34
Mosese yawaina i 'a'ava
1-2 Tutuya 'ifwaidi i 'a'avana, Mosese Moabe laube'una 'wainega i tauya i nago i laka 'Oya Nebo 'waineye wata i vagalaka 'Oya Fisiga deba'aineye, 'oyanina Ufa Iolidani lilivaneye we'e 'atamana Ieliko vi'ainega. Bei 'Auvea 'awalawanina matatabuna i veni, Giliadi 'wainega i nago 'atamana Dani, 'ifwaidi 'awalawa 'waidiamo bani'odiga Nafitalai, Ifeleimi, Manasa wata Iuda, i nagoga Eyaga Mediteleniani inala yana 'eba inivayega. 3 Wata 'Auvea Mosese i veni Negevi 'awalawana matatabuna, Ieliko laube'una, 'atamananina tamu 'ana wagava 'Atamana Niula bega i 'isanago 'atamana Soa. 4 Nag 12:7; Nag 26:3; Nag 28:13'Auvea i veifufu Mosese 'waineye i vo, Side fwayafwayanina a vona'awaufeufeni Ebelamo, Aisake wata Iakobo 'waidie a vo, 'Awaie tubumiavo a na veledi.’ A tauyemu fwayafwayanina 'u na 'isenimo we'e kebu 'u na luku 'waineye.” 5 Mulieta Mosese, kumanina 'Auvea yana tofolova, 'awalawanina Moabe 'waineye yawaina i 'a'ava, bani'odiga basenadi i voneyeni.
9 Mosese bola ma yawaineye i miamia, nimana i yatoi Iosua, Nuni natuna 'waineye bega i na veto'edakumeta we'e 'Auvea nuanua tonovidi i veleni. Me Isileli Iosua i ve'ililibuyeni, nani matatabuna 'Auvea Mosese i voneyeniga, tomotoganidi i vematayakeyakeni.