18
Saulo Devida i ve'unumagigieni
5 Saulo i veimea Devida i nago me Isileli 'adi gaviavo taiadi i vevetalaga nika i vevetoketoke-'iawedi. Begaidi Saulo i silakai i vetovemata'ai'ai 'ifwaidi yana tolugaviavo 'waidie. Tomotoga matatabudi Saulo yana tofolovavo bwaikidi taiadi i 'iseni i awave'atumaieni. 6 Tamu tutuya Devida i vetalaga me Filisitia yadi tovemata'ai'ai*Me Filisitia yadi tovemata'ai'ai toketokena 'ana wagava Golaiati. toketokena taiadi nika i luvewafai. Devida tolugaviavo taiadi i vilaviladi yadi 'atamane, vevine fuedi i maia me Isileli yadi 'atamana matatabuna 'waidiega nuanuadi Kini Saulo i na yogo'ede'edeni. Yadi aliali wata gita†'Ana mogitana vona Ibeliu 'waineye, we'e vona Dimudimu 'ana saivila, tamborines and lutes. i miedi bega ma yadi sosoana i leilei wata i yogo-tavotavola. 7 1 Sam 21:11; 29:5Ma ediavo i leilei i vo,
Saulo 'ana gaviavo 1,000 i luvewafadi,
we'e Devida 'ana gaviavo 10,000 i luvewafadi.”
8 Vevine yadi leinina 'wainega Saulo i kiavenuasakoi, nika nuaneye i vo, De'e ava'ai i sousouyeni? Devida 'ana awave'atumai bwaikina i veleveleni 'ana gaviavo 10,000 i luvewafadi, we'e yau sai'afo siaina, 1,000 i veleku. Kebu tutuya manamanawenaga Devida i na silakai i na vekini.” 9 De'e sauluvanina 'wainega Saulo Devida i veve'unumagigieni wata i vevemata'i'i'ieni.
Tutuya de'e 'waineye, Saulo Devida i vegavieni nuanuana i na luvewafai. We'e Saulo natuna Dionatani Devida i voneni i vo, Tamaku nuanuana i na luvewafamu.” Begaidi Devida i dega i nago 'awalawa tulina tulina 'waidiamo Saulo 'wainega i givagiva.