1 Tap ke kɨdeyɨl nɨb awl olap, wɨsɨp nab sɨŋalaŋ mɨseŋ lak. Bin olap sub chech tek kab ñɨl, takan ak taw bɨlɨkɨl, gap anep umɨgan ak, nag tek kɨmɨg cheg ne pag kuskus gɨl yek. 2 Ais 66.7, Gal 4.19 Pen ne ñapay tɨkɨnɨg, ñapay ñɨŋaknɨŋ wug pakek yul awl yɨbɨl gek suk agak.

3 Dan 7.7, Lep 13.1, 17.3, 17.9 Pen tap ke kɨdeyɨl nɨb awl olap sek, wɨsɨp nab sɨŋalaŋ mɨseŋ lak. Kɨpi nɨm nɨkɨm sek, awl yɨbɨl ak yek. Kɨmɨg ne anep kugul ak lɨl, mablod ne anep wajɨlem ak lɨl, nag ak kɨmɨg cheg ne anep kugul keke adek alaŋ lɨ yek. 4 Dan 8.10, Lep 9.10, 17.8 Kɨpi awl nɨm anɨb ak, amun ne ak gap wɨsɨp alaŋ okok pakek, day omɨŋal nokom tek agɨl, day omɨŋal tek yek, day nokom olap pɨgju dɨyokek lum ayaŋ yowak. Pen ne bin ñapay tɨkɨnɨg gek ak, tɨkek ñɨŋin agɨl, ap bin yek wulep sɨŋak kod nep yek. 5 Sng 2.9, Ais 7.14, 66.7, Lep 2.27, 19.15 Pen bin anɨb ak, ñɨne yɨl kɨles olap dɨl binɨb man okok mɨdupsek kɨles gɨl kod yenɨgab ak, nop tɨk lak. Tɨk lek, ñɨ anɨb ak nop pɨlɨg dɨl, kasek dad God yek ak bɨnonɨm besɨg mɨdep ne adek alaŋ amnɨlak. 6 Lep 11.2-3, 12.4 God bin anɨb anop tep olap gɨlek, pɨlɨk man nep binɨb ma yelak anɨb okok amnak. Amɨl, anɨb okok nep mɨdaknɨŋ, God nop tap mɨdup ñɨlɨg kod yenɨgab, ñɨn 1,260 amnɨgab.

7 Dan 10.13, 10.21, 12.1, Jud 9, Lep 20.2 Pen ensel awl Maykel ensel ne okok dɨl, kɨpi awl nɨm ak ensel ne okok*Kɨpi awl nɨm ak ensel ne okok, kɨcheki agɨnɨgun. dɨl, God man ne alaŋ penpen gɨlak. Gɨ dad amɨl nɨm, 8-9 Stt 3.1, 3.4, 3.14, Luk 10.18, 22.31, Jon 12.31, Lep 9.1, 20.2-3 kɨpi awl nɨm ak ensel ne okok sek, kɨli kɨles ma yek, God man ne alaŋ nɨb ñag ju yokel pɨsnep lum awl owlak. God man ne alaŋ yek tek ma yelak. Anɨb ak tek, kɨli God man ne alaŋ ma yenɨgel tek lɨnɨgab. Yoy awl nɨm anɨb ak, Satan nɨm ak. Bɨlel yolɨgup, yɨb ne olap apal, Bɨ takaw yepɨs agup apal. Ne nokom binɨb man okok mɨdupsek kɨlop yepɨs agek, takaw nop ak nɨgɨlak.

10 Jop 1.9-11, Sek 3.1, Lep 11.15, 19.1 Pen takaw awl olap, God man ne alaŋ nɨb agɨl agak,

13 Pen kɨpi awl nɨm anɨb ak, yɨp lum ayaŋ dɨyokɨpal agɨl gos ak nɨŋɨd, bin ñɨ tɨkak ak nop wul sek yukɨnɨg gak. 14 Dan 7.25, 12.7, Lep 12.6, 17.3 Yukɨnɨg gek, nop yawl duk pɨlɨkɨd tek awl omɨŋal lɨñel, wɨŋɨd man nep binɨb ma yelak nab okok ameb tek lak. Am anɨb okok mɨdaknɨŋ, kɨpi awl nɨm nop gɨnɨgab tek ma lak. Nop tap mɨdup ñɨlɨg kod yel, sap yeb omɨŋal nokom amek, sap yeb olap nab okok amnɨgab.

15 Ais 59.19 Pen kɨpi awl nɨm ak, meg mɨgan ne ñɨg wɨlɨk tek kub sup gak. Gos ne ak, bin anɨb anop woŋɨd amnaŋ agɨl, kub sup gak. 16 Kub sub gak ak pen, God gek ñɨg anɨb ak man mɨgan okok pag amɨl, kul gek amnak. 17 Stt 3.15, 1 Ko 2.1, 1 Jo 5.10, Lep 11.7, 13.7, 14.12, 20.4 Anɨgek, kɨpi awl nɨm ak, ne bin nop nɨŋɨd mɨlɨk tɨmel yɨbɨl yowak. Yapek, bin anɨb ak ñapay tɨk lep ne okok, God takaw adek ak kɨdek gɨl, Jisas takaw ne agñɨl nop kɨdek gɨl gɨpal okok, kɨli ayɨp penpen gɨnɨg, 18 am ñɨg solwala gol sɨŋak jak yek.