1 Ma madeḡa ruaḡa i kwa, ma Pharaoh i rauboni da tauna waira Nile au adana i maimairi. 2 Ma bulumakau 7 aiaii ma dododoi wairei i ḡeta ma waira au adana gidagida i amam. 3 Ma bulumakau 7 apoapoei ma kirakiramai wairei i ḡetai da bulumakau aiaii au ririvai i raumairiei waira au adana. 4 Bulumakau 7 apoapoei ma kirakiramai i vomairi da bulumakau 7 aiaii ma dododoi i lawana-pai. Anina, ma Pharaoh matana i kala.

5 Ma i matave me ma mara viruaina i rauboni da witi aina tagogi ma rovei 7 aiaii ma dododoi i ʼnanai. 6 Anina ma witi rovei 7 muriai i gogogo wate rauanaḡa i ravi da i jinajina. 7 Ma witi rovei jinajinai 7 i vomairi da witi rovei dododoi 7 i lawani. Anina ma Pharaoh matana i kala ma i aramanei da i rauboni.

8 Ubaubanai Pharaoh nuanuana i bolai ma riwa i paritawanei da rauboni tauvieḡai ma nuaulaulai anatapui au Egypt i nei. Ma ana rauboni i riwei ma eḡa aiai ravana da ana rauboni anona ita vieḡei.

9 Ma wine taupainina Pharaoh i riwei, “Amadodo ana rupena da tau a kauana-boai. 10 Mara tagogi tam amlom i ḡaiḡai palawa tauapuina ma tau awariu, da u paniai ma sorodia ai bada ana au numa a mae. 11 Ma waguvara tagogi tauai tagotagogi ava a rauboni ma ai rauboni anoi taputapunei ava. 12 Laraga Hebrewei kampa tauai maiteni, tauna sorodia ai bada ana taunola. Ai rauboni a riwei ma tauna ai rauboni anona i vieḡelai 13 Ma tauna aiwai i ririweia nanarena i tupua. Tau u tere-meleu au au nola ma palawa tauapuina u viraḡeni.”

14 Ma Pharaoh, Joseph ana riwa i paritawanei ma panipani-numanei laḡilaḡina i neiai. Joseph i viamḡari ma ana gara aiaina i oteni. Ma i naiei Pharaoh awarina.

15 Ma Pharaoh Joseph i riwei, “Waguvarai a rauboni ma eḡa aiai au rauboni anona ita vieḡeu. Wate rava i riwa da maranai tam rauboni e nononori, lamna anona e vivieḡai.”

16 Joseph i paribelana, “Tau eḡa tagotagogina, wate God am rauboni anona ina verem da oram ina viubai.”

25 Joseph i paribelei, i pa, “Oo bada, rauboni ruaḡai anoi tagogina. God aburuna ava da aiwai ina kauei lamna gulau i viatataiei. 26 Bulumakau dododoi 7, ma witi rovei aiaii 7, lamna maura madeḡana 7. 27 Bulumakau kirakiramai 7 muriai i nei, ma witi rovei jinajinai 7, lamna anona amapo madeḡana 7 au orana gomara.

28 —Aiwai a ririweia, nanare ina tupua. God i viatataiem da aiwai ina kauei. 29 Madeḡa 7 au orana, lamna maura ḡaeḡaena Egypt au anatapuna. 30 Wate au murina, gomara ḡaeḡaena ina mae da madeḡa 7 da Egypt ana maura marana rava nuanuai ina vuru ma gomara rava ina vipupui. 31 Gomara ina rata kaua da maura marana nuanuata ina vuru. 32 God i vianina da wei ina tupua ma eḡa barana ina uama, lamna aubaina rauboni ruaḡa i verei.

33 —Au bada, tam, oroto nuaulaulana ma notanotana uta vinei da Egypt ita vibadei. 34 Wei uta kauei, babada uta terei Egypt au anatapuna da tuaruta au marana ḡuta vi-five-na ita vaia madeḡa 7 maura au marana. 35 Ma rewapana ma verei da au maura, taui lam ina tami da au anara ina vidamni ma ina paini. 36 Wei lamii ina tereriei rava aubaii maranai madeḡa 7 gomara au Egypt ina nei. Ma wei taunei, mai Egypt eḡa am ina iraḡe.”

37 Anina, ma Pharaoh ana gabemani maiteni oga-tarana i vianinei. 38 Ma i riwei i pa, “Mepa rava ḡelauna tana nelaḡai me Joseph ma God Aruana tauna au orana e mamae?”

39 Anina ma Pharaoh, Joseph i riwei, “God wei anatapuna i viatataiem, eḡa aiai ḡelauna nuaulaulana ma notanota kauana me tam. 40 ✡Act 7:10Tam ana terem da au dobu ma vibadei ma au rava anatapui am riwa ina voteletelei. Tau Pharaoh, ma am rewapana tau ainelau au rewapana eḡa ina ḡetawanei.”

41 Ma Pharaoh i riwa, “Marina tau a vinem da Egypt anatapuna ma vibadei.” 42 Ma Pharaoh au urana ana vigulau ringna i votawanei ma Joseph au urana i terei,*Mataira da Joseph, Pharaoh ana rewapanei ma ana riwei i nolanola. ma gara maiana ḡaeḡaena i vioteni ma sein goldei au uana i tere-taḡonei.

45 Ma Pharaoh Joseph wava Zaphenath-Paneah,†Safenat-panea Egypt ai ponei anona God i bababani ma i lawana. i verei ma mai On ai pirisi Potiphera ‡On Wei lamna dobu wavana, ma wavana ḡelauna lamna Heliopolis. Wei au dobuna rava, madeḡa i raudunelei. natuna guguinina Asenath, Joseph i verei da awana. Anina ma Joseph, dobu Egypt i vibadei.

46 Joseph ana madeḡa 30 ma wei vibadana i vaia. Ma Joseph, Pharaoh i netawanei ma Egypt i naeni ma i tuvirevirei. 47 Maura ḡaeḡaena i nelaḡai madeḡa 7 au orana. 48 Joseph ai maura ḡelaui i tami maura madeḡana 7 au orana au Egypt, ma au melagai nununai i tere-kauei ma i paini. Melagai anatapui ai lam au anara i terei. 49 Joseph lam i vidamni da olana i mairi me bubu au gera ma iavana i kauana-avei aubaina lam i rata dewadewa.

53 Ma maura madeḡana 7 au Egypt au damona i ḡeta. 54 ✡Act 7:11Ma gomara madeḡana 7 i raukarei, me Joseph i ririweia nanare. Gomara dobu au anatapuna, wate Egypt au anatapuna lam i mamae. 55 Maranai mai Egypt raumolaḡau i vikarei, taui Pharaoh i vibaḡai lam aubaina. Ma taui i riwei da ita nae Joseph awarina ma tauna aiwai i ririweia ita kauei.

56-57 Maranai gomara Egypt anatapuna i vaia, Joseph anara i votawatawanei ma lam mai Egypt awari i gimarei. Anina ma gomara i rata kaua dobu au anatapuna da rava anatapui i nei Joseph awarina au Egypt lam gimarana aubaina.