2
Bɨawl ak nɨm, ne kab tep pel mɨdep ak
1 Epe 4.22, 4.25, Kol 3.8, Hib 12.1, Jem 1.21 Nɨbi binɨb koŋɨm mɨdebɨm, anɨb ak tap tɨmel gɨnɨgun agɨl gos nepɨm ak kelɨgɨnɨmɨb. Pen binɨb kɨlop yepɨs agon chɨnop nɨgɨnɨgel agɨl nepɨm ak, takaw yepɨs keke apɨm ak, tap kɨli okok chɨn tek yobɨkop agɨl nepɨm ak, binɨb kɨlop takaw tɨmel agɨl agjupɨm ak, mɨdupsek kelɨgɨnɨmɨb. 2-3 Sng 34.8, Mat 18.3, Mak 10.15, 1 Ko 3.2, 14.20, Epe 4.15-16, Hib 5.12-13, 6.5 Chɨn nopun, ñapay ŋaŋ kɨdek tɨkɨpal okok, tul ñɨŋun agɨl gos nokom nepal. Anɨb ak nep, God Kawnan ne ak tap ñɨŋeb tek nɨbop ñub ak, nɨbi tap ñɨŋeb tek anɨb ak ñɨŋun agɨl gos nokom nɨgɨnɨmɨb. Tap anɨb ak, tap tɨmel olap mɨgan ayaŋ ma mɨdeb. God nɨbop pel gup ak, nɨbi anɨb ak nɨŋɨd nepɨm, Bɨawl ak ne bɨ teplep yɨbɨl mɨdeb. Anɨb ak God Kawnan ne ak tap ñɨŋeb tek nɨbop ñub ak, nɨbi dɨl ñɨbɨl, awl gem, God nɨbop tɨg asɨk dɨnɨgab.
4 Sng 118.22, Ais 28.16, Mat 21.42, Apo 4.11 Bɨawl ak ne kab tep pel mɨdep tek mɨdeb ak, nɨbi ne yɨl amnɨmɨb. Binɨb kɨli nop nɨŋɨd anɨb apal, Nop ma dɨnɨgun, mel apal. Mel apal ak pen, God ne nop aglɨl, bɨ teplep yɨbɨl mɨdeb agɨl gos nɨgup. 5 Kis 19.6, Ais 61.6, Hos 14.2, Mal 1.11, Lom 12.1, Epe 2.21-22, Plp 4.18, Hib 13.15-16, Lep 1.6 Nɨbi abe kab tep pel mɨdep okok mɨdebɨm. Anɨgɨl mɨdem, God Kawnan ne ak kɨli kal yad tek yenɨgel agɨl, nɨbop dɨl kal anɨb ak gɨlɨlɨg gup. Pen God nɨbop aglek, nɨbi bɨ God nop sɨbogep okok abe yenɨgabɨm. Anɨgɨl mɨdem, God Kawnan ne ak nɨbop gek, nɨbi Jisas Klays nop gos nepɨm. Gos nɨŋɨd, God nop tep gɨnɨmuŋ agɨl, nɨbi ke dɨl God nop sɨbog ñɨnɨmɨb. 6 Ais 28.16, Lom 9.33, Epe 2.20 Buk Baybol ak tɨkɨl anɨb agak,
Nɨgɨm. Kab olap, kal meg awl nab ayaŋ puŋɨlup tek mɨdeb ak, taun Sayon dɨlebin agɨl tɨkak. Kab anɨb anop aglɨl, kab teplep yɨbɨl mɨdeb agɨl gos nepin agɨl tɨkak. Binɨb nop gos lɨnɨgɨnɨgabal okok, kɨli nebeŋ dɨnɨgel tek ma yɨbɨl lɨnɨgabal agɨl tɨkak.
