45
Iosep meba sabamoleide tatatawa mampo
4 Sa baiwa Iosep tatatawa mampo wanase, “Mape mainawoido winlena.” Ita mo me mampentono diamone wanase, “Ne ipa e wanlaida, Iosep, mapo gimaranene Isibtiwa ieiena apanawa. 5 Tauma e mai mo gimaraneieno mape winena nuabolawaitana, dia. Ipawa God ne waaubaneno bautantene mape winen apana inawau inasapaa baiwa. 6 Ena ema nata bedewe omana debama segalen bola uduudu bedewe, ita ena 5 da nainimbanepe ieia bedewe apana mai iraintopue uwauwantopua rua, dia. 7 Tane God ne bautanene waaubaneno mape winena e inawala inasapaa baiwa. Me ina mukawa debama mampe e nosinosila inawaa tawo ema osowe waimoia inamopaa baiwa. 8 E mai ne waaubaneapona, dia. Tane God ne waaubaneno apana debama oniamopina seganten. Do warere duwe waimoia oniamopina ita Isibt tawowa uduudu atonawolepio oniepina baiwa.
9 Tauma e tauwadea os ne mamana mampe aitane diane wanaase,
‘E otoa Iosep wanase, God ne dewaneno Isibt tawowa uduudu atonawoleno oniedina. Sa baiwa mai wankasaita ie wina mainawo.✡ Aposel 7.14 10 E iee bola Gosen bedewe ne tainawo bola wade wana, e ita obana ita atataa, sipsip ita gote, kau ita nitu uduudu e manawoa do iane winlena. 11 Tane ena 5 da nainimbanepe winedia bedewe, ne e onialepe nana mampe saulepino Gosen bedewe wanlempa. Naita ne nana mai enalepaa, e ita apana duawo waimoia tane do e nolaa dewalala nana abolawaitane nuapareitana.’ ”
25 Iosep tatatawa tawo Isibt ene leuntone bola Kanaan bedewe anton mambu Iakob mampe.
26 Ita mo antone mambu diane waienase, “Iosep inawaa wande. Ita me bola sa uduudu atoweleno oniede.” Iakob otopa wandia umanawa etene memesaidalene tane mai sumanaibulepona.
27 Ita mo Iosep gagalo uduudu wamona me benemasaieno eten. Ita do puraiwa uduudu aimompa turakawa pue mampe teiteinala Iosep wanaubena osowe me wampie iepie Isibtiwa alepia ewamone nuawa aisidene winendewalen. 28 Sa baiwa Iakob wanase, “Gagalo ema ipa ulaipa! Ne otona Iosep ipa inawaa wande. Ne anteape me ibuwa ewape muriwa bonteapa.”