2
God atrivim ginaba
Onger Akaba 46:6 Aposel 4:25-26Manmaghɨram amizɨ, Kantrin Igharazibar Gumazamiziba, akaba batozir arazim damuasa uariv gei?
Manmaghɨram amizɨ, ikɨzir igharazibar gumazir dapaniba, arazir kurabar amuasa uari ko akam mɨsoke?
Men akar kabar daghetam, otoghan kogham.
Nguazir kamɨn itir atriviba, mɨdorozim bagha uari akufi.
Ikiavɨra Itir God ko atrivir a ua bagha inabazim,
gumazir dapaniba aning dɨkabɨnasa tuaviba buri.
Me kamaghɨn mɨgɨa ghaze,
“Aning e ikezir senba e da aghorarɨgham.
Benir aning e ikezir gavgavir kaba, e da fɨrigham.”
 
Onger Akaba 37:13; 59:8; Aghuzir Akaba 1:26Ekiam uan Nguibamɨn atrivir dabirabim gaperaghav ikia,
me dɨpova men ingaravati.
A me bagha navim bar an ikuvizɨ, an Akar Gavgavim me mɨgei.
Ezɨ an adarir ekiar kam me gamima, me bar atiatima,
a me mɨgɨa ghaze,
“Kɨ uabɨ gumazir atrivimɨn ikiamin kam amɨsevegha gɨfa.
Kɨ uabɨ a isa Saionɨn Mɨghsɨar ua bagha inabazimra anefazɨ,
an aperaghav iti.”
 
Aposel 13:33; Hibru 1:5; 5:5Ezɨ atrivim kamaghɨn mɨgei,
“Kɨ datɨrɨghɨn Ikiavɨra Itir God na mɨkemezir bizibar gun mɨkɨmam.
A ghaze, ‘Nɨ nan otarim, ezɨ datɨrɨghɨn kɨ nɨn afeziamɨn oto.’
Onger Akaba 72:8; Daniel 7:13-14; Jon 17:4-5Nɨ nan azaraghtɨ kɨ ikɨziba bar nɨ danɨngam.
Nɨ nguazir kamɨn itir kantriba bar me gativagh men ganam.
Onger Akaba 89:23; Akar Mogomem 2:26-27; 12:5; 19:15Nɨ uan agharir gavgavimɨn men suiragh men ganam.
Nɨ me abightɨ, me nguazir mɨneba bɨaghiri moghɨn bɨghiregh,
mɨzumzuiaribar iregham.”
 
10 Kamaghɨn amizɨ, ia atriviba,
ia kuariba arigh oregh nɨghnɨzir aghuim iniam.
Ia nguazimɨn gumazir dapaniba,
ia akar kam baregh deravɨra uari bagh ganam.
11  Filipai 2:12; Hibru 12:28Ia uari isɨ God danigh, egh an apengan ikɨ.
Egh agorogem sara bar atiatingigh.
12  Jon 5:23; 1 Pita 2:6Ia uari amɨragh teviba apɨrigh magɨrɨ,
an dagarimningɨn tor.
Puvatɨghtɨ, an adarim zuamɨrama otoghtɨ ia arɨmɨghiregham.
Guizbangɨra, an anɨngagheghtɨ an anɨngagharim zuamɨrama otogham.
Eghtɨ gumazitam God bagh izɨ an aven modogh,
nɨghnɨzir gavgavim an ikɨ bar akuegham.

2:1: Onger Akaba 46:6

2:1: Aposel 4:25-26

2:4: Onger Akaba 37:13; 59:8; Aghuzir Akaba 1:26

2:7: Aposel 13:33; Hibru 1:5; 5:5

2:8: Onger Akaba 72:8; Daniel 7:13-14; Jon 17:4-5

2:9: Onger Akaba 89:23; Akar Mogomem 2:26-27; 12:5; 19:15

2:11: Filipai 2:12; Hibru 12:28

2:12: Jon 5:23; 1 Pita 2:6