23
Yaubada yana Kini yana sauluva tonovidi i na silakai
1 'Auvea i vona i vo, Yaku tomotoga yadi to'edakumetavo, nuakalikalidi. 'Awaie vita bwaikina i na souyeni 'waidie. Kumanidiavo bani'odi to'isave'avina sifi sakoidi, sifivo i 'i'ivesakoidi bega i degadega i nunagoi 'awalawa 'ifwaidi 'waidie.”
2 'Auvea, kumanina me Isileli yadi Yaubada, yana vala to'isave'avinanidi 'waidie i vo, 'Omi kebu yaku sifi 'wa da 'isave'avina 'atumaidi, siwe 'wa sogiedi i nagoi 'awalawa 'ifwaidi 'waidie, begaidi yau a na vematavulogimi yami sauluva sakoidi faifaidi.
Yau 'Auvea, side bani'odi a voneyedi.
3 Basenadi yaku tomotoga a sogiedi i nagoi 'eba veimea 'ifwaidi 'waidie, 'asiau kumanidiavo ma yawaidi i miamiani, a na veviladi 'adi tuvadeye, nika i na venatuvea'wa 'adi 'aila'a i na vefue-'afo'afo. 4 'Ifwaidi to'edakumeta 'atumaidi a na venua'ivinedi a na silakaidi bega i na veto'isave'avina faifaidi, nika yaku tomotoga kebu i na kolokolologa wata kebu tamu aitoi i na vuyovuyo.
Yau 'Auvea, side bani'odi a voneyedi.”
Tutuya i mimai 'waineye, tamu tomogo Kini Devida 'ana wauma 'wainega a na venua'ivineni a na silakai i na vekini.
Ma yana nuamageta tomotoga i na 'e'edakumesedi,
bega 'awalawanina matatabuna nageneye i na vevenua'ivina-'atumai wata 'eda'eda tonovidi i na 'i'idewadi.
6 Yana veimea 'ana tutuye me Iuda i na 'i'ita'ita'iedi,
we'e me Isileli mia-niwalova i na veveluagai.
'Ana wagava i na goleniga, side wagavanina,
'Auvea yana Veimea Tonovina 'waideye.”