Sali'avu'avuye
Me Isileli 'adi 'aila'a 'ana lu'iawawa
'Eba kiavemageta
Buki de'e 'ana wagava Sali'avu'avuye vona Ibeliu wainega fai tutuyanina 'waineye me Isileli i miamia sali'avu'avu 'ana wagava Sainai 'waineye. We'e tamu 'ana wagava Numbers vona Dimudimu 'wainega fai bukinina 'eba velamu 'waineye Mosese me Isileli 'adi 'aila'a i lu'iawawadi 'adi wauma 12 'waidiega. Wata i lu'ivona me Isileli yadi nago wata yadi mia sali'avu'avuye malamala 38 nagedie, tutuyanina 'Oya Sainai 'wainega i tauya i nagoga 'ana tugusa i le'wa 'awalawa Kenani lilivaneye.
6
'Auvea To'isanuakalikali
22 Tamu tutuya 'Auvea i veifufu Mosese 'waineye i vo, 23 Eloni ma natunavo iavetadi 'u na vonedi bega me Isileli i na vona-nuakalikaliedi, side bani'odi i na voneyedi i na vo,
24 'Auvea i da vevesauluva 'atumaina 'waimie wata i da 'i'isave'avinimi.
25 'Auvea ma yana sosoana i da 'ise'isemi wata i da 'i'isanuakalikaliemi.
26 'Auvea maigina i da yato-vagaseni 'waimie bega mia 'atumaina wata mia niwalova i na velevelemi.’
27 Tutuyanina Eloni ma natunavo me Isileli i na vona-nuakalikaliedi 'aku wagavayega, yau tauniku a na vevesauluva 'atumaina 'waidie.”