11
Yowane Babatiso yona henamai
(Luka 7:18-35)
1 Yesu yona hekahekatao saudoudoi-labui wa ye hededehasahasaidi ye gehe, na kabo ye dalahai ye lau Galili magaidi udiyedi ye lauhekata yo ye lauguguya.
2 Na Yowane Babatiso meta numatutugudu unai, na Keliso yona paisowa wa wasana ye lapui na ye nuwalabulabui. Ede yona hekahekatao ye hetamalidi se lau Yesu unai 3 bena se henamaiyei se wane, “Mamohoina kowa Kelisona ede ka nayanayai wa, o sola tamowai hesau ka nayanayai kabo ye laoma?” 4 Yesu ye hededebui ye wane, “Kwa uyo na saha kwa lapuidi yo kwa kitadi wa Yowane yona kwa hedehedede, 5 meta taumatagibugibu matadi se lala, taubunibuni se laulau, taulepelepela se namwanamwaꞌuyo, taubeyakolakola se lapulapuiꞌuyo, tauboiboita se toloꞌuyo, yo taudehadeha wasa namwanamwana se lapulapui. 6 Na kaiteya nige ye nuwalabulabuiyeigau, iya gonowana ye gwauyala.”
Yesu Yowane ye hededehemasalaha
7 Yowane yona hekahekatao wa se dalahai se lau, na kabo Yesu Yowane wasana ye hedehededei boda wa udiyedi, ye wane, “Ginauli saha hesabana kwa lau balabala ne unai bena kwa kita? Nuwana lagau yaumai ye yuhisaei yo ye yuhidobiyei?** Lagau meta tamowai ye nuwalabulabui heyaheyasonina. 8 O yomi nuwatu bena tamowai hesau yona kaleko wasawasadi kwa kita? Tamowai kaleko wasawasadi se likwalikwadi, siya wasawasa yodi numa udiyedi se miyamiya. 9 O nuwana kwa lau bena peloweta hesau kwa kita? Mamohoi, Yowane iya peloweta. Na iyamo ye saekalili na kabo peloweta hekadi. 10 Iya tamowaina ede wasana peloweta Malakai ye kulinonohaiyako buka tabuna unai:
‘Yogu tautauwasa kabo ya hetamalibagunaiyawa,
iya yom kamwasa taukabinonohaina.’ (Malakai 3:1)
11 Ya hededemamohoi kalimiuyena: Tanoubu ta unai tamowai maudoidi udiyedi nige hesau Yowane Babatiso ye saedikwai. Na tamowai hesau ye dobikalili galewa basileiyana unai, meta tamowaina ne ye sae na kabo Yowane. 12 Yowane yona huyaena ye hetubu ye laoma teina huya ta meta galewa basileiyana wa ye laki ye lau ma bayaona, na tamowai se bado se kaipate ma gigibwalidi bena se lusae basileiya wa unai. 13 Mose yona laugagayo yo peloweta maudoidi ye lau ee Yowane yona huyaena, siya Galewa basileiyana wasana se hedehededei. 14 Na ena taba yodi hedehedede wa kwa kawamamohoiyedi, kabo kwa nuwatulobai meta Yowane iya ede Eliya se hededenonohaiyako meta kabo ye laoma. 15 Kaiteyadi gonowana se lapulapui bena se lapulapuinamwanamwa!”
16 Na Yesu yona hedehedede ye tubei ye wane, “Teina isi ta tamowaidiyao,** Teina isi ta tamowaidiyao ta, siya ede Paliseya yo Sadusiya kadi bodao na Yesu se kawayababaei yo se subu. saha unai kabo ya hekaigonogonowaidi? Siya doha wawayao bakubakuyena se tuli na kadi kahao se yogayoganedi se wane,
17 ‘Higo ka yuhidi, na nige kwa sobu.
Siyayau wanadi ka wanaidi, na nige kwa dou.’
18 Yowane ye laoma na ye kaihudi na numanuma bayabayaodi nige ye numa, na iyamo se wane, ‘Yaluwa yabayababana hesau ye luwu iya unai.’ 19 Tau Natuna ye laoma na ye kaikai yo waina ye numanuma, na se wane, ‘Sola kwa kita, ye kaimuyomuyou yo ye numayauyaule! Yo iya takisi tautanotano yo yababa tamowaidiyao kadi kaha!’ Na iyamo sibasiba kabahemamohoina ede tamowai yona laulau unai.”
Yesu tamowai nige se nuwabui ye guguyaidi
(Luka 10:13-15)
20 Na Yesu Isalaela magaidiyao hekadiyo ye dilaidi, matawuwuna ede laulau gigigigibwalidi se bado udiyedi ye ginaulidi, na nige se nuwabui. Ye wane, 21 “Ahani mo komiu, Kolasin tamowaidiyao! Ahani mo komiu Betesaida tamowaidiyao! Yababa lakilakina kabo kwa hekalo. Laulau gigigigibwalidi ya ginaulidi kalimiuyena wa, taba ya ginaulidi magai yabayababadi Taiya yo Sidona udiyedi, meta tamowaidiyao kabo se nuwabuiko, na yodi nuwabui ta unai meta kabo kaleko kadi kao doha baiki se luwuidi yo taudi maudoidi se hekahusadi. 22 Unai ya hededelaowa kalimiuyena: Yaubada yona hineli mayadaina ne unai kamkamna lakilakina kabo kwa lobai, na kabo Taiya yo Sidona tamowaidiyao.
