1 Wata 'Auvea Mosese i voneni i vo, 'Ai'edi aitoi i na 'anivelena-maimaiga Veiana faifaina, i lubwaineni tamu yana bulumakau i na venua'ivineni, iavetana 'alo vevinena, tomogonina 'aisaya i na 'aniveleneni yau 'Auvea 'waikuye, we'e 'aisayanina kebu ma 'ana vigaga 'alo lumalumanaga. 2 To'anivelenanina nimana i na yatoi yana 'aisaya 'unu'ununeye nika Vadavada Tabutabuna 'ana 'eba luku 'waineye 'odona i na boboi i na wafa. Eloni natunavo iavetadi, kumanidiavo tovelomu, dayaga i na 'ewai 'eba velomu lilivana i na luitaitali. 3-4 I na 'a'avana, 'anivelenanina 'wainega tovelomu du'u 'ifwaidi i na yato'idiedi i na 'anivelenedi yau 'Auvea 'waikuye. Du'unanidi side bani'odi, yafana, mata 'adi 'ailuga ma kanamona, 'ase'asena ma yafana, naninidi matatabuna i na 'anivelenedi. 5 Mulieta Eloni natunavo du'unidi i na silakavedi tamu velomu 'akonadi i kabukabuniga 'eba velomu tabwaneye i na veakuvefofoi, nika ma fuedie i na 'alaidi.*'Aiata 'aitamogana 'aitamogana 'awa'awaie wata lavilavie tovelomu 'aisaya i vevelomuyedi i kabukabunidi me Isileli faifaidi. 'Ai'edi aitoi nuanuana i na 'anivelena-maimaiga veiana faifaina, velomu kabukabunina tabwaneye i na silakaveni i na velomuyeni. I na 'aniveleneniga yau 'Auvea 'waikuye, magaina 'atumaina wata 'iwanina, yaku 'eba sosoana.”