5
Nɨbi bɨ Klays binɨb ne okok kɨlop kod mɨdebɨm okok, binɨb ne okok kɨlop kod mɨdtep gɨnɨmɨb
1 Apo 1.8, 1.22, Lom 8.17-18, Lep 1.9 Nɨbi bɨ Klays binɨb ne okok kɨlop kod mɨdebɨm okok, nɨbop takaw agɨnɨgebin. Yad abe bɨ Klays binɨb ne okok kɨlop kod mɨdep olap mɨdebin. Klays yul dɨl kumak ñɨn ak, yad nɨg yenek. Pen Klays ne bɨawl mɨlek sek yɨb awl sek adɨkɨd ownɨgab ñɨn ak, chɨn jɨmñɨl Klays ayɨp yonɨgabun. Anɨb ak yad nɨbi bɨ Klays binɨb ne okok kɨlop kod mɨdebɨm okok kɨles gɨl agebin. 2 Jon 10.11-13, 21.15-17, Apo 20.28, 1 Ko 9.17, 1 Ti 3.3, 3.8, Tat 1.7, 1.11, Plm 14 God binɨb ne, kɨli chag sipsip tek mɨdebal okok, nɨbop ñek kɨlop kod mɨdtep gɨnɨmɨb. Binɨb ogɨnap nɨbi wog anɨb ak gɨnɨmɨb agɨl, nɨbop nebneb gɨl agel, wog ak ma gɨnɨmɨb. Mani tap okok nen wog anɨb ak ma gɨnɨmɨb. God ne wog ak chɨnop agek, chɨnop tep gɨlɨg gɨnɨgun agɨl, gos tep anɨb ak nɨgɨlɨg wog gɨnɨmɨb. 3 Sng 74.2, 1 Ko 3.9, 2 Ko 1.24, Plp 3.17, 1 Ti 4.12, Tat 2.7 Pen chɨn bɨawl mɨdobun binɨb kɨlop kɨles gɨl agɨl kodɨnɨgun agɨl gos ma nɨgɨnɨmɨb. Binɨb anɨb okok, God kɨlop dɨl nɨbop ñub. Anɨb ak nɨbi kɨlop gɨtep gem, gɨtep gɨpɨm tek kɨli abe gɨnɨgabal. 4 1 Ko 9.25, 2 Ti 4.8, Hib 13.20, 1 Pi 1.4 Anɨgem, Bɨ chag sipsip kod mɨdeb bɨawl yɨbɨl ak ownɨgab ñɨn ak, tap teplep yɨbɨl nɨbop ñɨl dɨnɨgabɨm. Tap teplep anɨb ak, pel pelnep mɨdɨl kul ma gɨnɨgab.
Yɨb chɨn ke ma dad aplanɨl, gos yɨpɨd gɨl nep nɨgɨnɨgun
5 Snd 3.34, Ais 57.15, Epe 5.21, Plp 2.3, Jem 4.6 Anɨb ak nep, nɨbi bɨ pɨlaj okok, bɨawl nɨbop kod mɨdebal okok muk okok mɨdɨl, agɨnɨgel tek nɨgɨnɨmɨb. Nɨbi mɨdupsek chɨn binɨb tam okok tek mɨdobun agɨl, penpen muk okok yenɨmɨb. Nɨgɨm. Buk Baybol ak tɨkɨl anɨb agak,
Binɨb chɨn ke binɨb awl mɨdobun agɨl apal okok, God kɨlop gek apyap pakɨpal agɨl tɨkak. Binɨb pen chɨn bɨ tam okok tek mɨdobun agɨl nepal okok, kɨlop yɨmug nɨŋɨd gɨtep gup agɨl tɨkak.
6 Mat 23.12, Luk 14.11, 18.14, Jem 4.10 Anɨb ak chɨn bɨ tam okok tek yonɨgun agɨl, God kɨles ne muk okok yenɨmɨb. Anɨgem, ne ke aglup ñɨn ak, nɨbop dad aplanɨgab. 7 Sng 37.5, 55.22, Mat 6.25-30, Plp 4.6 God ne nɨbop yɨmug nɨŋɨd dɨtep gɨnɨgayn agɨl nɨgup. Anɨb ak tek gos awl nep nɨgɨlɨg mɨdebɨm okok, mɨdupsek God nop ñɨnɨmɨb.