7 Sng 118.22, Mat 21.42, Apo 4.11 Anɨb ak nɨbi binɨb nop gos lɨnepɨm okok, kab anɨb ak nɨŋɨd, tap teplep yɨbɨl yɨb mɨdeb agɨl gos nepɨm. Binɨb pen nop gos ma lɨnepal okok, God takaw ak kɨlop nɨŋɨd, tɨkɨl agak,
Bɨ kal gep okok kab olap ma dɨnɨgun agɨl kelɨgɨlak ak, kab anɨb ak mɨñɨl kal meg nab ayaŋ tek ak mɨdeb agɨl tɨkak.
8 Ais 8.14-15, Apo 4.11, Lom 9.22, 9.33, 1 Te 5.9 Pen takaw olap tɨkɨl agak,
Kab anɨb ak binɨb okok tob kɨli ak adek anɨb ak aldek apyap pakɨnɨgabal agɨl tɨkak. Kab kɨles tɨmel anɨb ak, tob kɨli ak aldek mɨduŋ amɨl apyap pakɨnɨgabal agɨl tɨkak.
God takaw ak ma nepal, anɨb ak tek kɨli apyap pakɨpal. Anɨgɨpal ak, God ne kɨli gɨnɨgabal agak tek nep gɨpal.
9 Kis 19.5-6, Lo 4.20, 7.6, 14.2, Ais 9.2, 40.20-21, 43.20-21, Jon 17.19, Apo 20.28, 26.18, Epe 5.8, Kol 1.13, Tat 2.14, 1 Pi 2.5 God pen nɨbop aglek, binɨb ne yɨbɨl mɨdebɨm. Nɨbi Bɨnonɨm bɨ wog gɨñeb ne ak mɨdɨl, bɨ God nop sɨbogep wog ak gɨpɨm. God binɨb ne suŋtep yɨbɨl mɨdebɨm. Nɨbi God binɨb ne ke nɨbop aglup ak mɨdebɨm. God ne kɨli tap teplep yɨbɨl yad gɨpin okok agyɨkɨnɨgel agɨl, nɨbop aglɨl dak. Ned kɨsɨlɨm nab okok yelɨgɨpɨm ak pen, nɨbop suk agɨl mɨlek tep yɨbɨl ne adek sɨŋak lak. 10 Hos 1.9-10, 2.23, Lom 9.25 Ned nɨbi binɨb yokɨp yelɨgɨpɨm ak pen, mɨñɨl God binɨb ne mɨdebɨm. Ned nɨbop mapen nɨŋɨd dɨtep ma golɨgup ak pen, mɨñɨl nɨbop mapen nɨŋɨd dɨtep gup.
Chɨn God binɨb wog gɨñeb ne okok yonɨgun
11 1 Sto 29.15, Sng 39.12, Lom 13.14, Gal 5.17, 5.24, Hib 11.13, Jem 4.1 Binɨb mapen yad okok, nɨbi binɨb man ke okok nɨb ju ap mɨdɨl, man nɨbi ma mɨdebɨm. Anɨb ak yad nɨbop kɨles gɨl agebin, mubwak gos nab nedil ayaŋ ak mɨdupsek kud ñɨl kelɨgɨnɨmɨb. Gos lum awl yɨl anɨb ak, gos nɨbi pi ak ayɨp penpen gebil. 12 Mat 5.16, Luk 19.44, Lom 12.17, 2 Ko 8.21, Plp 2.15, Tat 2.8 Nɨbi binɨb God nop kɨdek ma gɨpal nab okok mɨdɨl, gɨtep gɨl kanɨb tep adek ak amnɨmɨb. Anɨgem, kɨli nɨbop nɨŋɨd takaw tɨmel agɨl agjunɨgabal okok, gɨtep gɨnɨgabɨm ak nɨŋɨd, kɨdek God ne ownɨgab ñɨn ak, yɨb nop ak dad aplanɨgabal.
