1 Imi kariimet Adam ko gue te kapaman. Tom Kaem kari nungam mu nu kota numi dora te nungam. 2 Nu kari nungam, imet nungam, ale marak nungaram. Ale nunga balam “kariimet” mam.

3 Adam ko yia tom 130 asele noko kuriang bo noko turantala aratam. Se nu nup beteram Seth i mam. 4 Adam 800 yia tala bagaram. Se yia luan umu ningi mu noko kuriang sang kari se imet mu agotala bilangaman. 5 Adam ko yia tom ali imi te bagaram mu 930.

6 Seth ko yia tom 105 asele noko kuriang kari gira aratam, mu Enosh. 7 Seth udagi 807 yia tala bagaram. Se yia luan umu ningi noko kuriang sang kari se imet mu agotala bilangaman. 8 Seth ko yia tom ali imi te bagaram mu 912.

9 Enosh ko yia tom 90 asele noko kuriang kari gira aratam, mu Kenan. 10 Enosh udagi 815 yia tala bagaram. Se yia luan umu ningi noko kuriang sang kari se imet agotala bilangaman. 11 Enosh ko yia tom ali imi te bagaram mu 905.

12 Kenan ko yia tom 70 asele ko kuriang kari gira aratam, mu Mahalalel. 13 Kenan udagi 840 yia tala bagaram. Se yia luan umu ningi noko kuriang sang kari se imet agotala bilangaman. 14 Kenan ko yia tom ali imi te bagaram mu 910.

15 Mahalalel ko yia tom 65 asele ko kuriang kari gira aratam, mu Jared. 16 Mahalalel udagi 830 yia tala bagaram. Se yia luan umu ningi noko kuriang sang kari se imet agotala bilangaman. 17 Mahalalel ko yia tom ali imi te bagaram mu 895.

18 Jared ko yia tom 162 asele ko kuriang kari gira aratam, mu Enoch. 19 Jared udagi 800 yia tala bagaram. Se yia luan umu ningi noko kuriang sang kari se imet agotala bilangaman. 20 Jared ko yia tom ali imi te bagaram mu 962.

21 Enoch ko yia tom 65 asele ko kuriang kari gira aratam, mu Methuselah. 22 Enoch Kaem ilak kapetaram ale 300 yia tala bagaram. Se yia luan umu ningi noko kuriang sang kari se imet agotala bilangaman. 23 Enoch ko yia tom ali imi te bagaram mu 365. 24 Nu Kaem ilak kapetara la baga yumu namaram, mu awuk, Kaem kumik guang karogo lilim tam.*Enoch: Hebrews 11:5; Jude 14.

25 Methuselah ko yia tom 187 asele ko kuriang kari gira aratam, mu Lamech.†Kari imi mu gomang ningi nunguning ko kari bo. Kari bo nup Lamech tala mu Cain ko gue te aratam ale nu numi patawura kari: Genesis 4:23-24. 26 Methuselah udagi 782 yia tala bagaram. Se yia luan umu ningi noko kuriang sang kari se imet agotala bilangaman. 27 Methuselah ko yia tom ali imi te bagaram mu 969.

28 Lamech ko yia tom 182 asele ko kuriang kari gira aratam. 29 Se nu nup beteram Noah i mam, ale balam, “Yawe ali imi ko den aora biya balam se ana te ura to turutuwu lagasan. Bare kuriang imi aratam mu ana yaman ikup giwasan imi ningi wore nanga sanguk se naneman sapanakko,” mam. 30 Se Noah bilangaram buring ko mu Lamech 595 yia tala bagaram. Se yia luan umu ningi noko kuriang sang imet se kari agotala bilangaman. 31 Lamech ko yia tom ali imi te bagaram mu 777.

32 Noah 500 yia bagaram asele ko kuriang kari Shem, Ham, se Japheth bilangaman.