56
Tomotoga mali 'awalawa 'waidiega taunidi i na tauyedi 'Auvea 'waineye
1 'Auvea yana tomotogavo i vonedi i vo,
Sai'afoga a na wai a na 'ita'ita'iemi,
wata yaku 'atumaina a na sivemageseni 'awasasamie.
Begaidi i lubwainemi yami sauluva matatabuna tonovidi wata
'wa na vevesauluva 'atumaina tomotoga fuedi 'waidie.
6 'Awaie tomotoga mali 'awalawa 'waidiega taunidi i na tauyedi yau 'Auvea 'waikuye,
yaku nuanua i na 'i'idewadi, i na nuakalikalieku wata i na subisubiaku.
'Aiata Veawai i na veve'ililibuyeni wata yaku Veakutagona i na vevematayakeyakeni.
7 Mad 21:13; Mak 11:17; Luk 19:46Tomotoganidi a na miedi Ielusalema yaku 'oya tabutabuna 'waineye.
Yaku Vanuga 'Eba Velu'ui nageneye sosoana a na veledi.
Yadi 'anivelena wata yadi velomu a na awave'atumaiedi,
fai yaku vanuga 'ana wagava, Vanuga 'eba Velu'ui tomotoga 'aila'a tulina tulina faifaidi.