3
Iobi yana vona-vaitugana, awale inana i venatuneni
1 Iel 20:14-18Tutuyanina 'aiata 7 i 'a'avana Iobi i veifufu, yana 'aiata tubuga i awavesakoyeni. 2 Iobi i vo,
3 Yaku tubuga 'ana 'aiata i da 'u'uma-yavuleni,
we'e lovananina 'waineye yawaiku i velamu bei i da 'ailove.
4 No'o 'aiatanina i lubwaineni dudubala i da veimeyeni!
Yaubada tabwanega i da lauala-wayogeni,
kebu mageta i da 'isala i da obu 'waineye.
5 Dudubala bwaikina i da veimeyeni,
waowa 'wau'waugidi i da uma-'avo'avovoi,
no'o dudubala 'aiatanina i da ve'isakololoi.
6 Lovananina a tubuga dudubala bwaikina i da 'u'uma-vagaseni,
i da 'ewayavuleni malamala matatabuna 'waidiega,
kebu wata i da souyeni tamu weta'i 'waineye.
7 No'o lovananina 'wa da vo vavine kakalina,
kebu sosoana wata namaga i na veluagai.
8 'Aiatanina a tubuga tove'wasa'wasala i da bwalaseni,
kumanidiavo 'adi fata 'aisaya kasikasisina*'Ana mogitana vona Ibeliu 'waineye, Levaiatani. i na luvagoni eyagayega.
9-10 We'e 'aiatanina 'waineye inaku natuvaluludi i da sibodai,
bei i da givekuga vita 'waidiega.
Begaidi lovananina 'waineye Kumauloku yana mageta i da dudubali,
'aiata 'ana mageta i da lukamata-wayogeni,
kebu inala i da vulaoga 'aiatanina 'waineye.
11 Awale yau kebu yawaiku i da 'a'avaga tutuyanina inaku i venatuneku?
A da souyeku inaku kamodiega bei a da 'a'ava.
12 Awale inaku i ve'enoviku 'agedie?
Awale i vesusuku susudiega?
13 Yawaiku i da 'a'ava yaku tubuga 'waineye,
'asiau a da mia-niwalova wafa nageneye,
a da 'eno'enova a da veveawai.”