103
God bar en apangkuvigha bar e gifonge
Devit ighiar kam osiri.
1 Kɨ Ikiavɨra Itir Godɨn ziam fam.
Kɨ uan duam ko, navir averiam ko, namnam sara
Ikiavɨra Itir Godɨn ziar aghuim pɨrafam!
2 Kɨ Ikiavɨra Itir Godɨn ziam fɨva,
bizir aghuir a na gamiba da bakɨnɨghnighan kogham.
3 Aisaia 33:24; Jeremaia 17:14A nan arazir kuraba bar da gɨn amaga,
nan arɨmariabagh amizɨ,
da ua dera.
4 Onger Akaba 34:22; 56:13A nan akuragha ua na inizɨ,
kɨ ovengezir puvatɨ.
A bar na gifongegha nan apangkufi.
5 Aisaia 40:31Kɨ nguazimɨn itir dughiamɨn,
God bar nan deragha bizir bar aghuir avɨribar na ganɨdi.
Kamaghɨn amizɨ, kɨ gumazir igiamɨn mɨn gavgavigha,
kuarazir bagamɨn mɨn igiamra iti.
6 Ikiavɨra Itir God ingangarir aghuim gumazamizibar akurvaghasava a gami.
Men marazi faragha gumazir arazir kurabagh amibar apengan ikia gavgaviba puvatɨ.
Ezɨ a bar men akuragha deragha me gamizɨ me deravɨra iti.
7 Bar fomɨra, a uan araziba isa Mosesɨn aka.
Egha Israelia, a ingangarir gavgavir kaba men tongɨn dagh amizɨ me dar gani.
8 Jems 5:11Ikiavɨra Itir God en kuarkuva
an apangkuvim en iti.
A bar en apangkuvigha
zuamɨram en atarir puvatɨ.
9 An atara ghuavɨra itir puvatɨ.
An atara egha adarimɨn suirazɨ,
a dughiar ruarimɨn itir puvatɨ.
10 Esra 9:13E arazir kurar bar avɨribagh ami,
ezɨ an en arazir kuraba ikarvagh e danɨngamin bizim,
an a gamir puvatɨ.
11 Onger Akaba 57:10; Efesus 3:18Gumazamizir an atiatia an apengan itiba,
a bar men apangkufi.
A men apangkuvir ababanim,
a bar ekefe,
mati an overiamɨn pɨn ikegha
izaghira nguazimɨn tu.
12 Aisaia 43:25; Maika 7:18E fo, aruem anadi naghɨn ikegha ghua aruem uaghiri naghɨn,
kar tizir bar ruarim.
Kamaghɨra, Ikiavɨra Itir God en arazir kuraba batoghezɨ,
da bar en saghon mar iti.
13 Malakai 3:17E fo, afeziaba uan boribar apangkuvi moghɨra,
Ikiavɨra Itir God uan gumazamizir an atiatia
an apengan itibar apangkufi.
14 Jenesis 3:19; Onger Akaba 78:39; Fofozir Gumazim 12:7A kamaghɨn fogha gɨfa, a uabɨ nguazim inigha en ingarizɨ,
e mati pura nguazir mɨnemniaba.
15 Jop 14:1-2; Jems 1:10-11; 1 Pita 1:24E gumazamiziba, en angamɨra itir ikɨrɨmɨrim grazibar mɨn,
dughiar ruarimɨn itir puvatɨ.
E dughiar bar otevimra
ruarimɨn akɨmarimɨn mɨn ikegha ariaghiri.
16 Ezɨ amɨnim akɨmarir kam giverazɨ a irɨzɨ,
gumazamiziba uam an garir puvatɨ.
17 Luk 1:50Ezɨ gumazamizir Ikiavɨra Itir Godɨn apengan ikia an atiatiba,
a zurazurara men apangkufi.
Egh men ovavir borir gɨn otivamiba,
a uaghan deragh me damuvɨra ikiam.
18 Gumazamizir kaba, Ikiavɨra Itir Godɨn Akar Dɨkɨrɨzir Gavgavimɨn gɨn zui,
egha an Akar Gavgaviba barasi.
19 Ikiavɨra Itir God, uan Nguibamɨn ikia
uan atrivir dabirabim gaperaghav ikia,
bizibagh ativagha bar adar gari.
20 Ia Ikiavɨra Itir Godɨn mɨdorozir enselba,
ia gavgaviba iti.
Ia kuariba arigha an akaba baragha dar gɨn zui.
Ia an ziam fam.
21 Ia Godɨn Nguibamɨn itir mɨdorozir enselba,
ia an ingangarir enselɨn an ifongiamɨn gɨn zuiba,
ia bar Ikiavɨra Itir Godɨn ziam fam.
22 Ia danganiba bar dar itir biziba,
a ian ingarigha ia gativagha ian gari,
ia bar moghɨra Ikiavɨra Itir Godɨn ziam fam.
Eghtɨ kɨ uabɨ uaghan Ikiavɨra Itir Godɨn ziam fam!
103:3: Aisaia 33:24; Jeremaia 17:14
103:4: Onger Akaba 34:22; 56:13
103:5: Aisaia 40:31
103:8: Jems 5:11
103:10: Esra 9:13
103:11: Onger Akaba 57:10; Efesus 3:18
103:12: Aisaia 43:25; Maika 7:18
103:13: Malakai 3:17
103:14: Jenesis 3:19; Onger Akaba 78:39; Fofozir Gumazim 12:7
103:15: Jop 14:1-2; Jems 1:10-11; 1 Pita 1:24
103:17: Luk 1:50