16
Mani dɨlɨtep gem, dad God binɨb ne ogɨnap sek kɨlop ñɨnɨmɨb
1 Apo 24.17, Lom 15.25-26, 2 Ko 8.1-9, Gal 2.10 Pen God binɨb ne Jelusalem mɨdebal okok, nɨbi kɨlop gos nɨŋɨd, mani dɨ nan gɨl ñɨnɨgabɨm takaw ak agɨnɨgebin. Klays binɨb ne pelpel apnan gɨpal Galesiya plopens okok, kɨlop mani anɨgɨl dɨlɨtep gɨnɨmɨb agen gɨlak tek, nɨbi abe gɨnɨmɨb. 2 Apo 20.7, Lep 1.10 Nɨbi nokom nokom mɨdupsek, Sande ñɨn okok mɨdupsek mani tɨtay dɨpɨm ak nɨŋɨd, ogɨnap dɨ nan gɨnɨmɨb. Genɨmɨb, mɨd dad amɨl kuŋay yɨbɨl lɨnɨgab nɨm, mɨdebɨm ak amjakɨnɨgayn ñɨn ak, mani pɨyowɨl ma ñɨnɨgabɨm. 3 Pen amjakɨnɨgayn ñɨn ak, bɨ nɨbi ke nɨgem tep gek aglɨnɨmɨb okok, kɨlop mɨj kɨl tɨkɨnɨgayn okok ñɨl agyokɨnɨm. Agyoken, kɨli mani ñɨnɨgabɨm ak sek mɨj kɨl tɨkɨnɨgayn ak sek dad Jelusalem amnɨgabal. 4 Pen yɨp ameb tek lek, yad ayɨp amnɨgabun.
Pol Kolin binɨb kɨlop nɨgɨnɨg amnɨgab
5 Apo 19.21 Pen Masedoniya plopens amnɨgebin tek, nab anɨb okok ajɨl, kɨdek am mɨdebɨm ak nɨnɨgayn. 6 Lom 15.24, Tat 3.12 Nɨb ayɨp sɨkol won olap yenɨm tek lup akaŋ, yad ma nepin. Akaŋ yobup lɨl takɨl gup ñɨn ak nɨb ayɨp mɨdɨl, man akal amnɨg, yɨp dam kanɨb nab ak yokem amnɨgayn. 7 Apo 18.21 Mɨñɨl nɨbop amɨl sɨkol won olap mɨdɨl nɨŋɨd ameb ak, yɨp tep ma gup. Bɨawl ak yaw agonɨmuŋ, yad kɨdek nɨb ayɨp tapɨn yenɨgayn. 8 Wkp 23.15-21, Lo 16.9-11 Yad pen taun Epesus awl mɨden, Pedikos*Pedikos ñɨn awl ak, Aposel sapta 2 lain 1 takaw agñeb ak nɨgɨnɨmɨn. ñɨn awl ak apɨl padɨkek amnɨgayn.Apo 19.8-10 9 Apo 14.27, 19.8-10, 2 Ko 2.12, Kol 4.3, Lep 3.8 Taun Epesus anɨb awl, God ne kanɨb yɨp yɨkek, takaw tep ne ak agñɨlɨg wog ne ak kuŋay mɨdeb ak gen, binɨb kuŋay Klays yɨl ownɨgel tek lup. Pen bɨ yɨp yɨlɨk nepal okok abe kuŋay mɨdebal.
10 1 Ko 4.17 Bɨ Timoti mɨdebɨm ak apjakenɨgab, nop dɨtep gem, nɨb ayɨp mɨdɨl ma pɨlɨkɨnɨmuŋ. Nɨgɨm. Ne yad Bɨawl anop wog gɨpin tek nep gup. 11 Anɨb ak nɨbi ogɨnap nop bɨ yokɨp tek mɨdeb ak agɨl ma kelɨgɨnɨmɨb. Pen kɨdek amnɨg, nop gem mɨdtep gaknɨŋ, dap kanɨb nab ak yokem mɨdebin awl ownɨmuŋ. Yad ne ayɨp mam ogɨnap ayɨp adɨkɨd ownɨgel agɨl kod mɨdebin.
12 1 Ko 1.12, 3.6 Pen mam Apolos nop takaw ak anɨgɨl mɨdeb. Yad nop nebneb gɨlɨg apin, Mam ogɨnap Kolin amebal tek, ayɨp amnɨmɨn apin ak pen, ne mɨñɨl ma yɨbɨl amnɨgayn agɨl gos nɨgup. Kɨdek pen ameb tek lek amnɨgab.
