1 Tomotoga matatabudi i va'auta yadi nuanua 'aitamoganega 'atamana fouye, we'e Ufa 'ana 'Awa lilivaneye. I 'a'avana Esila, kumanina ve'etoboda 'adi tove, i voneni 'Auvea yana veimea Mosese i kilumiga me Isileli faifaidi, i na mieni.

2-3 Weta'i 'ana ve-7 'aiata kumekumetana 'waineye tovelomu Esila veimea ma bukina i mieni tomotoga matatabuna 'waidie, iaveta, vevine wata yavayavava kumanidiavo 'adi fata vona i na nogaidi wata i na 'asetadi. Esila i tovoi 'atamana fouye, Ufa 'ana 'Awa manawaneye 'Auvea yana veimea i lu'iawawai tomotoga fuedi 'waidie. Esila i lu'iawawa we'e tomotoga i vainenega-dewa, i velamu tutuyanina inala i vulaoga 'ana tugusa inala i veutukamwani.

5 We'e Esila i tovotovoi didiga tabwaneye nika tomotoga matatabudi 'adi fata i na 'iseni. Veimea 'ana buki i lutasei, tomotoga matatabudi i tovoi 'Auvea yana veimea 'ana ve'ililibu faifaina. 6 Esila 'Auvea i subiai i vo, Yaubada 'omu bwaikaotogimu.” Nika tomotoga i tutula i vo, E'e, vona mogitana. E'e, vona mogitana.” Matatabudi nimadi i silakaidi nika i 'odu maigidi i obu fwayefwayeye 'Auvea i subiai.

8 Veimea 'ana buki i lu'iawawai wata i kiavemagetai 'ana 'aseta tomotoga i vonedi, nika nuadi i magetai.

9 Tomotoga veimea i vivinenegeni nika i velamu i vevemogai. To'edakumeta Niemaia, Esila kumanina tovelomu wata veimea 'ana tove, tomotoga Livai 'ana wauma 'wainega kumanidiavo tomotoga i vevediga, i vonedi i vo, Kebu 'wa na nuavitaga wata kebu 'wa na 'we'welaga, de'e 'aiatanina tabutabuna wata vevenua'ivina 'Auvea faifaina.”

10 Niemaia i veifufu i vo, Sakali de'e 'wa na sosoaneni, 'ami'ami 'atumaidi wata 'ami ufa 'iwanidi 'wa na yemu. We'e 'ani'ani 'wa na 'anivelena kumanidiavo kebu tamu ava'ai i da 'idewaiga 'waidie. Fai de'e 'aiatanina tabutabuna 'Auvea faifaina, kebu 'wa na nuavitaga, we'e sosoana 'Auvea i velemiga, yami 'eba vetoketoke.”