3
Chɨn tap teplep ak gɨtep gɨnɨgun
Lom 13.1-7, Kol 1.10, Hib 13.21, 1 Pi 2.13-14 Binɨb okok kɨlop age, takaw anɨb ak gos nɨgɨnɨgel. Gapman bɨawl okok sek, bɨawl kɨli okok sek kɨlop muk okok mɨdɨl, takaw agɨnɨgel ak nɨŋɨd kɨdek gɨnɨgel. Pen mɨnek mɨnek wog teplep ak gɨtep gɨnɨg yenɨgel. Epe 4.2, 4.31, Plp 4.5, Kol 3.12, 2 Ti 2.24-25 Bɨ olap nop ma agjuwɨl, penpen ma agɨnɨgel. Bɨ ogɨnap kɨlop kɨmɨgel jɨmñɨl mɨdɨl, mɨdupsek ayɨp kɨmɨgel mɨdon agɨl, gɨtep yɨbɨl gɨnɨgel. 1 Ko 6.11, Epe 2.1-2, 5.8, Kol 1.21, 1 Pi 4.3 Nɨbi nepɨm, chɨn abe ned binɨb sawl mɨdɨl, takaw tep tɨbɨlɨkɨl, chɨnop tay yepɨs agelɨgɨpal takaw nɨŋɨd gɨtep ma golɨgɨpun. Tap lum awl dun agɨl gos nɨŋɨd mɨñmɨñ golɨgɨpun ak, tap anɨb okok wog gɨñeb kɨli tek yolɨgɨpun. Tap si tap tɨmel gɨnɨgun agɨl gos nɨŋɨd, tap kɨli okok yad tek mɨdobɨkop agɨl golɨgɨpun. Binɨb okok chɨnop mɨlɨk nɨŋɨd, penpen yɨlɨk nɨgolɨgɨpun. 1 Ti 2.3, Tat 1.3, 2.11 Anɨgolɨgɨpun ak pen, God ne bɨ kasɨn gep chɨn ak, chɨnop mapen yɨbɨl lɨl, yɨmug nɨgup. Anɨb ñɨn ak, tap teplep anɨb okok mɨseŋ lek, Jon 3.3-5, Lom 11.6, Epe 5.26, 2 Ti 1.9, 1 Pi 3.21 God chɨnop tɨg asɨk dup. Chɨn gɨtep yɨbɨl gon nɨŋɨd, chɨnop tɨg asɨk ma dup. Ne ke pen chɨnop mapen nɨgup tek tɨg asɨk dup. Won anɨb ak kɨlop tɨg asɨk din agɨl, gach chɨnop ak wik yokɨl, Kawnan ne ak chɨnop agyokek apɨl chɨnop gek, ñapay ne yɨbɨl mɨdɨl, koŋɨm nep mɨdobun. Jol 2.28, Apo 2.17-18, 2.33, Lom 5.5 Pen Klays Jisas, bɨ kasɨn gep chɨn ak, wog ne gek, God ne Kawnan ne ak chɨnop monmon tɨg sogak. Lom 3.24, 8.23-24, Gal 2.16, Tat 2.11 Monmon tɨg sogek, pel pelnep yonɨgun agɨl nopun tek nep, God aglɨl agak tek kod mɨdobun. Klays chɨnop yɨmug nɨŋɨd gɨtep gek, God nɨgek binɨb suŋtep ne okok mɨdobun anɨb ak tek, pel pelnep yonɨgabun ak kod mɨdobun. 1 Ti 1.14-15, Tat 2.14 Takaw anɨb ak nɨŋɨd yɨbɨl yek.
Pen binɨb God nop gos lɨnepal okok, kɨli pelnep kɨles gɨl gɨtep gɨnɨgel. Anɨb ak, takaw anɨb awl kɨles gɨl agɨnɨmɨn agɨl gos nepin. Tap anɨb okok teplep yɨbɨl, binɨb anɨb okok kɨlop gek mɨdtep gɨnɨgabal. 1 Ti 1.4, 2 Ti 2.14-16, 2.23, Tat 1.14 Nad pen, takaw nɨgep ma nɨgep ag amɨl apɨl gɨpal ak, apɨs based chɨn takaw agebal ak, takaw penpen ag amɨl apɨl gɨpal ak, takaw Mosis ñu kɨl tɨkak ak nɨŋɨd ag gɨl penpen yɨbɨl apal ak, takaw anɨb okok mɨdupsek kud ñɨnɨmɨn. Jɨj olap ma mɨdeb, binɨb okok kɨlop gek mɨdtep gɨnɨgel tek ma lup. 10  Mat 18.15-17, 2 Ko 13.2, 2 Te 3.6, 3.14, 2 Ti 3.5, 2 Jo 10 Anɨb ak bɨ olap, Klays binɨb okok kɨlop tɨg asɨk keke lenɨgab, ñɨn olap agɨl, nop gos tɨmud wukɨnɨmɨn. Pen ma nɨgek, mɨnek ak abe agɨnɨmɨn. Mɨnek ak abe ma nɨgek, nop kud ñɨnɨmɨn. 11  Apo 13.46, 1 Ti 6.3-5 Nad nepan, bɨ anɨb ak tek, bɨ gos tɨmel nɨŋɨd, tap nɨgep ma nɨgep gup. Pel tap si tap tɨmel gup ak nɨm, tap tɨmel anɨb okok, nop ke pen adɨkɨd amub.
Takaw day won ogɨnap
12  Apo 20.4, Epe 6.21-22, Kol 4.7-8, 2 Ti 4.12 Yad Atemas nop akaŋ, Tikikus nop agyoken, nep am nɨgɨnɨgab. Nɨgek won anɨb ak, kasek apɨl taun Nikopolis yɨp nɨgɨnɨmɨn. Yobup lɨl takɨl gɨnɨgab ñɨn ak, yad am man anɨb ak yenɨgayn agɨl gos nepin. 13  Apo 18.24, 1 Ko 3.5-6, 16.12 Bɨ Senas, takaw tɨg asɨkep olap ayɨp, bɨ Apolos ayɨp, kɨlop dɨtep gɨnɨmɨn. Kanɨb amnɨg gel, tap anɨb okok mɨdupsek ñɨtep ge dad amnɨmil. Nad anɨge, tap olap kɨlop bɨ omɨŋal kul ma gup. 14  Mat 7.19, Lom 15.28, Epe 4.28, Plp 1.11, Kol 1.10, Tat 2.14 Binɨb chɨn okok monmon mɨdɨl, yokɨp ma yenɨgel. Wog tep gɨnɨgun agɨl gos nɨŋɨd, gɨtep gɨlɨg tap mɨdaknɨŋ, binɨb tap ma mɨdeb okok kɨlop ogɨnap ñɨnɨgel. 15 Binɨb mɨdupsek yad ayɨp mɨdobun okok, nep ag dɨdeg lebal. Pen nad takaw chɨn ak dɨl, binɨb Klays nop gos lɨnɨŋɨd chɨnop mapen lɨpal okok, kɨlop ag dɨdeg lɨnɨmɨn.
God nɨbop mɨdupsek yɨmug nɨŋɨd gɨtep gɨnɨmuŋ.

