11
Bɨ God takaw agñeb omɨŋal ak
1 Nam 35.5, Ese 40.3, Sek 2.1-2, Lep 21.15 Pen kul pal tap lɨnepal olap yɨp ñɨlɨg agak, Nad am God agnɨgep kal awl ak lɨnɨŋɨd, God nop tap sɨbogep abañ adek ak lɨnɨŋɨd gɨnɨmɨn agak. Binɨb God agnɨgep kal awl mɨgan apɨl, nop agnɨgebal okok abe, kɨlop ñɨn pag nɨgɨnɨmɨn agak. 2 Ese 40.17-20, Dan 8.10, Luk 21.24, Lep 12.6, 13.5 Pen binɨb Juda mel okok, pel ap wali seŋayaŋ mɨdebal tek, tep anɨb ak sek ma lɨnɨgɨnɨmɨn agak. Taynen? God gek kɨli taun suŋtep Jelusalem taw chɨb jakɨlɨg mɨdel mɨdel, takan anep 42*Takan anep 42 anɨb ak, anɨb ak tek ñɨn anep 1,260. ak amnɨgab agak. 3 Lep 12.6, 19.10, 20.4 Yad pen, bɨ takaw yɨp agñeb omɨŋal agyoken, wañɨŋ day tek yɨmɨlɨg, gos yad dɨl agñɨ ajel, ñɨn anep 1,260 anɨb ak amnɨgab agak.
4 Jer 11.16, Sek 4.11-14 Bɨ takaw nop agñeb omɨŋal anɨb ak, mab olip bɨd omɨŋal tek ak pen, lam omɨŋal tek. Jakɨl yelak, Bɨawl lum awl kod mɨdeb ak nop wɨdɨn mɨdup adek sɨŋak. 5 Wkp 10.2, 2 Sml 22.9, 2 Kin 1.10-12, Sng 97.3, Jer 5.14, Hos 6.5 Pen binɨb ogɨnap kɨlopmɨŋal gɨ tɨmel gɨnɨg gel, mab mɨŋɨlaŋ meg mɨgan kɨli omɨŋal ak nɨb apɨl, kɨlop yɨnek kumnɨgabal. Kɨlopmɨŋal nebneb genɨgabal, anɨb ak tek kɨlop abe yɨn gɨnɨgab. 6 Kis 7.17-19, 1 Sml 4.8, 1 Kin 17.1 God kɨlopmɨŋal aglek wog nop gɨ dad amɨlɨg, takaw nop agñɨnɨgayl ñɨn anɨb ak, man ma pakaŋ agel ma yɨbɨl pakɨnɨgab. Pen ñɨg okok nɨkɨm sek laŋ agel nɨkɨm sek lɨnɨgab, binɨb lum awl okok kɨlop mɨŋel tɨtay okok gaŋ agel gɨ tɨmel gɨnɨgab. 7 Dan 7.7, 7.21, Sek 14.2, Luk 13.32, Lep 9.2, 12.17, 13.1, 13.5-7, 13.11, 17.8 Pen God takaw ak agñɨ dad amɨl, day julek, tap ladek kaw mɨgan kɨluŋ ma tɨkak ayaŋ nɨb ownɨgab ak, kɨli omɨŋal ayɨp penpen gɨ dad amɨl, pɨsnep ñag lek kumnɨgayl.
8 Ais 1.9-10, Luk 13.34, Hib 13.12, Lep 14.8, 18.10, 18.24 Chɨp pal omɨŋal anɨb ak yenɨgayl, taun kanɨb nab sɨŋak. Taun anɨb ak nɨm, Bɨawl kɨli anop mab bak alaŋ chɨpɨl pak tɨbɨk lel kumak. Pen chɨn takaw paladaŋ lɨl yɨb anɨb ak lɨpun, Sodom akaŋ Yijip.
