23
Tutuyanina Belami i le'wa, Belaki nuanuana Belami me Isileli i na 'ilawatagonidi bega taiadi i nago i velomu 'Auvea 'waineye, tutuya 'aitonu 'aisaya i kabunidi i velomuyedi 'waineye. Siwe Belami kebu 'ana fata i na 'ilawatagonidiga, tutuya matatabuna i lulu'ivona Yaubada i na vesauluva 'atumaina 'waidie. Belami yana vona-nuakalikali 'adi 4 me Isileli faifaidi, we'e yana veifufu 'ana veluga side bani'odi;
18 Belami i veifufu i vo,
Belaki, Sifo natuna, 'u mai, 'u vainenega. Ava'ai a na vonemuga 'u na nogai.
19 Yaubada kebu tomotogaotoga, begaidi kebu i na vekali,
Kebu ma vovonaga, bega nuana i na sivilai.
Naninidi i voneyediga wata bani'odi i na 'idewadi,
Ava'ai i vona'awaufeufeniga i na souyeni.
20 'U na nogai. Yaubada i voneku tomotoganidi a na vona-nuakalikaliedi,
'Akonadi i vesauluva-'atumaina 'waidie, kebu 'aku fata vona-nuakalikalinina a na vevilaiga.
21 'Auvea me Isileli yadi Yaubada, taiadi i miamia,
Bonadi bwaikinega i sososoana i vo, Yaubada taunina yada Kini.’
Kebu tamu vita 'alo nani sakoina i na mieni me Isileli 'waidie, kumanidiavo Iakobo tubunavo.
22 Yaubada i vagavaidi i miedi Itifita 'wainega,
Yana toketokena me Isileli faifaidi, bani'odi bulumakau walawala'ai.
23 Kebu tamu 'afo'a 'ana fata Iakobo tubunavo i na 'ilawatagonidi,
Balau wata 'ulua mweadi, kebu 'ana fata me Isileli i na 'ivesakoidiga.
We'e ma'itufa me Isileli, Iakobo tubunavo, tomotoga i na veveifufuyedi i na vo,
'Wa 'iseni, Yaubada nani bwaikidi i 'i'idewadi tomotoganidi faifaidi.’
24 Me Isileli bani'odi 'aisaya laioni vevinena kasikasisina,
'Ai'edi i na dabaga*Laioni yadi sauluva 'ou'ou tuvatuvadi bani'odi. kebu 'ana fata i na 'awatagonidi 'ana tugusa 'wenedi i na ovai,
Dayagina i na yemuya wata i na 'ania
Mulieta i na 'etobala i na veawai.”