20
Pol Masedonia akó Akaya Kwata Wamórr
Taegwarrwóma nóma blakónórr, Pol Yesun umulbain olmal darrpan pokodó ngibaunürr, arüng bütan bóktan nókyenóp, da yawal we bowenóp. Ene kakóm, we wamórr Masedonia prrobinsdü. Wa wamlórr ene Masedonia prrobins kugupidü ne basirr koralórr, da kolpam abün arüng bütan bóktan aliónkü wamlórr, kókó wa Grris kantrridü abzilürr. Ola aüd melpal amanórr. Wa Sirria tótókóm nóma tólbael yarilürr buti, wa ugón umul bainürr wagó, Zu pamkolpama oyaka kolae tónggapónóm kaindako; da wa gyagüpitótók we esenórr Masedonia prrobinsdüma alkomólóm ama Sirria. Ini pama elngomólóp Polón: Sopaterr, Pirrusün olom Berrea wirri basirrdügab, Erristarrkus Apostolab Tórrmen 19:29; 27:2; Kolosi 4:10; Pilimon 1:24 akó Sekundus, Tesalonika wirri basirrdügab, Gayus, Dórrbi wirri basirrdügab, Tikikus Apostolab Tórrmen 20:4; Epesus 6:21; Kolosi 4:7; 2 Timoti 4:12; Taetus 3:12 akó Trropimus, Eisia prrobinsdügab, akó Timoti. I singül kwata ogobórr, da kibü* kibü wa igó poko okaka azazilda wagó, Luk asi yarilürr Polón pampükü. Trroas basirrdü we bókyan kwarilürr. A ki buti bazebórr Pilipi wirri basirrdügab, ⌊Ist-koke Brred Tóre⌋ ngürra nóma blakónóp, akó 5 ngürr kakóm ki ibü Trroas wirri basirrdü nómrrónóp. Ki ola 7 ngürr amónóp.
Pol Yutikasón Irsümülürr Büdüldügab
Udaian singül kwata ngürrdü, ki darrpan pokodó kwób bazenórr Yesun amkoman angun pamkolpampükü, Yesun gyagüpi amanik alo alom. Pol kolpamdó bóktan yarilürr tai kókó abüs singülküp irrüb, zitülkus ama darrü ngürr ki bupude. Abün zyón klama baeb kwarilürr ene müótan aüd ngim paug ne kla yarilürr, ki ne kwób bazen kwarilnürrü. Küsil pam, ngi Yutikas, gri mamtaedó mórran yarilürr, akó Polzan bóktan yarilürr, Yutikasón ama uta arüm yarilürr, kókó oya tai büdül uta türümürr. Wa aüd ngim paugdügab we tupürr ama tüpdü. Oya nóma kwit inóp, wa büdül yarilürr. 10 Pol abinürr tüpdü, da oya kwitüm umtulürr akó oya tange amiógürr. Wa bóktanórr wagó, “Gyakolaegu! Wa arróla!” 11 Da Pol akó kwitüdü we kasilürr, brred syórrpókal yangónórr, akó elorr pamkolpampükü. Ene kakóm, inkü barrkyananbóka we bóktanórr, tai kókó sisa tuninürr, da we wamórr. 12 Ene küsil pam i arról kla idüdóp müótüdü, akó i zao-zao bairrün kwarilürr.
Trroasgab ama Miletus
13 Ki singül kwata ogobnórró buti, da we bazebórró ama Asos wirri basirrdü. Polón ola ki emngyerre butüdü. Kibü ngaen-gógópan wató tilóp, zitülkus wa dorro kwata wamórr Asos wirri basirrdü. 14 Wa kibü Asosóm nóma tómrrónóp, ki oya we ipüdóp akó Mitilin wirri basirrdü we bazebórró. 15 Ki olgabi bazebórró, akó darrü ngürr babzirrü Kios kao minggüpanandó. Idit ne ngürr yarilürr, ki Samos kaodó babzirrü. Akó olgab ne ngürr yarilürr, ki Miletus wirri basirrdü babzirrü. 16 Pol ngaen-gógópan gyagüpitótók esenórr Epesus wirri basirr arrgrratóm, igó ngarkwatódó, wa Eisia prrobinsdü darrü ngürr koke ki amaike, zitülkus oya ubi büsai-büsai tótókóm yarilürr Zerrusalem wirri basirrdü, Pentakost Ma müsirrga ain bóktan 2:1 ngakanke. wirri ngürr ngakanóm, gaodó ne nóma ki yarile.
Polón Yawal Bóktan Epesus Sos Alngomól Byarrmarr Pamdó
