3
Gumazir mam mɨzaraghara gavgavim iniasa God ko mɨgei
Devit uan otarim Apsalomɨn arav ghugha, dughiar kamɨn ighiar kam osiri.
1 2 Samuel 15:13--17:22O Ikiavɨra Itir God, nan apaniba me bar avɨraseme.
Me nan apanim gamua egha pazavɨra na gami.
2 Men avɨriba na mɨgɨa ghaze,
“God nɨn akuraghan kogham.”
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
3 Onger Akaba 62:7Ezɨ men akar me mɨgeir kam a guizbangɨra puvatɨ.
Ikiavɨra Itir God, nɨrara nan mɨdorozir oramɨn mɨn iti, ezɨ kɨ nɨn uabɨ modi.
Nɨrara nan akurvazima kɨ uan apaniba abɨri.
Nɨ nan osɨmtɨziba agevima, kɨ tugha gavgavighavɨra iti.
4 Onger Akaba 4:3; 43:3Kɨ uabɨn akurvaghasa Ikiavɨra Itir Godɨn dei.
Ezɨ a uan mɨghsɨar ua baghavɨra inabazimɨn ikia
na baragha nan akurvasi.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)
5 Kɨ mɨsiamɨn akuava onganigha, egha gɨn osegha bar deravɨra iti.
Bar guizbangɨra, Ikiavɨra Itir God bar deravɨra nan gari.
6 Onger Akaba 23:4; 27:3; 118:10-13Nan apanir 10,000pla danganiba bar na ekɨaru,
ezɨ kɨ men atiatir puvatɨ.
7 Jop 16:10; Onger Akaba 22:21; 57:4; 58:6O Ikiavɨra Itir God, nɨ nan God, nɨ dɨkavigh izɨ nan akuragh.
Guizbangɨra, nɨ mati gumazim uan apanibar koviabav sozi moghɨn, nɨ nan apaniba aghumsɨzim me ganɨdi.
Nɨ mati gumazim uan apanibar atariba apɨrizɨ moghɨn,
nɨ gumazir kurar kaba abɨri.
8 Onger Akaba 28:8; 29:11Ikiavɨra Itir God, nɨ uabɨra en akurvagha uam e ini,
ezɨ bizir katam bar e gasɨghasɨghizir puvatɨ.
Nɨ bar deraghavɨra uan gumazamizibagh ami.
(Ighiam gamua an suiam
atugha avughsegha ua
ighiam gami.)
atugha avughsegha ua
ighiam gami.)