3 JON
Jon Gigirum Meuma Duwamdesiyawa
1
Apa 19:29; Rom 16:23Siosi amaraivi abnawa gumbe aig evenwa oraiwa Gaias gumbe. Ne baigan neuma undag ge gungap natawa gumbe.
Evenwa oraiwa, ne genan nun watnawa, dividivi undag oraivit gungap aipe sira guwaguwa oraivit aivi mina, kwapugwa gaibu oraivit ape. 2Jn 4Tatangwanen upeba nenan onamiya, sira mu didnegiya anotumat geuma me natawa gumbe, sira ge aninin yunat agege natawa gumbe. Me gumbe ne degadega kokavit eni. Ne utunaiwa mu natawa gumbe amomewa anotna, me ne gunap degadega kokavit.
Evenwa oraiwa. Tatangwanen gumbo, sira nouwa ubewa gumbo ge baigan obiren kokavit ege. Tai 3:13Mu siosi danave taibe waya baigan geuma oya. God baiganeba oraiwa gumbe mu temuna amdau amomewa ampe. 1Ko 9:11-12Kuiyawa mu Iviwa oya dauwag amiya, sira mu Ju onan igiyawa gumbo waita da den auya. Meoya iyayapan meiba gumbo amara munta. Me gumbe nu oma ane mu nau gaibu ata natawa oya.
Ne siosi gumbe kusi da tena, go Diotrepes me imive namu yoipewa nu nounwa den aune. 10 Meoya matai ne uwatnawa, ne dirum watna anope me aninin aivi, me gae gwambe gunup aninin iyagau waivi, megara mame gumbe me demtawa den aune. Sira me tatanaiwa gumbo engaun atanwa me topai ane, sira me tobodne iyayapan imuwo tatanaiwa engaun mu mumpe mu siosi danave imne dauwag amiya.
11  1Jn 3:6-10Evenwa oraiwa, kukaeba mame aivi mina den a, oraiwa a. Da bira me oraiwa aiviwa me God apa onne, sira da bira kukaeba aiviwa me God den yaune. 12 Iyayapan undag Demetrius oya bainda taibe veme, sira natawa membovit gaibu meib waivi. Nu mina menan meib taibe vete, sira ye anoyana taibe watanwa numawa me natawa.
13  2Jn 12Ne ge gungap tetan anoeniwa me obiren, go ne imunap meib den atna ink* Me kapupun mina, sira yoi mina. ge pen gumbe. 14 Ne owanowan eni koni ge yawakna, sira nu meve garayau aka gae wata.
Yum gungap. Ye owanaiwa mawa gaun mumawa ge gungap. Owanaiwa desirom desirom yana diruma gaun gumbo veni.

1:1: Apa 19:29; Rom 16:23

1:3: 2Jn 4

1:6: Tai 3:13

1:7: 1Ko 9:11-12

1:11: 1Jn 3:6-10

1:13: 2Jn 12

*1:13: Me kapupun mina, sira yoi mina.