17 Pol Miletusgab yada zirrapónórr ama Epesus sos alngomól byarrmarr pamdó, oya asenóm tótókóm. 18 I nóma tübabzilürr, wa ibüka bóktanórr wagó, “E umulakla ka yenkü iazan ngyaben namülnürrü, ngaen-gógópan nóma tamlórró Eisia prrobinsdü. 19 Ngibürr Zu pamkolpama kürükwata bóktan tólbael kwarilürr, akó kürü müp akyan koralórr. A ka Lodón zaget yarrmurrande tónggapón namülnürrü kólba ngi tüp alkomólde. 20 E umulakla, ka Morroal Bóktan nóma büdrrat namülnürrü kolpam ngorodó, akó yabü müótüdü, ka darrü umulbain poko koke irrmatórró, yabü ne klama ki tang nólerre. 21 Ka Zu akó Zu-koke nidipko umul-umulan ngintinarre Godka byalüngüm tibiób kolae tonarrdógab, ó amkoman angunüm mibü ⌊Lod⌋ Yesun. 22 Da errkya, ka Godón Samuan bóktan mamoandóla Zerrusalem tótókóm. Ka umul-kókla, sab kürüka ia laróga tólbaele ola. 23 A ka umulóla igó, blaman wirri basirrdüma Godón Samua kürü umul-umulan ngitanda wagó, kolae akó tümün müóta kürü akyandako. 24 Ka kólba arrólóm koke gyakolaedóla. Kürü wirri ubi módóga, ene kwat mamoanóm, ka ne kwatódó agóltagóldóla, akó zaget alakónóm, ene zaget Lod Yesu ne kla kókyanórr: Morroal Bóktan okaka azazinüm Godón ⌊gail tonarrankwata⌋. 2 Timoti 4:7
25 “Ngaen-gógópan ka yabü kugupidü namülnürrü, Morroal Bóktan amgolde Godón Kingzan Balngomólankwata. Akó errkya ka umulóla, e kürü obzek sab myamem kokean esenane. 26 Da errkya, ka yabü amkoman poko büzazildóla igó, darrü pama ne nóma bamrüke, ene müp sab kótó koke ipudo, 27 zitülkus ka koke nürrmütarre yabü Godón ubi blaman azazilüm. 28 Yabiób tai ngabkan kwarilünke akó blaman kolpam, Godón Samua nibiób iliónürr alngomólóm akó ngabkanóm. E Godón sos ngabkan kolpam kwarilo, wa tóbanan büdül olomanóm óe-e ne pamkolpam bumiógürr. 29 Ka umulóla, ka solkwat nóma wamo, obae umulbain pama sab yabü kugupidü wirri nurr umezan wirri nurr ume, Mórrke-mórrke módóga: wolves. togobe, akó kolpamab obzek nólüngrre Yesun ⌊ótókgum⌋. 30 Enana yabü ngorodógab, sab ngibürr kolpama togobe obae bóktan büdrratóm, Yesun umulbain olmal ausüm, ama ibü solkwat atanóm. 31 E aerr kwarilünke, akó gyagüpi ogoblónke, ka yabü blaman yarrmurrpükü arüngi ikik bókrran namülnürrü, ngürr akó irrüb, aüd pailüm.
32 “Errkya ka yabü Godón tangdó arrbündóla, da yabü gyagüpdü ki yarilün Godón gail tonarrankwata bóktan. Oya gail tonarrankwata bóktan gaodóma yabü amkoman bangun dódórr bainüm, akó yabü aliónüm blaman morroal elklaza, God tóba blaman amarrón pamkolpam ne ⌊alkamül-koke bóktan⌋ ingrinóp. 33 Ka koke namülnürrü darrü oloman silba ó gold ó mórrkenyórrüm. 34 E yaib umulakla igó, ka kólba ini nis tang nisi zaget namülnürrü blaman kla tólbaelóm kólba gómdamalpükü, kibü babul ne kla kwarilürr ngyabenóm. 35 Ka blaman ne kla tólbael namülnürrü, ka yabü amtyan namülnürrü igó, inzan ne müp zagete mi arüng-koke pamkolpam ki tang namtirre. Mi gyagüpi amaniknórre, Lod Yesu tüób ne poko bóktanórr wagó, ‘Gailwóm wa bagürwóm ódódda, apad ama inzan bagürwóm koke ódódda.’ ”
36 Polón ini poko bóktana nóma blakónórr, i blamana wakósingül nümgünóp, da Pol tóre we ekorr. 37 I blamana Polón yónpükü amigóp, oya iprükóp, da yawal we ekyenóp. 38 Ibü we pokoa gyauran ngintinóp wa ne poko bóktanórr wagó, i sab oya obzek myamem kokean eserre. Da i oya we elngomólóp butüdü.

20:4 Apostolab Tórrmen 19:29; 27:2; Kolosi 4:10; Pilimon 1:24

20:4 Apostolab Tórrmen 20:4; Epesus 6:21; Kolosi 4:7; 2 Timoti 4:12; Taetus 3:12

*20:5 kibü wa igó poko okaka azazilda wagó, Luk asi yarilürr Polón pampükü.

20:16 Ma müsirrga ain bóktan 2:1 ngakanke.

20:24 2 Timoti 4:7

20:29 wirri nurr ume, Mórrke-mórrke módóga: wolves.