7
15 Yaku mia matatabuna 'waidie nani fuedi a 'isedi 'wa da vo nani-'avo'avovo.
A 'iseni tamu tomogo yana sauluva tonovina siwe tubuvauvauneye yawaina i 'a'ava.
We'e tamu, avinodi tovesauluva-sako siwe yana mia i vemanawe.
16 Bega kebu 'u na vo, Yau 'atumaiotogiku,”
wata kebu 'u na vo, Yaku nuamageta bwaikina,”
i na nunago taunimu 'u na 'anivelenemu wafa 'waineye.
17 Kebu 'u na sakona-vebogi 'alo
tove'wava'wava yana sauluva 'u na salai.
'Ai'edi bani'odi 'u na vesauluvediga,
voke 'u na wafa-matayo'o.
18 'Ai'edi yaku awave'eda'eda naninidi 'adi 'ailuga faifaidi 'u na vematayakeyakediga,
i na 'ivaisemu yamu mia i na ve'atumai.
Aitoi Yaubada i veve'ililibuyeniga,
sauluvanidi i na bailedi.
19 Tamu tonuamageta 'ana fata i na vetoketoke toveimea 'adi 10 'waidie, 'atamana bwaikina nageneye.
20 Fwayefwayeye kebu tamu aitoi yana sauluva matatabuna tonovinaga,
'alo kebu tamu tutuya i da sakonaga.