26
Arazir kuratam itir puvatɨzir gumazim God ko mɨgei
Devit onger akar kam osiri.
1 2 Atriviba 20:3; Onger Akaba 28:7; Aghuzir Akaba 20:7O Ikiavɨra Itir God, kɨ nɨghnɨzir gavgavim pamtem nɨn iti,
egha nɨn damazimɨn arazir kuratam gamizir puvatɨ.
Kamaghɨn, nɨ nan gun mɨkɨm suam, kɨ gumazir aghuim.
2 Onger Akaba 17:3; 139:23; Sekaraia 13:9O Ikiavɨra Itir God, nɨ bar nan araziba ko, nan nɨghnɨziba ko, nan navim tuisɨgh ingangarim na danigh,
deragh na gɨfogh.
3 2 Atriviba 20:3Guizbangɨra, nɨn apangkuvim nan faragha ghua tuavim nan akakasi.
Nɨ na mɨkemezɨ moghɨra deragha bizibagh amua zurara nan faragha zui,
ezɨ kɨ zurara nɨn guizɨn arazimɨn gɨn zui.
4 Onger Akaba 1:1Kɨ ifavaribagh amir gumazamiziba ko arua
me ko apiav itir puvatɨ.
5 Onger Akaba 1:1; 31:6; 139:21-22Kɨ gumazamizir arazir kurabagh amibar gɨn daruan bar aghuagha
me gitavɨrasi.
6 Onger Akaba 73:13O Ikiavɨra Itir God, kɨ uan dafariba ruegha kamagh uabɨ akagha ghaze,
kɨ osɨmtɨziba puvatɨ.
Egha kɨ iza nɨn ofa gamir dakozir mɨriamɨn arua
nɨn ziam fe.
7 Kɨ nɨ mɨnabava nɨ bagha onger akar mam banga
nɨn ingangarir bar aghuir nɨ amizibar gun mɨgei.
8 O Ikiavɨra Itir God, Dɨpenir nɨ itim kɨ bar a gifonge.
Danganir kam, nɨn angazangarim ko gavgavir ekiam bar a gizɨvagha iti.
9 1 Samuel 25:29; Onger Akaba 28:3Kɨ fo, mati amizim uan dɨpenim bar anevia ghuzɨ moghɨn,
nɨ gɨn gumazamizir arazir kurabagh amiba avigh mangɨ
na sara inigh mangan markɨ.
Egh uaghan gumazir gumazibav sozi me ariaghɨriba,
nɨ me sara na gasɨghasɨghan kɨ aghua.
10 Godɨn Araziba 16:19; 1 Samuel 8:3; Aisaia 33:15Gumazamizir kaba,
me zurara arazir kurabar amuasavɨra ikia,
egha dagɨaba isa arazir kurabar amuasa gumazir igharazibagh ivesi.
11 Ezɨ kɨ uabɨ, kɨ nɨn damazimɨn arazir kuratam gamizir puvatɨ.
Eghtɨ nɨ nan kuarkuvigh ua na inigh.
12 Onger Akaba 22:22; 40:2; 107:32Kɨ nguazir aghuimra tugha gavgafi.
Bizitam na gasɨghasɨghsɨ damuva avegham.
Kɨ gumazamizir avɨribar tongɨn ikɨ,
egh Ikiavɨra Itir Godɨn ziam fam.
26:1: 2 Atriviba 20:3; Onger Akaba 28:7; Aghuzir Akaba 20:7
26:2: Onger Akaba 17:3; 139:23; Sekaraia 13:9
26:3: 2 Atriviba 20:3
26:4: Onger Akaba 1:1
26:5: Onger Akaba 1:1; 31:6; 139:21-22
26:6: Onger Akaba 73:13
26:9: 1 Samuel 25:29; Onger Akaba 28:3
26:10: Godɨn Araziba 16:19; 1 Samuel 8:3; Aisaia 33:15
26:12: Onger Akaba 22:22; 40:2; 107:32