23
Iawe God uwaulepia apanawa sanaa sonabepa
Iawe God wadiase, “Nuapare debama ne apanana uwaula apanawa mampo wisepi! Mo ipa sipsip onionia apanawa kadiwa rua sipsip kadimoie ita tanamoio bola daitada bedewe deantoi.”
Sa baiwa gagalo ema Iawe Israelwa Godiu sipsip onioniala uwaula mampo wade, “E ne sipsipna mai oniamopadewaitapona ita tanamoilano deaantoiena, e epe dewaitena baiwa ne matangelalepa. Ne apanana tanamolano daberaratone bola daitada bedewe antoiena, tane tauma mo mida inawaa waimoia ne leumopo bolauwo wimopue waimompa. Mo otootontopue uarantopu. Ne mo uwaula apanawa sanaa otamope mampomopo oniamompa ita ne apanana sa mai osowe santompa ita do mai dea da rebalepi, dia.”
 
Iawe God wadiase,
“Walama iedia bedewe ne apana dea sonabepa
warerelepia baiwa Dawid damba bedewe.
Me ipa apana dodomana ne emanawo.
Me insaisawa euda mampe apana banlamopi,
ita dewawa euda dodomana os dewasampa bola uduudu Iuda ita Israel bedewe.
Mo me ebowa wapue wapuase,
‘Iawe God dewa dodomana no baimba dewasapi.’
Me onioniawa atowe Iuda apanawa waimompadewantompa
ita Israel apanawa wanwan euda obasa bedewe waimompa.” Ierima 33.14-16

23:6: Ierima 33.14-16