14 1 Sam 8:5Wata Mosese i vonedi i vo, Tutuyanina 'wa na luku fwayafwayanina 'Auvea yami Yaubada i velevelemi 'wa na vili, 'wa na vo, Tamu kini ta na venua'ivineni i na veveimeyeda bani'odi tomotoganidi i mia-vivileda.’ 15 'Ai'edi nuanuami tamu tomogo 'wa na silakai bega i na ve-kini, nagami 'Auvea yami Yaubada i na venua'ivineni. Tomotoganina taunimi me Isileli 'waimiega, kebu mali tomotoga. 16 1 Kin 10:28; 2 Ifu 1:16; 9:28We'e kininina i lubwaineni kebu yana 'aisaya osi fuedi vetalaga faifaina, wata kebu tomotoga i na vonedi i na nago Itifita bega osi fuedi i na kimwanedi fai 'Auvea 'akonadi i vonemi i vo, 'Omi kebu 'wa na vilami Itifita.’ 17 1 Kin 11:1-8; 1 Kin 10:14-22,27; 2 Ifu 1:15; 9:27Kini kebu vevine fuedi i na nagidiga i na nunago vevinenidi nuana i na sivilai 'Auvea i na baileni. Kebu siliba wata golida i na toke i na luvea'weni i na ve'ai'aiwabuga. 18 Tutuyanina vetoveimea 'ana didige i na miabui, veimea kilukilumidi i na 'etovedavedamanedi taunina yana 'eba 'isa faifaina, we'e tovelomu 'ifwaidi Livai 'ana wauma 'wainega i na 'iseni nika i na awave'atumaieni. 19 Yana mia matatabuna 'waineye veimeanidi lilivaneye i na 'eno'eno, i na lulu'iawawadi nika 'Auvea yana Yaubada ma yana ve'ililibu i na kololoyeni, yana veimeanidi wata yana awave'eda'eda i na vevematayakeyakedi. 20 'Ai'edi bani'odi i na vevesauluvediga, kebu taunina i na awa'ai'aia yana 'aila'avo 'waidiega, wata veimeanidi kebu i na bailedi i na yogo-'avo'avovoga bega taunina wata tubunavo me Isileli i na veveimeyedi tutuya manamanawena.