5
10 Egavo yadi nuanua bwaikina mani,
'ako kebu 'anigodi i na toa, nuanuadi ma 'ana 'imoso'i.
Egavo yadi 'ai'aiwabu i na nuakalikaliediga,
kebu i na sosoana yadi 'ai'aiwabunidi faifaidi.
Yadi nuanuanidi nani-'avo'avovo.
11 'Ai'edi 'u na ve'ai'aiwabuga nani fuedi 'waidiega,
'ako tomotoga fuedi i na maia bega 'u na 'a'anivelena 'waidie.
Naninidi 'u na 'ise'isedimo 'ako i na 'a'ava.
12 Tomotoga i toke i folofolova siwe i 'e'eno-dewa,
'ai'edi 'ani'ani bwaikina 'alo siaina kebu tamu ava'ai, i na 'enomo.
Siwe egavo i ve'ai'aiwabuga nani fuedi 'waidiega,
avinodi i na kamoai, siwe kebu i na 'eno-dewaga,
siwe i na toke i na vevenua'ivina 'ai'aiwabunidi faifaidi.
13 De'e tamu nani vitana a 'iseni fwayefwayeye,
aitoi yana 'ai'aiwabu bwaikina, we'e i na ve'o'olediga,
'ako vita i na veveluagai 'ai'aiwabunidi 'waidiega.
14 'Ai'edi tamu aitoi yana 'ai'aiwabu i na yatoi vekimwane faifaina,
siwe kebu tamu aitoi i na mai bega i na kimwanediga, yana 'ai'aiwabunina 'adi ve'amubwadodo.
Tutuyanina yawaina i na 'a'avaga, natunavo i na vewekowekoma.
15 Iob 1:21; Same 49:17; 1 Tim 6:7Side bani'odi, 'ida ta tubuga konekoneda wata nima-'ava'avada,
we'e tutuyanina yawaida i na 'a'ava, wata konekoneda ta na vilada.
Kebu 'ada fata yada folova vuagina ta na 'ewai ta na naweni.