11 'Auvea Yaubada i vo, Yau tauniku yaku sifi a na lualedi a na veluagadi, a na 'i'isave'avinidi. 12 Yau bani'odi sifi to'isave'avina yana sifi i mia-ve'eve'e'elagiga i na miedi yadi 'eba mia 'aitamogana 'waineye i na 'i'isave'avinidi. Waowa wata dudubala 'adi tutuye yaku sifi i ve'aladegadega 'awalawa tulina tulina 'waidie, we'e yau a na lualedi a na 'ita'ita'iedi. 15 Yau 'Auvea Yaubada, tauniku yaku sifi a na 'isave'avinidi wata 'awasasa 'atumaina a na veledi bei i na veawai. 16 Kumanidi i ve'alavuyovuyoga a na lualedi a na viledi yadi 'awalaweye. Ilailagidi a na lumulamuladi we'e mweadi a na kiavetoketokedi. We'e kumanidiavo ma 'adi tubuga wata toketokedi a na nikedi. Sifinidi sakoidi 'adi vematavuloga a na veledi, 'adi laubwaina 'wainega.

17 Yau 'Auvea Yaubada a vo, To'isave'avina sifi yana 'aisayavo i na 'ivisidi sifi wata goti i na yato'edi, wata bani'odi 'omi yaku tomotoga matatabumi 'wa na vonayavuga matakuye bega a na 'idimi vematavuloga 'alo tutula 'atumaidi faifaidi.”