3
Nani matatabuna ma 'adi tutuya
1 Naninidi 'aitamogana 'aitamogana i sousouyediga fwayefwayeye ma 'adi tutuya.
2 Tutuya venatuna wata tutuya wafa.
Tutuya bakula wata tutuya 'aile'wa.
3 Tutuya luvewafa wata tutuya 'ive'atumai.
Tutuya geu wata tutuya 'aiyogona.
4 Tutuya 'we'wela wata tutuya namaga.
Tutuya vemogai wata tutuya tavola.
5 Kileu i na tawetawedi ma 'adi tutuya wata i na mimaiedi i na 'e'etokwaudiga ma 'adi tutuya.
Tomogo 'ana lu'uma'umai ma 'ana tutuya, wata 'ana veugauga ma 'ana tutuya.
6 Nani 'ifwaidi 'adi lauala ma 'adi tutuya wata lauala-wayoga ma 'ana tutuya.
Nani 'ifwaidi 'adi 'isave'avina ma 'adi tutuya wata ta na tawediga ma 'adi tutuya.
7 Tutuya silabulabu'a wata tutuya agila.
Tutuya ve'wada wata tutuya geku.
8 Tutuya venuakalikali wata tutuya vedumwe'ubu'ubuta.
Tutuya vetalaga wata tutuya veiana.