9
Iawe God oto mona wanamopia umanawa wade
Walama sawo apana mai poka eteia do wankasantopu. Sebulun ita Napitali bedewe wanwalala apana ituaisimoio nuaparentoie waimoia, walama iedia wisepio uwa daitada apanawa Galili ita Mediterenian Owawa tampe ita Ioadan esawa nosena sawano inta debama nowa oso* Inta debamawa sa ipa, bola debama Babilon ita bola isiwa apanawa sapeinta wimoie inta debamawa asiasi Mediterenian Owawa tampe bola wineia bedeuwo antoia umanawa wade. waimoia ebou debamalepi. Matiu 4.15
 
Apana mida dubawa bedewe waimoia,
sapa debamaia ewei.
Ita mida bolala rua waimoia
osouwo sapa wade. Matiu 4.16; Luk 1.79
Iawe God e mo dewamoano uarantone nuaeuntoi,
e mo dewamoano nuaeuntoi.
E dima mo mampo dewasaana baiwa nuaeuwantoi.
Mo nuaeuwau sa ipa maura debama uwauwantoie nuaeuwantoia rua,
ba sorodia antoie emalawoau apanawa aimoie aupe nitubu oteie nuaeuwantoia rua.
 
Oto no mainimbo mulen,
Iawe God oto mona amonalene no nenen.
Me muka wadepie mukamukaua no onianepi
ita apana me ebowa wampe wampase,
“Me ebowa ipa Wadewasa Apanawa Eudida,
God Mukamukaua, Wanwankasalala Mamba,
Warere Wanwan Euda Obasa Wadepie Wisepi.
Me onionia mukawa ita wanwan euda wadene wisena debamalepie winakasalempa.
Me warere Dawid aupawa wadepie wampie gonaawa oniepi.
Me dodomana mampe ita do ulaipa mampe apana oniamompaa bedewe me gonaawa badowa enakasalepi.
Iawe God Mukamukaua, me ando epe dewasapio segalepia rua,
ipawa me apanawa nuawadawadaidamode.” Luk 1.32,33

*9:1: Inta debamawa sa ipa, bola debama Babilon ita bola isiwa apanawa sapeinta wimoie inta debamawa asiasi Mediterenian Owawa tampe bola wineia bedeuwo antoia umanawa wade.

9:1: Matiu 4.15

9:2: Matiu 4.16; Luk 1.79

9:7: Luk 1.32,33