13
Saulo Yaubada yana veimea kebu i da ve'ililibuyeni
Tutuyanina Saulo 'ana malamala 30 i veluagai i vekini. Me Isileli tolugaviavo Saulo i kumesedi bega me Emumoni i taiadi i vetalaga, we'e Saulo ma yana tolugaviavo i vetoketoke-'iawedi. Vetalaga i 'a'avana, me Filisitia i 'i'idamanidi taiadi i lugavia siwe 'awalawanina yana tolugaviavo 'adi 'aila'a bwaikina begaidi me Isileli i kololo.
Saulo Samuela i lulukamaseni i na mai i na velomu 'Auvea 'waineye mulieta i na vetalaga, siwe Samuela i 'ivogavogana. Kebu'agana Saulo i tovoi i velomu 'aisaya i kabuni 'eba velomu 'waineye 'Auvea mataneye. Fai Saulo i 'abiwalowaloga kebu Samuela i da lukamaseni begaidi 'Auvea i 'ivenuasakoi, siwe kebu tutuya manamanawenaga Samuela i le'wa.
Samuela Saulo i tolimatani
13 Samuela i veifufu Saulo 'waineye i vo, 'Omu 'wava'wavamu. I lubwainemu 'Auvea yamu Yaubada yana veimea 'u da ve'ililibuyeni, ma yamu nuaobu 'u da vematayakeyakeni. 'Ai'edi yana veimeanina 'u da ve'ililibuyeniga, 'omu wata tubumwavo taiadi 'ami wauma 'wainega vekini 'ana veimea Isileli faifaina i da 'eno-vagata. 14 Fol 13:22Siwe tutuya de'e 'wainega i na nagoga yamu vekini 'ana veimea kebu wata i na 'eno'eno, i na 'a'avaotoga 'waimuyega. 'Auvea tamu tomogo i venua'ivineni, kumanina yana nuanua wata taunina yana nuanua taiadi i vesala. Tomogonina 'akonadi i silakai yana tomotoga i na 'edakumesedi, 'omu tutulimu, fai yana veimea kebu 'u da vematayakeyakeni.”