4 Tamu tutuya, to'edakumetavo 'adi 4 i nagoi Kini Sedekia 'waineye i voneni i vo, Yama kini, i lubwaineni Ielemaia i da wafa. Yana vona 'wainega tolugaviavo i 'i'ivemweadi, kumanidiavo bola i miamiani 'atamana de'e nageneye wata tomotoga matatabudi taiadi. Kebu nuanuana tomotoga i na 'ivaisedi, we'e i vevewavawava nuanuana i na 'ivekokovidi.”

5 Kini Sedekia i vo, 'Atumaina, ava'ai nuanuami, 'wa na 'idewaimo. Kebu 'aku fata a na talabodemiga.”

6 Bega to'edakumetanidi Ielemaia i 'ewai i yatoi ufa alaalana 'waineye, kini yana tolumadu'ai yadi 'awasasa nageneye. Ufanina kini natuna iavetana 'ana wagava Malakida i alai. Ielemaia bulavayega ma'inuadi i ve'iuli i obu ufanina alaalana nageneye, siwe ovunina nage'avana kebu ma ufanaga, dobwadobwana'ava 'waineye i vetumotoveni.