NAMBAS
Kupuramom maranai
Wonaberena
Niko buka nambas kana waba si berei basuna kapita asi 4 dagudagunai wai Israel sebasebare abiabiyisi asi koroto biyamo Israel damna 12 ba rakarakana kamosi yai. Niko buka yebo e wonewonita kata Israel biyisi bodu 38 kupuramom kamonai si mamana ba, awaika wata si wosewose, ba mekabage Sainai koyanai si yewo ku Canaan kupurina kana ku biparaparata.
6
Priest asi Bigairena
22 Bada Moses kurina i sisiya i wona, 23 “Israel biyisi nikasike koni gairenisi ba kona wona kurisi,
24 ‘Bada, ini gairenimi,
ba ini taraparanimi.
25 Bada naona ina yasegana kurimi
ba ana bibaita kurimi ina mana,
26 Bada ina ma karokaronimi
ba nuwanuba ina berimi.’
27 Yauku kau wabai nikasike Israel biyisi kurisi sina wosei wai yauku ikesiku mom ani gairenisi.”