9 Pen binɨb kɨli man keke mɨdebal tek, wak keke lup tek, jɨj keke mɨdebal tek, takaw keke apal tek ogɨnap, kɨlopmɨŋal yɨlɨk nɨgɨnɨgabal tek, chɨp omɨŋal anɨb ak ma dam kamnɨmɨb agɨnɨgabal. Kumnɨgayl ñɨn day ak tɨkɨl, ñɨn omɨŋal nokom sek ñag lɨnɨgabal tep sɨŋak yenɨgayl.
10 Lep 12.12, 13.8, 16.10 Bɨ God gos ñek agñeb omɨŋal anɨb ak, binɨb lum awl yɨl okok kɨlop mɨŋel awl ñelɨgɨpil tek kumel, pen paj agɨl, tap awl ñɨbɨlɨg, kɨmep agɨlɨg, tap pen ñek pen ñek gɨ yenɨgabal.
11 Ese 37.5-14, Lep 11.9 Pen ñɨn day ak sek, ñɨn omɨŋal nokom sek mɨdɨl, God añɨŋ bad ak yokek nab kɨlop ayaŋ amek tɨkjakɨlek. Anɨgek nɨŋɨd, binɨb okok kɨlop jel gak. 12 2 Kin 2.1, 2.5-7, 2.11, Ais 14.13, Apo 1.9, Lep 12.5 Pen takaw awl olap, God man ne alaŋ nɨb kɨlopmɨŋal agɨl agak, Owil agak. Agek nɨm, binɨb kɨlopmɨŋal ñagɨlak okok nɨg yelaknɨŋ, wɨsɨp alaŋ kɨlop yu gek God man ne alaŋ amnɨlek.
13 Lep 6.12, 8.5, 14.7, 16.9, 16.18 Pen won anɨb ak nep monmon awl yɨbɨl ak dɨl, taun ak day anep ajɨp ak mɨdaknɨŋ, day anep wajɨlem ak pak jɨsɨpuk gɨl, binɨb 7,000 kɨlop paklek kumnɨlak. Pen binɨb yelak okok, tap gak anɨb ak nɨŋɨd pɨlɨkɨl, God Bɨawl man ne alaŋ yek ak yɨb nop dad aplanɨlak.
14 Lep 8.13, 9.12, 15.1 Anɨb ak mɨŋel awl yɨbɨl ned ak owak, nab ak owup, pen nɨgɨm. Mɨñɨl kɨdek ak ownɨgab.
Ensel kugul ak akɨl ne ak pugak
15 Kis 15.18, Sng 10.16, Ais 27.13, Dan 2.44, 7.14, 7.27, Oba 21, Lep 10.7, 12.10, 19.6 Ensel kugul ak, akɨl ne ak pugek, takaw won anep God man ne alaŋ nɨb suk awl agɨl agɨlak, Mɨñɨl tɨkɨl bɨawl ogɨnap ke mel agɨlak. God Bɨawl chɨn ak sek, Bɨ God nop aglup ak sek bɨnonɨm mɨdɨl, binɨb man okok mɨdupsek yelak okok kɨlop dɨl kod mɨdebil agɨlak. Pel pelnep kod yenɨgayl agɨlak. 16 Lep 4.4, 4.10, 5.8, 19.4 Pen 24 bɨawl okok, kɨli bɨawl besɨg mɨdep adek yelak God wɨdɨn mɨdup adek sɨŋak okok, kɨli apyap kɨgom yɨmɨlak. Kɨgom yɨmɨl, kɨmɨg kɨli abe lum ayaŋ puŋɨlɨl, God nop agnɨgɨlɨg agɨlak,
17 Lep 1.4, 1.8, 4.8, 15.3, 16.5, 19.6 Nad God Bɨawl yɨbɨl, tap okok mɨdupsek gɨnɨmuŋ tek nep mɨdeb ak agɨlak.
Mɨñɨl mɨdeban, bɨlel bɨlel yelɨgɨpan agɨlak.
