10
Nowa tupurereghina.
1 Weni tuna na Nowa natunatuna Sem, Ham ma Jepeta i varagutugutu. Kutukutuva murinai ivi tuwa da kii vava na weni.
Jepeta ina rakaraka.
2 Jepeta natunatuna na Goma, Magogi, Madai, Javan, Tubal, Meseki ma Tiras.
3 Ma Goma natunatuna na Askenas, Ripati ma Togama.
4 Ma Javan natunatuna na Elisa, Tasis, Kiti damsi ma Rodan damsi. 5 Ma tupurereghisi inae da kikira barabarasiyai imakai, ti na kukakuka damsi. Kii dam nununai imakamakai da i dobu, i gamo ma i rakaraka na bogii ma bogiiyai.
Ham ina rakaraka.
6 Ma Ham natunatuna na Kus, Misraim, Puti, ma Keinan.
7 Ma Kus natunatuna na Seba, Havila, Sabata, Rama ma Sabateka. Ma Rama natunatuna na Seba ma Dedan.
8 Kus tupurereghina sago na Nimrodi, tuna imagura da ivi rewapana kirakai. Tuna wawaya ghamana dobuwai, iyo wawayina. 9 Rewapana Bada gwabinai iviiya da tuna na yebagha bogana. Tuna kubiine meni wawayina ita yebagha bubuna na turaturana ita vona bo, “Tam na yebagha bogam Nimrodi nakanani.” 10 Nimrodi ivi kiivavo Babilon dobuna kamonai. (Babilon kana vava sago na Sina.) Nani dobunai kwanatu ruwamaruwa ivi karei. Ti na Babilon, Eregi, Akadi ma Kalne.
11 Babilon dobuna kudubina ivi bada yavui na ivomiiri inae ku Asiriya dobuna da kwanatu ruwamaruwa iyamoni, kii vava na Nineva, Reyobot Ire, Kala 12 ma Resen. (Resen na kwanatu ghamana Nineva ma Kala basusiyai.)
13 Misraim tupurereghina na Ludim damsi, Anam damsi, Leyaba damsi, Napetu damsi, 14 Paterus damsi, Kapeto damsi ma Kaslu damsi (ti na Pilisti damsi i kaekiki).
15 Keinan natuna iyarokona na Saidon, tuna na Saidon damsi i kaekiki. 16 Ma Keinan na bade Hiti damsi, Jebu damsi, Amor damsi, Giraga damsi, 17 Hivi damsi, Araki damsi ma Sini damsi, 18 Avadi damsi, Semari damsi ma Hama damsi na kudubisi i kaekiki. Muriyai Keinan tupurereghina ikiibau da i dobu irakata. 19 I dobu kana parata na Saidon da inae ku Gera ma Gasa da ku Sodom, Gomora, Adma ma Sebowim, ma bade ku Lasa.
20 Ma vaghina, nani damsi na Ham tupurereghina ma kii dam nununai ivivi makiiyana, i dobu, i rakaraka ma i gamo bogii ma bogiiyai.
Sem ina rakaraka.
21 Jepeta tina kikei na Sem, ma Sem na Eba tupurereghina kudubisi i kaekiki.
22 Sem natunatuna na Elam, Asuru, Apakisadi, Ludi ma Aram.
23 Ma Aram natunatuna na Usi, Hul, Getere ma Meseki.
24 Apakisadi natuna na Sela ma Sela natuna na Eba.
25 Eba ivi tuwa da natunatuna ruwa. Iyarokona kana vava ‘Pelegi*‘Pelegi’ Pelegi iyamna ‘iyaraghi.’,’ iyamna tuna ina mariyai wawaya ivi karei da dobu iyaraghi. Ma Eba natuna murimurina kana vava Jokatan.
26 Ma Jokatan natunatuna na Arumodadi, Selepi, Hasa Maveta, Jera, 27 Hadoram, Usal, Dikala, 28 Obal, Abimeyal, Seba, 29 Opiri, Havila ma Jobabi. Weni damsi kudubisi na Jokatan natunatuna. 30 Ma i dobu na Mesa dobunai ivi karei da ku Sepa dobuna, tuna na koya kamosiyai. Nani koyasi na maramatana ina ku nevaneva.
31 Ma vaghina, nani damsi na Sem tupurereghina ma kii dam nununai ivivi makiiyana, i dobu, i rakaraka ma i gamo na bogii ma bogiiyai.
32 Ma vaghina, nani wawayisi kudubisi na Nowa natunatuna ma tupurereghisi, kii dam nununai. Kutukutuva murinai na kamosiyai dam ma dam ikiibau da dobu kudubina imakii yavui.