3 Moses i nae mai Israel awari ma Bada ana viararamana ma ana tarawatu anatapui i riwei ma rava anatapui pona tagoginei i paribelei i pa, “Tauai Bada aiwai i ririwei anatapuna ana kauei.”

4 Ma Moses, Bada aiwai i ririwei anatapuna i girumi. Ubaubanai boiboḡi i vomairi ma pulo aniapuna i voai ola au karena ma ḡaima ḡaeḡae 12 i vimairini Israel ana dam 12 i vimatairei. 5 Anina ma Israel laralaragai i paritawanei da ḡamoḡamo i vununaiei ma pulo i apui Bada awarina ma bulumakau ḡelaui i vunui da ai viturana ma mae-kaua pulona. 6 Moses ḡamoḡamo tarai navanavana i ḡunaiei au aboma ma navanavana ḡelauna pulo aniapuna au tepana i voiwaiwaḡi. 7 Ma parivainuaḡana bagibagina bukana i vaia ma rava awarii i ʼavi. Taui i paribelei, “Tauai aiwai anatapuna Bada i ririwei ana kauei, ana babani ana voteletelei.”

8 ✡Mrk 14:24Ma Moses aboma i vaia ma tara i voiwaiwaḡi rava au tepai. Ma i riwa i pa, “Wei taranei ata tarawatu i vovai-virewapani ma i vianinei.

—Maranai Bada tarawatu i veremi, Tauna parivainuaḡana bagibagina taumi maiteni i kauei.” 12 Bada, Moses i riwei, “Ma ḡei awariu au ola ma weka ma mae, ma ḡaima dabadabai ruaḡa au tepai, riwau ma au tarawatu a girugirumia ana verem da mai Israel ma viararamani.”

13-14 Ma Moses ana taunola Joshua maiteni i vokaukaua da ita ḡae au ola. Ma Moses babada awarii i babani i pa, “Weka ona painiai da ana opu-memei. Aaron ma Hur e mamae, mepa da ami paripariḡai aiwai da ona nae awarii.”

15 Ma Moses i ḡeḡae au ola ma apau ola i purui 16 Ma Bada ana boruma i peu au ola Sinai. Ma au pom six apau ola i purui, ma au pom au vi-7-na Bada apau au orana ma Moses i ḡorei. 17 Mai Israel i taepai ma ola au tepana Bada ana boruma i ʼnanai me ai arata ḡaeḡaena ai menamenana ma bauna potopotona. 18 Ma Moses i ḡae au ola ma apau au orana i rui. Ma au ola i mae au pom 40 ma waguvarai 40.