17
'Auvea tutula mogitana 'ana to'anivelena
5 'Auvea side bani'odi i voneyedi i vo,
Tomotoganidi yau 'Auvea i vedumwe'ai'aieku,
we'e i vetumagana tomotoga yadi toketokena 'waidie,
bega yau vita a na veledi.
6 Tomotoganidi bani'odi welavi yegayegadi fwayafwaya lalana 'waineye,
fwayafwayanina bei muna i 'eno'enoga, kebu tamu aitoi i da miamia.
Tomotoganidi 'awaie kebu 'aivaita 'atumaina i na veluagai.
7 We'e tomotoganidi yau 'Auvea i vetumaganeku
wata taunidi i tauyedi 'waikuye,
a na vevesauluva 'atumaina 'waidie.
8 Same 1:3Tomotoganidi bani'odi welavi i tovotovoi ufa lilivaneye,
'walamidi i obu ufa i veluagai.
Inala yana yauyauta faifaina kebu i da nuanua,
'ai'edi tutuya manamanawena 'wei kebu i na 'wei'weiga, kebu i na kolokolologa,
lukudi kebu i na 'adalidi wata kebu i na avuta,
tutuya matatabuna i na vuavuaga.
9 Tomotoga matatabudi yadi venua'ivina kebu tamu aitoi 'ana fata i na 'aseta-'atumaia.
Tutuya matatabuna nuanuadi vekaliega i na vevesauluvasako,
'wa da vo bani'odi viga bwaikina kebu tamu aitoi 'ana fata i na 'ive'atumaia.
yadi venua'ivina givagivadi a 'i'isa-'atumaidi.
Tomotoga 'aitamogana 'aitamogana yana vesauluva 'wainega 'ana tutula a na veleni.
Tutula mogitana a na veleveledi, yadi folova 'adi 'isa'isa bani'odi.”