23 Na komiu Kapelenauma tamowaidiyao, bena kabo Yaubada ye lausinigomiu kwa sae galewa ne? Taba nige! Kabo kwa dobi kamkamna magaina** Kamkamna magaina meta Luka 10:16 unai ta kulibui Hade, iya ede Giliki kalinadi unai ta hai (↑hade). unai! Laulau gigigigibwalidi ya ginaulidi kalimiuyena wa, taba ya ginaulidi Sodoma** Sodoma meta magai yabayababakalilina Yaubada ye heyababa wa. Wasana ku hasili Genese 19 unai. unai, meta teina mayadai ta unai kabo Sodoma sola ma miyana. 24 Unai ya hededelaowa kalimiuyena: Yaubada yona hineli mayadaina ne unai kamkamna lakilakina kabo kwa lobai, na kabo Sodoma tamowaidiyao.”
Kaiteya gonowana Yaubada kabina ye kata
(Luka 10:21-22)
25 Mahanana ne unai Yesu ye gwauyala na ye hededelau Tamana unai ye wane, “Tamagu, kowa galewa yo tanoubu Guiyauna. Ya hedebasaego matawuwuna ginauli maudoidi ta ku tolewadamdi na tausonoga yo tausibasiba nige gonowana se nuwatulobaidi. Na tamowai supusupudi** Tamowai supusupu: Kalina Giliki unai Luka ye kuli wawayao gagilidi, na kaniyona ede tamowai supusupudi, o, nige se sikulunamwanamwa, o, nige sonoga tauhaina. udiyedi ginauli ta ku tolehemasalahadi na se nuwatulobaidi. 26 Mamohoi, tamagu, teina ta yom nuwatu mamohoina yo yom kabagwauyala ede.”
27 Na kabo ye hededelau boda wa udiyedi ye wane, “Tamagu tanuwaga gigibwalina maudoina ye leyama kaliguwai.** Tamagu tanuwaga gigibwalina maudoina ye leyama kaliguwai: Kalina Giliki unai Mataiyo ye kuli, Tamagu ginauli maudoidi ye ledima kaliguwai. Iya ye bom mo natuna kana kao kabina ye kata, na natuna ye bom mo** FOOTNOTE DELETED – REMOVE CALLER! tamana kabina ye kata, yo hinage yona kaisunuwa tamowaidi udiyedi tamana ya hededehemasalaha na kabina se kata.”
Kabakaiyawasi ede Yesu
28 Kabo Yesu ye hededelau udiyedi ye wane, “Yomi taulauhekata laugagayo bayabayaodi se hekatagomiu, na laugagayo ne miyawatanidi meta doha bahebahe polopolohedi. Ena kwa kaikaipatekalili bena laugagayo wa kwa miyawatanidi na unai kamnamiu se yababa, meta kwa laoma kaliguwai, kabo kabakaiyawasi kwa lobai. 29 Yau ya nuwabiga yo ya nuwadobidobi, unai yogu lauhekata kwa haidi na kwa miyawatanidi, kabo nuwamiu se talu, 30 matawuwuna yogu lauhekata ne ye biga, yo kabo bahebahe malamalahena ya leyawa kwa bahei.” ** Lausoisoi ta udiyedi Yesu yona hedehedede wa kaniyona mamohoina ku hasili. Ena Yesu yona hedehedede wa ta kulibui hedehedede kesega kesega unai, kabo doha teina: 28 Kaiteyadi kamnamiu se yababa yo yomi bahebahe se polohe, meta kwa laoma kaliguwai, kabo kaiyawasi ya leyawa. 29 Yogu bulumakau kabakaulabulabuiyeidi yo yogu lauhekata kwa haidi, matawuwuna yau meta ya nuwabiga yo ya nuwadobidobi, na nuwamiu kabo se talu yo se kaiyawasi. 30 Matawuwuna yogu bulumakau kabakaulabulabuiyeidi ne meta ye biga, yo bahebahe kabo ya leyawa ne ye malamalahe.
**11:7: Lagau meta tamowai ye nuwalabulabui heyaheyasonina.
**11:16: Teina isi ta tamowaidiyao ta, siya ede Paliseya yo Sadusiya kadi bodao na Yesu se kawayababaei yo se subu.
**11:23: Kamkamna magaina meta Luka 10:16 unai ta kulibui Hade, iya ede Giliki kalinadi unai ta hai (↑hade).
**11:23: Sodoma meta magai yabayababakalilina Yaubada ye heyababa wa. Wasana ku hasili Genese 19 unai.
**11:25: Tamowai supusupu: Kalina Giliki unai Luka ye kuli wawayao gagilidi, na kaniyona ede tamowai supusupudi, o, nige se sikulunamwanamwa, o, nige sonoga tauhaina.
**11:27: Tamagu tanuwaga gigibwalina maudoina ye leyama kaliguwai: Kalina Giliki unai Mataiyo ye kuli, Tamagu ginauli maudoidi ye ledima kaliguwai.
**11:27: FOOTNOTE DELETED – REMOVE CALLER!
**11:30: Lausoisoi ta udiyedi Yesu yona hedehedede wa kaniyona mamohoina ku hasili. Ena Yesu yona hedehedede wa ta kulibui hedehedede kesega kesega unai, kabo doha teina: 28 Kaiteyadi kamnamiu se yababa yo yomi bahebahe se polohe, meta kwa laoma kaliguwai, kabo kaiyawasi ya leyawa. 29 Yogu bulumakau kabakaulabulabuiyeidi yo yogu lauhekata kwa haidi, matawuwuna yau meta ya nuwabiga yo ya nuwadobidobi, na nuwamiu kabo se talu yo se kaiyawasi. 30 Matawuwuna yogu bulumakau kabakaulabulabuiyeidi ne meta ye biga, yo bahebahe kabo ya leyawa ne ye malamalahe.