61
Vala 'atumaina tomia vitana faifaidi
Yaubada yana Tofolova Vevenua'ivinina i vona i vo,
i venua'ivineku vala 'atumaina a na lu'ivoneyeni tovewekowekoma 'waidie,
wata egavo i toke i nuavitaga nuadi a na 'iveoloolodi.
I vetuneku tomotoga yogoyogonidi
'adi 'etoyavu faifaina a na lu'ivona,
wata tomotoganidi vanuga 'eba yogona 'waineye i miamianiga, i na yavudi.
2 Mad 5:4I vetuneku tovemogai nuadi a na 'iveololodi
wata a na lulu'ivona 'Auvea yana 'atumaina yana tomotoga 'waidie 'ana tutuya 'akonadi i le'wa,
we'e 'ana gaviavo i na vematavulogidi.
3 I vetuneku me Ielusalema*'Ana mogitana vona Ibeliu 'waineye Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi. i nunuavitaga a na kiavesosoanidi.
Basenadi i tainu'wanu'wa, 'awaie lei-subisubia a na veledi.
Yadi sauluva matatabuna tonovidi
'wa da vo bani'odi tamu welavi tonovina wata fa'alina 'Auvea taunina 'ana bakubakula,
yana 'atumaina 'ana 'eba sivemageta.
6 'Omi i na golemi
'Auvea yana tovelomuvo, wata
Yada Yaubada yana tofolovavo.
Tomotoga 'adi 'aila'a tulina tulina 'waidiega yami 'ai'aiwabu 'wa na veluagadi.
Taunimi 'wa na awa'ai'aimi 'wa na vo,
Tomotoganidi 'waidiega 'a ve'ai'aiwabu.”
8 Yau 'Auvea, nuanuaku sauluva tonovidi, we'e vainago wata sauluva sakoidi a vematakilekiledi.
Yaku tomotogavo yadi mia vitana faifaina tutula 'atumaina a na veledi, bani'odi basenadi a vona'awaufaufa,
we'e yaku veakutagona 'waidie i na 'eno-vagata.
9 'Awaie tubudiavo 'adi wagava i na vebwaika ma 'adi ve'ililibu tomotoga 'adi 'aila'a tulina tulina matadie.
I na 'isedi i na 'asetadi 'Auvea i yabovidi wata i vesauluva 'atumaina 'waidie.
fai i 'ita'ita'ieku bega mataneye yaku sauluva matatabuna tonovidi.
'Ita'ita'inina wata sauluva tonovidi 'wa da vo bani'odi talauma 'ai'aiwabuna 'wainega i da ve'weseniku.
Bega yau 'wa da vo bani'odi tomogo nagi 'ana vaigavu i da vigavuyeni.
Wata 'wa da vo bani'odi vavine, tutuyanina i na nagiga, taunina i na 'ivivigavuya mwali wata 'ifwaidi vaigavu 'waidiega.
11 Waifei kabuna fwayafwayayega i tabotabo,
wata bani'odi 'Auvea Yaubada 'ana subia wata sauluva tonovina i na kikiavebwaiki,
naninidi tomotoga 'adi 'aila'a tulina tulina i na 'ise'iseni.
*61:3: 'Ana mogitana vona Ibeliu 'waineye Saioni, Ielusalema tamu 'ana wagava, we'e mogitana 'awasasanina Yaubada yana Vanuga 'Eba Velu'ui bei i tovotovoi.