8 Luk 22.31, 1 Te 5.6, Lep 12.12 Pen nɨgtep gɨl gos nɨgɨlɨg yenɨmɨb. Bɨ kɨcheki bɨawl ak, ne nɨbop bɨ mɨlɨk nɨgep ak mɨdeb. Ne chen layon tek mɨdɨl, meg mɨgan awl agɨl, binɨb su ñɨŋin agɨl pɨyowɨl nɨg aplan apyan gup. 9 Apo 14.22, Epe 6.11-13, 2 Ti 3.12, Jem 4.7 Nop mel agɨl, Klays nop gos lɨnɨŋɨd jak kɨles gɨl yenɨmɨb. Nɨb nepɨm, God binɨb ne kɨli lum awl mɨdebal okok mɨdupsek, yul awl dɨpɨm tek kɨli abe dɨpal. Anɨb ak nop mel agɨl, jak kɨles gɨl yenɨmɨb. 10 2 Ko 4.17, 1 Te 2.12, 2 Te 2.17, 1 Ti 6.12, Hib 13.21, 1 Pi 1.6 God ne nɨbop yɨmug nɨŋɨd gɨtep gep bɨ ak mɨdeb. Ne nɨbop suk agek Klays nop chɨg tep gɨl, God bɨawl mɨlek sek mɨdɨl ayɨp pelpel yenɨgabɨm. Won awl sɨkol mɨdɨl, nɨbi yul awl dɨl anɨgɨl yenɨgebɨm ak pen, kɨdek ne ke nɨbop gek mɨdtep yɨbɨl gɨnɨgabɨm. Nɨbop kɨles ñɨl kod mɨdaknɨŋ, kɨles gɨl yenɨmɨb tek lek, jak kɨles gɨl yenɨgabɨm. 11 Ne nokom nɨm, kɨles ne tap okok mɨdupsek pel pelnep kod mɨdeb. Yaw.
Takaw day won ogɨnap
12 Apo 15.22, 15.40, 2 Ko 1.19, 1 Te 1.1, Hib 13.22, 2 Pi 1.12 Bɨ Saylas ayɨp mɨdɨl, takaw sɨkol won olap agɨl, nɨbop mɨj tɨkobul. Mam anɨb ak, ne bɨ tep yɨbɨl mɨdɨl, yad Klays nop gos lɨnepin tek ne nɨgup agɨl gos nepin. Pen mɨj tɨkɨpul anɨb awl, God nɨbop yɨmug nɨŋɨd gɨtep gup takaw ak nɨbop agin agɨl, kɨl tɨkɨpul. God chɨnop yɨmug nɨŋɨd gɨtep gup takaw ak, nɨŋɨd yɨbɨl agɨl nɨbop agyɨkɨpin. Agyɨken, nɨbi takaw anɨb ak dɨl, kɨles gɨl jak mɨdɨl, gos sek yenɨmɨb.
13 Apo 12.12, 12.25, 13.13, 15.37-39, Kol 4.10, 2 Ti 4.11, Plm 24 Pen Klays binɨb ne mɨdebal taun Babilon*Bɨ gos nɨgep ogɨnap anɨgɨl gos nɨgɨlak. Pita taun Babilon ñu kɨl tɨkak ak, taun Lom mɨdeb tek agɨl tɨkak. Jon ne Lepelesin mɨj tɨkak ak, anɨb ak tek kɨl tɨkak. awl, kɨli nɨbop ag dɨdeg lebal. Binɨb anɨb okok God nɨbop dɨl jɨmñɨl lɨl aglak. Ñɨ yad Mak abe nɨbop ag dɨdeg leb. 14 Lom 16.16, 1 Ko 16.20, Epe 6.23 Mam ay okok kɨlop mapen lɨlɨg, ñɨn pak sakɨnɨmɨb. Nɨbi Klays yɨl mɨdebɨm okok mɨdupsek, nɨbop gek kɨmɨgel mɨdtep gɨnɨmɨb.
5:1 Apo 1.8, 1.22, Lom 8.17-18, Lep 1.9
5:2 Jon 10.11-13, 21.15-17, Apo 20.28, 1 Ko 9.17, 1 Ti 3.3, 3.8, Tat 1.7, 1.11, Plm 14
5:3 Sng 74.2, 1 Ko 3.9, 2 Ko 1.24, Plp 3.17, 1 Ti 4.12, Tat 2.7
5:4 1 Ko 9.25, 2 Ti 4.8, Hib 13.20, 1 Pi 1.4
5:5 Snd 3.34, Ais 57.15, Epe 5.21, Plp 2.3, Jem 4.6
5:6 Mat 23.12, Luk 14.11, 18.14, Jem 4.10
5:7 Sng 37.5, 55.22, Mat 6.25-30, Plp 4.6
5:8 Luk 22.31, 1 Te 5.6, Lep 12.12
5:9 Apo 14.22, Epe 6.11-13, 2 Ti 3.12, Jem 4.7
5:10 2 Ko 4.17, 1 Te 2.12, 2 Te 2.17, 1 Ti 6.12, Hib 13.21, 1 Pi 1.6
5:12 Apo 15.22, 15.40, 2 Ko 1.19, 1 Te 1.1, Hib 13.22, 2 Pi 1.12
5:13 Apo 12.12, 12.25, 13.13, 15.37-39, Kol 4.10, 2 Ti 4.11, Plm 24
*5:13 Bɨ gos nɨgep ogɨnap anɨgɨl gos nɨgɨlak. Pita taun Babilon ñu kɨl tɨkak ak, taun Lom mɨdeb tek agɨl tɨkak. Jon ne Lepelesin mɨj tɨkak ak, anɨb ak tek kɨl tɨkak.
5:14 Lom 16.16, 1 Ko 16.20, Epe 6.23