13 Mat 22.21, Lom 13.1, Tat 3.1 Nɨbi Bɨawl binɨb ne mɨdebɨm, anɨb ak tek bɨawl lum awl mɨdupsek okok, kɨlop muk okok mɨdɨl agɨnɨgel tek nɨgɨnɨmɨb. Gapman bɨnonɨm ak, ne gapman bɨawl yɨbɨl ak yek, nop muk okok mɨdɨl agɨnɨmuŋ tek nɨgɨnɨmɨb. 14 Pen gapman bɨawl plopens keke kod mɨdebal okok abe, kɨlop muk okok mɨdɨl agɨnɨgel tek nɨgɨnɨmɨb. Gapman bɨawl anɨb okok, gapman bɨnonɨm ak ne kɨlop agyokak. Agyokek, binɨb gɨ tɨmel gɨpal okok kɨlop pen gɨ tɨmel gɨnɨgel, binɨb gɨtep gɨpal okok yɨb kɨlop ak dad aplanɨgel. 15 Tat 2.8, 1 Pi 2.12, 3.16 Nɨgɨm, God ne anɨgɨl gos nɨgup. Nɨbi gɨtep gem, binɨb gos ma lak okok nɨbop takaw yepɨs agɨl, agjunɨgel tek ma lɨnɨgab. 16 1 Ko 7.22, Gal 5.1, 5.13 Nɨbi binɨb nag lup ak asɨkɨl, koŋɨm amebal tek yenɨmɨb. Pen gos anɨb ak nɨŋɨd, gɨ tɨmel gɨl monmon ma gɨnɨmɨb. Mel. Nɨbi God binɨb wog gɨñeb ne mɨdebɨm, anɨb ak tek gɨtep nep gɨnɨmɨb. 17 Snd 24.21, Mat 22.21, Lom 12.10, Plp 2.3, Hib 13.1, 1 Pi 1.22 Binɨb okok mɨdupsek kɨli yɨb mɨdeb agɨl, kɨlop gɨtep gɨnɨmɨb. Mam ay Klays yɨl mɨdebal okok kɨlop mapen lɨnɨmɨb. God ne bɨ jel gup ak nop nɨŋɨd, muk okok yenɨmɨb. Gapman bɨnonɨm anop yɨb awl ñɨnɨmɨb.
Jisas gak ak kɨdek gɨl, yul dɨnɨgabun
18 Epe 6.5, Kol 3.22, 1 Ti 6.1 Nɨbi binɨb wog gɨñeb okok, bɨawl nɨbi okok kɨlop muk okok mɨdɨl, gɨtep gɨl, agɨnɨgel tek nɨgɨnɨmɨb. Pen bɨawl okok kɨli nɨbop gɨtep gɨl sayn tep yɨbɨl mɨdebal ak nep mel. Bɨawl okok kɨli nɨbop gɨ tɨmel yɨbɨl gɨpal ak abe, kɨlop muk okok mɨdɨl gɨtep gɨnɨmɨb. 19 Nɨgɨm. Nɨbi gɨtep gem, binɨb ogɨnap nɨbop yul ak monmon ñel, God nop gos nɨŋɨd yul awl ak dɨpɨm ak, God nɨbop nɨgek tep yɨbɨl gup. 20 1 Pi 3.14, 3.17, 4.14-15 Pen gɨ tɨmel gem, nɨbop pakɨl yul ak ñel, yul awl ak dɨpɨm ak, tap anɨb ak tay dɨnɨgabɨm? Tap tep olap ma dɨnɨmɨb tek lup. Nɨbi pen gɨtep gem, nɨbop yul ak ñel, yul awl ak dɨpɨm ak, God nɨbop nɨgek tep yɨbɨl gup. 21 Mat 16.24, Jon 13.15, Apo 14.22, 1 Pi 3.18, 1 Jo 2.6 Klays ne nɨbop nen yul awl dak ak nɨm, Klays anɨgak tek nɨbi abe gɨnɨmɨb. God ne nɨbi anɨgɨnɨmɨb agɨl nɨbop aglak. Anɨb ak Klays ne gak tek nɨbop yomub ak, nɨbi kɨdek gɨl anɨgɨnɨmɨb. 