58
Sauluva tonovidi faifaidi
'Auvea i vo, 'Odu'odu mogitana matakuye 'ana vesauluva side bani'odi.
7 Mad 25:34Tolase 'ami'amiega 'wa na 'aniveledi,
kebu yadi vanugaga 'wa na lu'uma'umaiedi,
kebu 'adi talaumaga 'wa na 'ivaisedi,
we'e taunimi yami 'aila'a kebu 'wa na degedi, 'wa na 'ivaisedimo.
8 'Ai'edi bani'odi 'wa na vevesauluvediga, 'omi 'wa da vo inala yana mageta i da vuvulaoga,
'ami viga 'waidiega 'wa na ve'atumai-matayo'o.
Yami sauluva tonovidi i na 'edakumesemi,
we'e mulimie yau 'Auvea yaku mageta mataududulina i na veve'isabodebodemi.
9 Tutuyanina 'waineye 'wa na velu'ui 'waikuye a na nogayemi,
'wa na vegole 'aivaita faifaina a na tutula.
Kebu mali tomotoga 'wa na 'ive'abiawadi vita 'waidiega,
kebu emiavo 'wa na vebonaivoyedi,
wata kebu 'wa na lu'ivona-vekavekali.
10 Tolase 'wa na ve'anidi we'e tomotoganidi ma 'adi vita 'wa na 'ivaisedi,
nika yami sauluva 'atumaidi 'waidiega
'omi bani'odi mageta dudubala nageneye.
Yami magetanina i na toke i na 'awaiaia bani'odi 'aiata 'wana'wana.”