64
4 1 Kol 2:9Tutuya basenadiotoga i maiga 'asiau,
kebu tamu yaubada tulina 'omu yama Yaubada bani'odi,
yaubadanina tulina kebu tamu aitoi i da 'iseni 'alo bonana i da nogai.
We'e 'omu yama Yaubada, tomotoganidi i vetumagana 'waimuye, 'aisedi 'u 'i'ivaisedi.
5 Egavo ma yadi sosoana sauluva 'atumaidi i 'i'idewadiga,
wata yamu sauluva tonovidi i vevetutuyamedi,
'omu 'u lulu'uma'umaiedi.
We'e 'ima, tutuya manamanawena 'a kwayega sauluva sakoidi 'a 'i'idewadi,
begaidi 'u nunuasakoyema.
'Ana fata 'ita'ita'i 'a na veluagai?
6 Yama sauluva sakoidi 'waidiega, matatabuma 'a veyoke matamuye.
Igodi 'a vevewavawava nuanuama yama sauluva i na tonova matamuye,
siwe naninidi matatabuna 'waimuye 'wa da vo bani'odi kaleko dibulakata yokeyoke-otogina.
Yada sakonanidi i eva-vuvueda, 'wa da vo bani'odi welavi lukudi 'adalidi kaukau i da lubewevuvueni.
7 Siwe kebu tamu aitoi 'waimuye i da velu'ui,
'alo i da wai 'aivaita faifaina
begaidi 'u vedumwe'ubu'ubusema.
Yama sauluva sakoidi 'u tauyedi i na 'ivesakoima.
8 'Auvea, 'omu 'ima tamama.
'Ima bani'odi fwayafwaya dekudekuna,
'omu bani'odi nau 'ana to'abi,
nimamuyega 'u 'idewama 'a souyema.
9 Kebu 'u na toke 'u na nuasakoyema,
kebu yama sauluva sakoidi 'u na nuave'avinidi
fai matatabuma yamu tomotoga,
begaidi ma yamu 'isanuakalikali 'u da 'i'isave'avinima.