22 Ais 53.9, Jon 8.46, 2 Ko 5.21, Hib 4.15 Ne tap tɨmel olap ma gak, takaw yepɨs ma agak. 23 Ais 53.7, Mat 27.39, Jon 8.48-49, Hib 12.3, 1 Pi 3.9 Kɨli nop agjuwel, kɨlop pen ma agjuwak. Kɨli nop gɨ tɨmel gɨlaknɨŋ yul awl dek, nɨbop pen gɨ tɨmel gɨnɨgayn agɨl ma agak. Ne ke dɨl, bɨ tɨg asɨkep anop ñak. Bɨ tɨg asɨkep anɨb ak, God nɨm. Ne pel tap okok mɨdupsek yɨpɨd gɨl yɨbɨl tɨg asɨkup. 24 Ais 53.5, Lom 6.2, 6.11, 7.6, Hib 9.28 Klays tap si tap tɨmel gɨpun ak dɨl, mubwak ne dɨ jɨmñɨl lɨl, mab bak alaŋ kumak. Ne kɨli tap tɨmel anɨb okok mɨdupsek kelɨgɨl, God agak tek kɨdek gɨl koŋɨm yenɨgel agɨl kumak. Nop tapɨn pakel yul awl dak tek, nɨbop suŋ lup. 25 Ais 53.6, Ese 34.5-6, 34.23, Mat 9.36, Jon 10.14, Hib 13.20 Nɨbi chag sipsip okok nɨb okok nɨb ajɨpal tek yelɨgɨpɨm. Mɨñɨl pen adɨkɨd, bɨ chag sipsip mukep yɨl ak opɨm. Bɨ anɨb ak, nɨbop kod mɨdɨl dɨtep gup.
2:1 Epe 4.22, 4.25, Kol 3.8, Hib 12.1, Jem 1.21
2:2-3 Sng 34.8, Mat 18.3, Mak 10.15, 1 Ko 3.2, 14.20, Epe 4.15-16, Hib 5.12-13, 6.5
2:4 Sng 118.22, Ais 28.16, Mat 21.42, Apo 4.11
2:5 Kis 19.6, Ais 61.6, Hos 14.2, Mal 1.11, Lom 12.1, Epe 2.21-22, Plp 4.18, Hib 13.15-16, Lep 1.6
2:6 Ais 28.16, Lom 9.33, Epe 2.20
2:7 Sng 118.22, Mat 21.42, Apo 4.11
2:8 Ais 8.14-15, Apo 4.11, Lom 9.22, 9.33, 1 Te 5.9
2:9 Kis 19.5-6, Lo 4.20, 7.6, 14.2, Ais 9.2, 40.20-21, 43.20-21, Jon 17.19, Apo 20.28, 26.18, Epe 5.8, Kol 1.13, Tat 2.14, 1 Pi 2.5
2:10 Hos 1.9-10, 2.23, Lom 9.25
2:11 1 Sto 29.15, Sng 39.12, Lom 13.14, Gal 5.17, 5.24, Hib 11.13, Jem 4.1
2:12 Mat 5.16, Luk 19.44, Lom 12.17, 2 Ko 8.21, Plp 2.15, Tat 2.8
2:13 Mat 22.21, Lom 13.1, Tat 3.1
2:15 Tat 2.8, 1 Pi 2.12, 3.16
2:16 1 Ko 7.22, Gal 5.1, 5.13
2:17 Snd 24.21, Mat 22.21, Lom 12.10, Plp 2.3, Hib 13.1, 1 Pi 1.22
2:18 Epe 6.5, Kol 3.22, 1 Ti 6.1
2:20 1 Pi 3.14, 3.17, 4.14-15
2:21 Mat 16.24, Jon 13.15, Apo 14.22, 1 Pi 3.18, 1 Jo 2.6
2:22 Ais 53.9, Jon 8.46, 2 Ko 5.21, Hib 4.15
2:23 Ais 53.7, Mat 27.39, Jon 8.48-49, Hib 12.3, 1 Pi 3.9
2:24 Ais 53.5, Lom 6.2, 6.11, 7.6, Hib 9.28
2:25 Ais 53.6, Ese 34.5-6, 34.23, Mat 9.36, Jon 10.14, Hib 13.20