21
Aimeleki Devida i 'ivaiseni
1 Devida i nago 'atamana Nobi tovelomu Aimeleki 'waineye. Tutuyanina Devida i le'wa Aimeleki ma yana kololo i mai i tatatava i vo, Awale 'aisemu 'u mai 'waikuye? Wata awale kebu tamu aitoi taiadi 'wa da maiga?”
2 Devida i vo, Kini Saulo i voneku tamu yana nuanua 'aiseku a na 'idewai, kebu tamu aitoi i na 'asetai. Yaku tomotogavo a vonedi i lulukamaseku tamu 'atamana 'waineye bei taiadi 'a na veluaga. 3 Nuanuaku a na 'asetai 'aivia 'ani'ani 'waimuye? Beledi 'adi 5 'u da veleku wata 'ifwaidi ava'ai 'omu 'waimuyega.”
4 Tovelomu Aimeleki i vo, Kebu tamu beledi-'avo'avovo i da 'eno'enoviga we'e beledi tabutabudi*Beledinidi tovelomu 'aisedi 'adi tauya i na 'ani'anidi. 'Wa na 'iseni Veimea 24:5-9, Luke 6:3 wata Malika 2:25-26 'aisedi i 'eno'enovi a yato'idiedi 'Auvea 'ana subia faifaina. 'Ani'aninidi 'adi veimea side bani'odi. 'Ai'edi yamu tomotogavo kebu vevine taiadi i da 'eno bagase 'aiatanidi 'waidie, 'ana fata 'u na 'ewadi 'wa na ve'ala'ani.”
5 Devida yana vona i tutuli i vo, Kebu nuafoumu i na veviga. Tutuyanina 'a nunago vetalaga faifaina, yaku tomotoganidi kebu a da tauyedi vevine taiadi i na veluaga. Tutuya de'e 'a nunagoi kini yana nuanua 'a na 'idewai, begaidi kebu tamu sai'afo naninidi i na kiatonovidi bega vunavunagidi.”
6 Vei 24:5-9I vona'a'ava tovelomu beledi tabutabudi Devida i veleni fai kebu tamu 'ani'ani tulina i da 'eno'eno. 'Aiatanina 'waineye beledinidi tuatuaidi i 'ewadiga 'Auvea yana vanuga 'wainega we'e ma'itufa beledi 'ivaudi yauyaugidi i yatodi.
Devida i givagiva 'awalawa fuedi 'waidie, mulieta tomotoga fuedi i maia 'waineye, taunina yadi to'edakumeta. Tutuyanina Saulo vala i nogai Aimeleki Devida i 'ivaiseni, tovelomu matatabudi i luvewafadi we'e Abiada 'aisena i luvegalalai. Bega i dega i nago Devida i ve'ila'eni. Tutuyanina 'ifwaidi 'awalawa yadi tolugaviavo i mimaia me Isileli taiadi i vevetalaga, Devida ma yana tomotoga me Isileli i 'i'ivaisedi nika 'adi gaviavo i vetoketoke-'iawedi.
We'e Saulo ma yana tolugaviavo Devida i lulualeni nuanuadi i na luvewafai, siwe kebu i da veluagaiga. Tamu tutuya 'waineye Devida 'eda'eda i veluagai 'ana fata bei Saulo i da luvewafai siwe i baila, kebu nuanuana i na luvewafaiga fai kumanina Yaubada i silakai i vekini. We'e Saulo i kwayekwayega Devida i lulualeni nuanuana i na luvewafai.
*21:4: Beledinidi tovelomu 'aisedi 'adi tauya i na 'ani'anidi. 'Wa na 'iseni Veimea 24:5-9, Luke 6:3 wata Malika 2:25-26
21:6: Vei 24:5-9