20
'Auvea i vona i vo,
5 De'e 'atamana Ielusalema yana 'ai'aiwabu matatabuna a na 'anivelenedi 'ana gaviavo 'waidie, yadi kukua i na lukwekwekwedi i na nawedi 'atamana Babiloni. Naninidi 'adi tutula bwaikidi taiadi a na 'anivelenedi, kukuanidi faifaidi i toke i folofolovaga, wata Iuda 'ana kinivo yadi kukua matatabuotogidi i na 'ewadi.”
Ielemaia yana vona-vaitugana
Ielemaia i vona i vo,
7 'Auvea, 'u vekalieku*Ielemaia taunina i tauyeni i na vetolu'ivona 'Auvea faifaina, siwe vitanidi bwaikidi bola i na souyediga 'waineye kebu i da 'asetadiga. begaidi yamu vekali a awavemogitaneni.
'U vetoketoke-'iaweku fai yau mweaku.
'Aiata 'aitamogana 'aitamogana tomotoga i sisidibidibieku.
8 'Waidie a lulu'ivona a vo, 'Ami gaviavo i na leomi i na 'ivesakoimi.’
Yamu vona a lulu'ivoneyeni 'waidie begaidi i sisidibidibieku wata i awavesakoyeku.
9 'Ai'edi a na vo, 'Asa'aiana, 'Auvea yana vala kebu wata faifaina a na lulu'ivona,
kebu nuanuaku a na veveifufuyeni,’
siwe yana vona nuakuye i luluyauyauta 'wa da vo bani'odi 'ai i da 'ala'alata nagekuye.
Igodi nuanuaku a da ve'o'oleni siwe kebu 'aku fataga.
10 Tomotoga yadi vona a noganogaidi i vevebonaivoyeku.
Vita fuedi i tovififineku faifaidi a vevenuafouviga.
Tove'isakololo i vo, Yama to'edakumeta 'waidie 'a na lu'ivoneyemu i na vematavulogimu.’
Wata ekwavo i vevemata'i'i'ieku nuanuadi yaku vekali i na 'isaveluagai.
'Aise'avadi i veifufu i vo, Ta na vekalieni bega ta na vetoketoke-'iaweni
nika 'ada mewa ta na 'ewai.’
11 Siwe 'Auvea lilivakuye i tovotovoi,
'wa da vo tovetalaga yadi tovemata'ai'ai,
begaidi 'aku gaviavo matatabudi i na be'u kebu i na vetoketoke-'iawekuga.
I na bunumayaga we'e yadi bunumayaga tomotoga kebu nuadi i na faniga.
12 'Auvea, 'omu tomia abama yadi Tovemata'ai'ai, tomotoganidi yadi sauluva tonovidi matamuye, yadi folova 'u sisitonovidi,
yadi venua'ivina wata yadi nuanua givagivadi 'u 'ise'isedi.
'Aku vita nimamuye a yatodi,
nuanuaku matakuye 'aku gaviavo 'u na vematavulogidi.
13 'Auvea 'waineye 'wa na lei subisubia.
We'e taunina tovewekowekoma i 'i'ita'ita'iedi tosakona yadi toketokena 'waidiega.”
*20:7: Ielemaia taunina i tauyeni i na vetolu'ivona 'Auvea faifaina, siwe vitanidi bwaikidi bola i na souyediga 'waineye kebu i da 'asetadiga.