Bɨawl kɨles tɨmel yɨbɨl pel mɨdeban tek, mɨñɨl tɨkɨl binɨb man okok mɨdupsek dɨl kod mɨdeban ak nɨm, nep tep yɨbɨl agobun agɨlak.
18 Sng 2.1, 2.5, 46.6, 110.5, 115.13, Dan 7.9-10, Lom 2.5, Lep 6.10, 10.7, 13.10, 18.6, 19.5, 20.11-13 Binɨb man okok nɨb nep nɨŋɨd kabɨyam ju yelɨgɨpal agɨlak.
Pen mɨñɨl kabɨyam ju mɨdel kɨlop yul ñɨnɨgaban ñɨn ak owup agɨlak.
Binɨb kumɨlak okok kɨlop, kot gep ñɨn ak owup ak nɨm, kɨlop kot gɨnɨgaban agɨlak.
Binɨb nad kɨlop gos ñe agñeb wog nad gɨñɨbal okok sek, binɨb nad yɨl mɨdebal okok sek, kɨlop mɨdupsek gɨtep gɨnɨgaban agɨlak.
Binɨb nep nɨŋɨd ñawl dɨl kɨdek gɨpal okok sek, yɨb sek mɨdebal akaŋ yɨb ma mɨdebal okok sek, kɨlop mɨdupsek gɨtep gɨnɨgaban agɨlak.
Pen binɨb monmon gɨl, binɨb ogɨnap kɨlop ñag paklɨpal okok, kɨlop pen abe gɨ tɨmel gɨnɨgaban agɨlak.
19 Hib 9.4, Lep 8.5, 15.5, 15.8, 16.18, 16.21 Anɨb agelak, God agnɨgep kal awl man ne alaŋ yek ak mɨgan yɨkɨl, God takaw ag adek nokom lep mab bokis bad won ak mɨseŋ gek nɨgɨnok. Won anɨb ak nep añɨñak dɨlɨg, tɨmuk awl agɨlɨg, gu agek palsek amɨl, monmon dɨl, tun man mɨdup awl okok pakɨl gak.
11:1 Nam 35.5, Ese 40.3, Sek 2.1-2, Lep 21.15
11:2 Ese 40.17-20, Dan 8.10, Luk 21.24, Lep 12.6, 13.5
*11:2 Takan anep 42 anɨb ak, anɨb ak tek ñɨn anep 1,260.
11:3 Lep 12.6, 19.10, 20.4
11:4 Jer 11.16, Sek 4.11-14
11:5 Wkp 10.2, 2 Sml 22.9, 2 Kin 1.10-12, Sng 97.3, Jer 5.14, Hos 6.5
11:6 Kis 7.17-19, 1 Sml 4.8, 1 Kin 17.1
11:7 Dan 7.7, 7.21, Sek 14.2, Luk 13.32, Lep 9.2, 12.17, 13.1, 13.5-7, 13.11, 17.8
11:8 Ais 1.9-10, Luk 13.34, Hib 13.12, Lep 14.8, 18.10, 18.24
11:10 Lep 12.12, 13.8, 16.10
11:11 Ese 37.5-14, Lep 11.9
11:12 2 Kin 2.1, 2.5-7, 2.11, Ais 14.13, Apo 1.9, Lep 12.5
11:13 Lep 6.12, 8.5, 14.7, 16.9, 16.18
11:14 Lep 8.13, 9.12, 15.1
11:15 Kis 15.18, Sng 10.16, Ais 27.13, Dan 2.44, 7.14, 7.27, Oba 21, Lep 10.7, 12.10, 19.6
11:16 Lep 4.4, 4.10, 5.8, 19.4
11:17 Lep 1.4, 1.8, 4.8, 15.3, 16.5, 19.6
11:18 Sng 2.1, 2.5, 46.6, 110.5, 115.13, Dan 7.9-10, Lom 2.5, Lep 6.10, 10.7, 13.10, 18.6, 19.5, 20.11-13
11:19 Hib 9.4, Lep 8.5, 15.5, 15.8, 16.18, 16.21