1 'Auvea Mosese wata Eloni i vonedi i vo, 2 'Ai'edi tamu tomogo i na vebonu, tomogona i na velufo'afo'ana 'alo tamu bonu i na vebwaika i na nagoga viga 'eba kololo i na souyeniga, enavo i na naweni tovelomu Eloni ma natunavo iavetadi 'waidie. 3 Nika tovelomu bonunina i na 'isa-'atumaia, 'ai'edi vutuvutu bonunina 'waineye i na lau'avuga wata bonunina i na 'ani i na obu, i na 'asetai viga sakoina. Bega tovelomu tomotoga i na velu'ase'asedi i na vo, De'e tomogonina yokeyokena matadeye.’

45 Tomogonina viga sakoina i 'ewaiga, 'ana kaleko 'anilabulabu'idi i na veagei, nava'auna kebu i na ve'inataiga wata maigina i na bwasai bega i na vegolegole i na vo, Yau bonubonuku, yau bonubonuku kebu 'wa na mai lilivakuye.’ 46 Veimeanina tomogonina faifaina i na 'eno'eno 'ana tugusa viganina i na 'a'ava. 'Aise'avaneye i na miamia bae'wa mulineye.”