɨghnɨzir gavgavim dar iti.
Iesus gumazamizibar araziba bar dagh fo
23 Jo 2:11, 7:31Jon 2:11; 7:31Ezɨ Iesus, God Israelia Gitazir Dughiamɨn Isamɨn Jerusalemɨn itima, gumazamizir avɨrim mirakelɨn arazarazir Iesus amizibar gani. Kamaghɨn amizɨma me nɨghnɨzir gavgavim an iti. 24 Ezɨ Iesus, a bar men araziba ko nɨghnɨzibagh fo. Kamaghɨn, a nɨghnɨzir gavgavim men itir puvatɨ. 25 Mt 9:4, Mk 2:8, Jo 6:64, Ap 1:24, MAA 2:23Matyu 9:4; Mak 2:8; Jon 6:64; Aposel 1:24; Akar Mogomem 2:23A uabɨ gumazamizibar navir averiabar aven itir nɨghnɨzibagh fogha gɨfa. A fofozitamɨn otevezir puvatɨ, gumazitam gumazamizibar arazibar gun a mɨkɨman kogham.
*2:1: Iesus amizir mirakelɨn avɨribar akaba, da Jonɨn akɨnafarimɨn aven iti. Arazir kabar, an akagha ghaze, a guizbangɨra Godra. Nɨ vezɨn kabar gan: Luk 2:11, 2:18-19, 2:23, 3:2, 4:54, 6:2, 6:14, 6:26, 9:16, 11:45, 12:18, ko 12:37.
2:4: Mt 12:48, Jo 7:6, 7:30, 8:20
2:4: Matyu 12:48; Jon 7:6; 7:30; 8:20
2:6: Mk 7:3-4
2:6: Mak 7:3-4
2:11: Lu 9:32, Jo 1:14, 4:54, 11:40
2:11: Luk 9:32; Jon 1:14; 4:54; 11:40
2:12: Mt 4:13
2:12: Matyu 4:13
2:13: Kis 12:1-27, Jo 6:4, 11:55
2:13: Ua Me Ini 12:1-27; Jon 6:4; 11:55
2:16: Lu 2:49
2:16: Luk 2:49
2:17: Sng 69:9
2:17: Onger Akaba 69:9
2:18: Mt 12:38, 21:23, Jo 6:30
2:18: Matyu 12:38; 21:23; Jon 6:30
2:19: Mt 26:61, 27:40, Mk 14:58, 15:29, Ap 6:14
2:19: Matyu 26:61; 27:40; Mak 14:58; 15:29; Aposel 6:14
2:21: 2 Ko 6:16, Kl 2:9, 2 Pi 1:14
2:21: 2 Korin 6:16; Kolosi 2:9
2:22: Lu 24:6-8, Jo 12:16, 14:26
2:22: Luk 24:6-8; Jon 12:16; 14:26
2:23: Jo 2:11, 7:31
2:23: Jon 2:11; 7:31
2:25: Mt 9:4, Mk 2:8, Jo 6:64, Ap 1:24, MAA 2:23
2:25: Matyu 9:4; Mak 2:8; Jon 6:64; Aposel 1:24; Akar Mogomem 2:23