3:1 Lom 13.1-7, Kol 1.10, Hib 13.21, 1 Pi 2.13-14

3:2 Epe 4.2, 4.31, Plp 4.5, Kol 3.12, 2 Ti 2.24-25

3:3 1 Ko 6.11, Epe 2.1-2, 5.8, Kol 1.21, 1 Pi 4.3

3:4 1 Ti 2.3, Tat 1.3, 2.11

3:5 Jon 3.3-5, Lom 11.6, Epe 5.26, 2 Ti 1.9, 1 Pi 3.21

3:6 Jol 2.28, Apo 2.17-18, 2.33, Lom 5.5

3:7 Lom 3.24, 8.23-24, Gal 2.16, Tat 2.11

3:8 1 Ti 1.14-15, Tat 2.14

3:9 1 Ti 1.4, 2 Ti 2.14-16, 2.23, Tat 1.14

3:10 Mat 18.15-17, 2 Ko 13.2, 2 Te 3.6, 3.14, 2 Ti 3.5, 2 Jo 10

3:11 Apo 13.46, 1 Ti 6.3-5

3:12 Apo 20.4, Epe 6.21-22, Kol 4.7-8, 2 Ti 4.12

3:13 Apo 18.24, 1 Ko 3.5-6, 16.12

3:14 Mat 7.19, Lom 15.28, Epe 4.28, Plp 1.11, Kol 1.10, Tat 2.14