27
Godɨn ziam fava a ko mɨgeir mɨgɨrɨgɨaba
Devit onger akar kam osiri.
1 Onger Akaba 118:14; Aisaia 33:2; 60:20; Maika 7:8Ikiavɨra Itir God, a nan angazangarim ko nan Akurvazir Gumazim.
Ezɨ kɨ gumazitamɨn atiatingan kogham.
Ikiavɨra Itir God, a dɨpenir gavgavimɨn mɨn na modogha na geghuva nan garima,
kɨ atiatir puvatɨ.
2 Onger Akaba 9:3; 14:4Mati afiam asɨzimɨn tuzibar amasava ami moghɨn,
nan apaniba na gasɨghasɨghsɨ izɨva,
bizibagh asaghpor iregham.
3 Jop 4:6; Onger Akaba 3:6Mɨdorozir gumazir avɨriba bar na ekɨarughamin dughiamɨn, kɨ atiatingan kogham.
Nan apaniba na ko mɨsoghsɨ izamin dughiamɨn,
kɨ nɨghnɨzir gavgavim Godɨn ikɨ egh tugh gavgavigham.
4 Onger Akaba 18:6; 23:6Kɨ bizir vamɨra bagha Ikiavɨra Itir Godɨn azaragha gɨfa.
Bizir kɨ bar ifongezimra kara:
kɨ angamɨra itir dughiamɨn, kɨ an Dɨpenimrama aven ikiam.
Kɨ an ganganir aghuimɨn gan an boroghɨn ikɨ bar akueghasa.
Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.
5 Onger Akaba 17:8; 31:20; 40:2; 50:15Eghtɨ osɨmtɨziba otivamin dughiamɨn
a uan Dɨpenimɨn bar deravɨra na modogham.
A na isɨ uan Purirpenimɨn aven na modogham.
A na isɨ dagɨar gavgavimɨn pɨn mar na afagham.
6 Onger Akaba 3:3; 107:22Nan apanir na okarigha itiba, kɨ bar me abɨragham.
Egh bar akongegh dɨmɨva arang an Purirpenimɨn a bagh ofa damuam.
Egh onger akabar amu Ikiavɨra Itir Godɨn ziam fam.
7 Onger Akaba 4:3; 13:3; 61:1O Ikiavɨra Itir God, kɨ nɨn deir dughiamɨn,
nɨ nan kuarkuvigh nan mɨgɨrɨgɨaba baragh na ikarvagh.
8 Onger Akaba 34:4; 105:4; Amos 5:6O Ikiavɨra Itir God, nɨ kamagh na mɨgɨa ghaze,
“Nɨ bar na nan boroghɨra izɨ na baghavɨra ikɨ
na gɨfofoghsɨ nan azangsɨgh.”
Eghtɨ kɨ nɨ ko ikɨsɨ bar nɨn boroghɨra mangam.
9 Onger Akaba 6:1; 40:17; 69:17; 94:14Nɨ uabɨ nan mongan markɨ.
Kɨ nɨn ingangarir gumazim, nɨ nan God, nan Akurvazir Gumazim.
Nɨ dughiar avɨribar nan akurvasi.
Nɨ nan atar nan aghuagh, egh na ataghɨraghan markɨ.
10 Aisaia 40:11; 49:15; Jon 16:32; 2 Timoti 4:16-18Dughiar mabar nan amebam ko afeziam akɨrim na gasaragha nan aghuaghuasi,
ezɨ nɨ Ikiavɨra Itir God, nɨ na geghuva deragha nan gari.
11 Onger Akaba 5:8; 25:4; 86:11O Ikiavɨra Itir God, kɨ damuasa nɨ ifongezir araziba, nɨ dar nan sure damu.
Kɨ apanir avɨriba iti,
kamaghɨn nɨ tuavir aghuimra nan akaghtɨ kɨ an mangam.
12 Godɨn Araziba 19:18; Matyu 26:60; Aposel 9:1Nɨ na ateghtɨ nan apaniba na inigh me ifongezɨ moghɨn na damuan markɨ.
Me akar ifavaribagh amua egha atiatim na ganɨdi.
13 Jeremaia 11:19Nɨghnɨzir gavgavir kam nan ikiavɨra itima, kɨ kamaghɨn fo,
kɨ nguazir kamɨn angamɨra ikɨ gantɨ,
God deraghvɨra uan gumazamizibar amuam.
14 Onger Akaba 62:5; Aghuzir Akaba 20:22; Aisaia 25:9Nɨ nɨghnɨzir gavgavim Ikiavɨra Itir Godɨn ikɨ a bagh mɨzuam.
Nɨn navim osɨman markɨ.
Nɨ tugh gavgavigh mamaghɨra ikɨ mangɨtɨ
a izɨ nɨn akuragham.
27:1: Onger Akaba 118:14; Aisaia 33:2; 60:20; Maika 7:8
27:2: Onger Akaba 9:3; 14:4
27:3: Jop 4:6; Onger Akaba 3:6
27:4: Onger Akaba 18:6; 23:6
27:5: Onger Akaba 17:8; 31:20; 40:2; 50:15
27:6: Onger Akaba 3:3; 107:22
27:7: Onger Akaba 4:3; 13:3; 61:1
27:8: Onger Akaba 34:4; 105:4; Amos 5:6
27:9: Onger Akaba 6:1; 40:17; 69:17; 94:14
27:10: Aisaia 40:11; 49:15; Jon 16:32; 2 Timoti 4:16-18
27:11: Onger Akaba 5:8; 25:4; 86:11
27:12: Godɨn Araziba 19:18; Matyu 26:60; Aposel 9:1
27:13: Jeremaia 11:19
27:14: Onger Akaba 62:5; Aghuzir Akaba 20:22; Aisaia 25:9