Takaw day won ogɨnap
13 Sng 31.24, 1 Ko 15.1, Epe 6.10, Plp 1.27, Kol 1.11, 1 Te 5.6 Nɨgtep gɨl yenɨmɨb. Klays nop kɨles gɨl gos lɨnɨgɨlɨg yenɨmɨb. Kɨles tɨmel yɨbɨl mɨdɨl, tap olap ma yɨbɨl pɨlɨkɨnɨmɨb. 14 1 Ko 14.1, 1 Pi 4.8 Tap okok mɨdupsek gɨnɨgabɨm ak, mapen lep adek ak gem amnɨmuŋ.
15 Lom 16.5, 1 Ko 1.16 Mam ay sɨkop. Nɨb nepɨm, binɨb Akaya plopens nɨb ak Klays nop dɨlak okok, Stepanas ayɨp binɨb ne ayɨp kɨli Klays nop ned dɨlak. Dɨl nɨm, kɨli ke binɨb God yɨl okok kɨlop gɨñɨnɨgun agɨl, dɨtep gɨlɨg nep mɨdebal. Anɨgel, nɨbop kɨles gɨl agnɨŋɨd agebin, 16 1 Te 5.12 binɨb tep anɨb okok tek nɨŋɨd, agɨnɨgel tek nep kɨdek gɨnɨmɨb. Pen binɨb wog anɨb ak tek gɨl, wog ayɨp kɨles gɨpal okok, kɨlop abe nɨŋɨd, agɨnɨgel tek nep kɨdek gɨnɨmɨb.
17 Pen nɨbi apɨl yɨp nɨgɨnɨmɨb tek ma lek, Stepanas ayɨp, Potunatus ayɨp, Akaykus ayɨp apɨl yɨp nepal anɨb ak, yɨp tep gup. 18 Plp 2.29 Anɨgel, yad gos sek kɨmɨgel mɨdtep gɨpin, nɨbi abe gos sek kɨmɨgel mɨdtep gɨpɨm. Anɨb ak bɨ anɨb okok tek, bɨ tep yɨbɨl mɨdebal agɨl, takaw agɨnɨgel ak nɨgɨnɨmɨb.
19 Apo 18.2, 18.18, 18.26, Lom 16.5, 2 Ti 1.15 Klays binɨb ne Esiya plopens mɨdebal okok, kɨli nɨbop ag dɨdeg lebal. Akwila bin ne Plisila sek, Klays binɨb ne kal ñɨli pelpel apnan gɨpal okok sek, kɨli nɨb ayɨp Klays Jisas yɨl mɨdobun agɨl, nɨbop ag dɨdeg lebal. 20 Lom 16.16, 2 Ko 13.12 Mam ay mɨdebal awl mɨdupsek, kɨli nɨbop ag dɨdeg lebal. Chɨn God binɨb ne pel gɨpun tek, nɨbi mɨñmɨñ gɨlɨg penpen ñɨn pak sakɨnɨmɨb.
21 Kol 4.18, 2 Te 3.17 Yad Pol, takaw day won awl ñɨn mɨdup yad ke tɨkɨl, nɨbop ag dɨdeg lebin.
22 Gal 1.8-9 Binɨb an Bɨawl ak nop mapen ma lɨl nɨm, mab ke yɨneb ayaŋ pɨsnep amnɨmuŋ. Bɨawl ak, nad ownɨmɨn.
23 Bɨawl Jisas ne nɨbop yɨmug nɨŋɨd gɨtep gɨnɨmuŋ.
24 Yad nɨb ayɨp Klays Jisas yɨl mɨdon, nɨbop mɨdupsek mapen lɨpin.
16:1 Apo 24.17, Lom 15.25-26, 2 Ko 8.1-9, Gal 2.10
16:2 Apo 20.7, Lep 1.10
16:5 Apo 19.21
16:6 Lom 15.24, Tat 3.12
16:7 Apo 18.21
16:8 Wkp 23.15-21, Lo 16.9-11
*16:8 Pedikos ñɨn awl ak, Aposel sapta 2 lain 1 takaw agñeb ak nɨgɨnɨmɨn.
16:8 Apo 19.8-10
16:9 Apo 14.27, 19.8-10, 2 Ko 2.12, Kol 4.3, Lep 3.8
16:10 1 Ko 4.17
16:12 1 Ko 1.12, 3.6
16:13 Sng 31.24, 1 Ko 15.1, Epe 6.10, Plp 1.27, Kol 1.11, 1 Te 5.6
16:14 1 Ko 14.1, 1 Pi 4.8
16:15 Lom 16.5, 1 Ko 1.16
16:16 1 Te 5.12
16:18 Plp 2.29
16:19 Apo 18.2, 18.18, 18.26, Lom 16.5, 2 Ti 1.15
16:20 Lom 16.16, 2 Ko 13.12
16:21 Kol 4.18, 2 Te 3.17
16:22 Gal 1.8-9