Ielemaia
'Eba kiavemageta
Ielemaia tamu Yaubada yana tolu'ivona ma 'ana ve'ililibu, i miamia 'atamana Ielusalema nageneye, Yaubada yana vona i lulu'ivoneyedi yana tomotoga 'waidie.
Yana tomotoga i mamatakiadi Yaubada yana vematavuloga faifaina. 'Ai'edi i na vedumwe'ai'aieni wata mali yaubadavo i na vevetutuyamediga i na vematavulogidi.
1
Ielemaia 'ana venua'ivina
4 'Auvea i voneku i vo,
5 'Omu bola kebu a da 'idewamu inamu umwadie we'e nagami a 'asetamu.
Mulieta 'u na tubuga a yato'idiemu faifaiku,
a venua'ivinemu yaku vona 'u na lu'ivoneyeni tomotoga 'aila'a tulina tulina 'waidie.”
6 A tutula a vo, Aioi 'Auvea Yaubada, yau kwamana siaiku, kebu 'aku fata faifaimu a na veifufuga.”
7 'Auvea i vo, Kebu 'u na vo, Yau kwamana siaiku.’ Ava'ai bei a na vetunemuga 'u na nago, ava'ai a na veimeyemuga 'u na lu'ivoneyeni tomotoga 'waidie. 8 Kebu 'u na kololoyediga, yau taiadi a na 'ibababalemu.
Yau 'Auvea, side bani'odi a voneyedi.”
9 'Auvea 'awaku i 'abitonovi i vo,
De'e yaku vona 'awamuye a silukuveni.
10 'U ve'wada a na vonemu. 'Asiau a silakaimu bega ma yamu veimea tomotoga 'aila'a tulina tulina 'u na mamatakiadi.
'Ifwaidi 'u na abudi, 'ifwaidi 'u na geudi, 'ifwaidi 'u na luvela'ovidi wata 'ifwaidi 'u na siobuyedi.
We'e 'ifwaidi 'u na sivetovoidi wata 'ifwaidi 'u na bakulidi.”
17 Wata 'Auvea i voneku i vo,
'U na 'idewadewa, bega valanidi a na vonemuga matatabuna 'u na lu'ivoneyedi tomotoga 'waidie.
Kebu 'u na kololoyedi, i na nunago yamu kololo a na 'imoso'ieni,
nika 'u na bunumayaga tomotoga matadie.
18 We'e 'asiau, yau a kiavetoketokemu,
'wa da vo bani'odi 'atamana bwaikina i da 'ibababaleni kali fa'alina 'wainega,
'alo bani'odi 'ogola kainumu 'alo bani'odi bibina kainumu 'ana wagava balonisi.
Tomotoga i miamiani 'awalawa Iudia nageneye, 'u na tovibodedi
bani'odi kinivo, to'edakumetavo, tovelomuvo wata tomotoga fuedi.
19 Tomotoganidi igodi nuanuadi i na vetoketoke-'iawemu,
siwe kebu 'adi fata fai yau 'omu taiadi, a na 'i'ita'ita'iemu.
Yau 'Auvea, side bani'odi a voneyedi.”